Jeremaia 6:2 - Nobonob Baibel

² Sion aab am aab, neekkak nuhig enanag, amge da heppi, kekeɗ ag heppeg nauhkku.

Jeremaia 6:2 Iomraidhean Croise

Aisaia 1:8

Kekeɗ ag heeg, Sion nukkaib daatte. Nug grep dadppan peh ⌊uɗat malak haenppa⌋ nukka, hamu daatte amu, nug amubia daatte. Ao, nug dadppan peh ⌊uɗat malak haenppa⌋ nukka, hamu daatte amu, nug anam bia daatte. Nug kekeɗ ag aab okkai laa talilidna, oo mettaeg, aab amu nukka, piɗe daatte, amubia Jerusalem nukka ⌊laa nug ehanidkkunu iitta⌋ aakku daatte.

Jeremaia 4:31

⌊O gadon tuleglegppa da⌋ gayak doottem. Da ah nug nid tatamnu aokkunu haaha, ewawa aiqagatte, da gayak amubia doottem. Da gayak doottem am, ag Juda danab ah, ahilag. Ah laa nug laa ehanidkkunu eppeg bahia, “O gadonnab gadon, da mauhkkulnu hettem. Da danab nau eppelagppa daaiyi, ag heppeg mauhkkulnu hettem,” atte amu, ag Juda danab ah ag amubia daatteb doomi.

Gayak Nai 2:1

⌊Israel ag hipunin heegeg,⌋ Naɗi Nug he, nuhig oo nauhak ag tonattom daatte. Anukka Sion am binag okkai ele, amge gemu Jerusalem am binag nakok laa ele iitta. Nug oo nauhak okkai doya; Nug Jerusalemnu, “Aab dahil,” dab-ii-meum.

Gayak Nai 2:13

O Jerusalem danab ah, da ehanadkkulnu aɗi akkul? Laa guittak ag aoppig bia aoppigte? Ge, O Sion danab ah, ag oolag mekkunu amu; da aun laa ag guittak okkai, ag aoppig bia aoppig ippunadppi, ag ɠagattag aoglag? Amu oh iitta; da am elele iitta. Ag guittak aoppig daatteb am okkainab, yu unuqagnab noa ukkak amubia amunu, aun nug ehanatteb, ag eɗun ena daaglag?

Gayak Nai 4:5

Laa ag anukka ee ena enaib ladappig amu, ag gemu keeke iitta ele ib giginppa daatteb. Ao, laa ag lamen ena enaib tagattappig amu, gemu ag uhuɗppa daatteb.

Duteronomi 28:56

Am ah laa ag oolagppan, nug hanhan laa dilagnu oo doyak okkai dootte ele, nug kakah laa keeke, nug keeke amu nauhmanu dabmak okkainab aotte ele, haen nau amu beeb, haen amuppa nug gamu nuhignunab, nug nuhignu oo mauhtte ele, nug nuhignu, o bekkanu, o aɗegnu ena ii doya, ee keeke madakkunu uua doyaya,