Jeremaia 44:1 - Nobonob Baibel

¹ Yawe Nug Jeremaia, Juda danab ah Isip daappig dilag nai laa imu ele mette doyom. Juda danab ah amu laa ag Isip ooppa aben laa yawalti uɗitteppanu daatte, ag aben amuppa aab onilag Mikdol, Tapanes, amu Mempis ele amuppa daaegeg, laa ag Isip ooppa aben laa yau uɗitteppanu daatte, ag aben amuppa daappig. Nai Jeremaia nug ahilagnu doyom am inam.

Jeremaia 44:1 Iomraidhean Croise

Genesis 10:14

Patrus danab, Kaslu danab, Kapto danab ele; Kaslu buɗub am Pilistia danab.

Eksodas 14:2

“Na Israel amelagppa appe, ag eɗun gona, yu ihippa Pihahirot guguittak, appa ag haen tutu dayaknu aab kaleg! Aab amuam Mikdol, Le Kokoɗ ele gamalahppa, Balsepon guguittak, appa daatte.

Aisaia 11:11

Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Aisaia 19:13

Soan aab okkaippan danab okkai ag am dabmak iitta ele. Mempis huunu ikki danab ag am dabmak hambuppuak dim lamidtteb. Isip danab okkai amu ag Isip danab ah ib ena ippunadkkulagnu daatteb, amge ag ib nau amuppa omaladppig.

Jeremaia 2:16

Ele amu, danab aab okkai Mempisnu, Tapanesnu ele, ag heeg, ag Israel ag gemu binag amahlak oppiaawak ele nakok laa iitta ele daatteb.

Jeremaia 24:8

Ag gemu Babilon diia ukka laih me dayak danab ah daatteb, ahilagnu am da anam hekkul, amge Sedekaia, nug Juda dilag king gemu daatte, nuhikkud ehanittak anuqak danab, amu Jerusalem danab ah laa ag ii mauhppig ele, da amu dilagnu ad fig meu naunab, ag amubia daatteb doottem. Ad fig meu amuam naunab, danab lakkunu elele iitta, amu da danab ad fig meu nau amubia attem attem hette, da anamib ahilagppa hekkul. Ag wan imuppa daaglagtai, o iitta ag oolna Isip wanppa gona appa daaglagtai, da anamib aakku hekkul.

Jeremaia 43:13

Isip wanppa amu, nug ukka, aamnu mettid lag, amuppa nug heeb, biidod, danab ah ag biidod amunu, ‘Am ihinig kayaknu keeke,’ anan ottaitteb ele amu, nug biidod amu heeb nauhppeg, Isip dilag kayak hambuppuak dilag mettid lag manatteb eoglag.” ’ ” Yawe Nug nai anam awa, Jeremaia mettom.

Jeremaia 44:15

Jeremaia nug nai amu doya, danab ah amelagppa a, Juda danab ah kuɗum Isip ooppa aben laa yau uɗitteppanu daatte, ag aben amuppa daaegeg, laa ag Isip ooppa aben laa yawalti uɗitteppanu daatte, ag aben aɗit amuppa daappig, amu ag oh haen amuppa uɗin daanna, Jeremaianu nai dooppig. Ag daappig ele, ag oolagppa danab laa ag ahilkad ah ag kalu danab ile muttuɗig enanag bette manadna, kayak hambuppuak mattaegeg dooppig amu, ag, ahilkad ah ele, amu danab ah laa oh ele ag Jeremaianu nai doon, ag nug amegppa appig.

Jeremaia 46:14

“Jeremaia na nai imu Isip wanppa appa mehuqppe doyeg! Appa na Mikdol, Mempis, Tapanes ele Isip danab ah ag dooglagnu appe doyeg! ‘O Isip danab ah ban wan atu ag talilidna daatteb ele amuppa daatte. Appan danab ah qep elabppa mauhtteb amunu, ag Isip dilag daup ag ahan, ag ban hekkulagnu, abenppa gona daan, ag babaitteg!

Jeremaia 46:19

Laa uɗikku amu, nug heeb, ag Isip ag ahilag aab okkai Mempis am nauhakib daakku. Aab amuam nauhakib dayebeb, danab o ah laa appa ii daama amunu, ag Isip ag diia ukka laih me dayak danab ah wan laappa daaglagnu ag keeke laippu laippu aon gokkulagnu battamppa ineg!’ ” awa aum.

Esekiel 29:10

da nahip hak amunu eheɗ doyeye ool ii medattem; le Nilnu le nagppanu ele anam bia doottem amunu, da heppi, Isip wan Mikdol, appa digma ukka Aswan ta ukka, Kus wannu tom batak amu, wan amu oh am hele-ettak, wan meu waknu nakokib elele, am anam daakku.

Esekiel 29:14

Da heppi, ag diia ukka laih me dayak danab ah daappigppanu eɗun uɗin, ag ahilag wanppa laih onig Patros, ag appa daaglag. Anukkanab ag memetalkad ag appa daappig. Ag eɗun uɗin, appa daanna, ag wanppan wan oh oolagppa, ɠagattag okkai iitta daaglag.

Esekiel 30:13

Amu Naɗi Yawe Nug inam atte. “Da heppi, kekeɗ ag heppeg, Isip appa kayak hambuppuak dottolkad nauhkkulag. Ao, Mempis appa da heppi, kayak hambuppuak dottolkad ii daamna. Isip appa, ahilag okkai laa nug ag gumadkkunu ii daama. Amu da heppi, Isip danab ah oh ag baɗaglag.

Esekiel 30:14

Da heppi, kekeɗ ag heppeg, Isipnu wan laih, Patros, am nauhakib dayebeb, ag aab Soan amotppeg, ewa iitta mekku. Laa amu, da heppi, kekeɗ ag heppeg, Isipnu aab okkai Tebes bu medappeg, am ele nauhkku.

Esekiel 30:16

Da heppi, Isip wan oh eokku. Pelusium danab ah ag guittak nau, eheɗ aoglag. Kekeɗ ag Tibsnu aɗ heppeg nauhkku. Mempis danab ah ag baɗak eheɗ nau doon daaglag.

Esekiel 30:18

Isip danab ah, ag dada kobol henan oitteb, amge deɗ amuppa da heppi, aab Tapanesppa gatatu neeb, Isipnu ɠagattag am iitta mekku. Da heppi, bud Isip wan tonebeb, kekeɗ ag heppeg, danab ah aab naunauppanu ag wan laalappa diia ukka laih me dayak danab ah daaglagnu gokkulag.

Hosea 9:6

Aɗinu? Antte! Asiria ban danab ag laala ii aqaglag dayeb amu, geha Isip ag diiglag. Ao, Isip ban danab geha ag diin gona, Mempis maadppeg, appa ag mauhppeg boumadkkulag. Ag geha ippa ahilag wanppa ii daamna, geha uud keeke qaun ele bena, ahilag en, silwappa hak, teguadkkulag. Ao, keeke qaun ele geha ag laulkadppa bekkulag.