Jeremaia 42:2 - Nobonob Baibel

² Ag nug gumidna tena, nug amegppa appig. “Ig keeke laanu oɗ medapput, na ihinig oɗmak dookkutnu oɗ medattem. Na Yawe, nahip Kayak, na Nug unuqidppe, Nug ig Juda danab ah oɗo yaak daattem, Nug ig ehanikkeb, ig ena daagnignu oɗ medattem. Aɗinu? Ig Juda ig anukka kuɗumnab daamut, amge gemu na anidttem imu, ig laib laibib daattem.

Jeremaia 42:2 Iomraidhean Croise

1 King 13:6

Aakku King Jeroboam nug Kayaknu propet amegppa aum. “Na Yawe, nahip Kayak, na Nug unuqidppe, nug da ehaniɗa heeb, da eppel imu eɗua ena daakkunu ool daatte,” awa aum. Nug anam a amu, Kayaknu propet nug Yawe, nuhig Kayak, nug Nug unuqitte, king eppeg eɗua, ena dayom bia dayom.

Sam 119:170

Na dahil unuqittak dookkutnu oɗ medattem. Na ehaniɗppe, da qagaiettakppa ii daapanu nai ame amu, na anam hekkutnu unuqidttem.

Eksodas 8:28

Moses nug anam a, aria Paro nug aum. “Aakku amunu, da ag uuadppi, ag atu taɗakppa gona, ag doɗ main Yawe, ahilag Kayak, ag Nug mettaglag, amge ag umanab aib goppig. Aria, ag dahilnu ele unuqidppeg, da ehaniɗaɗ!” awa aum.

Eksodas 9:28

Ais doɗo am hakkaɗ ele ig eheɗ iqatte amunu, na amu iitta mekkunu Yawe unuqidkkutnu oɗ medattem. Da geha heppi, ag gokkulag; ag baula ippa ii daamna,” awa aum.

Aisaia 1:15

Amunu, ag geha ag eppelag attan human, da unuqilkkulag amu, da ag ii doyadpa, da ag ii anadpa. Ag unuqittak kuɗum hekkulagtai, ⌊amge⌋ ag amu hekkulag dayeb, diig amunuib da dookkulnu daul ii humapa. ⌊Aɗinu?⌋ Ag eppelagppa danab tiilag ambak daatte.

Aisaia 1:9

Anam amu, Yawe Nukka Ɠagattag Oh Ele, Nug ihinkad danab ah laib laib he daatteb. Nug anam ii helo amu, geha ig oh Sodom danab nauhppig bia nauhlom. Ao, Nug anam ii helo amu, ig Gomora danab padal meppig bia padal melom.

Aisaia 37:4

Asiria dilag king nug he, nuhig ban daup ikki banppa o ban guguittakppa daatte, nug Kayak hanhan bau daatte awa awa qedakkunu uɗia, ⌊anam heum⌋ amunu Yawe, Nug nahip Kayak, Nug awa awa qettak nai amu Nug doyom ele, Nug nai amu dabmedakkutai. Nug dabmedatta, Nug Asiria dilag king bu medakkutai. Anam amunu, na ig Juda oɗo yaak daattem ele, na Yawe Nug ehanigkkunu unuqidkkutnu oɗ medattem,’ awa atte, aon appig.”

Aisaia 42:20

O Israel danab ah, ag keeke kuɗum dooppig, amge ag dooppig ele, ag amunu ii dabmeppig. Yo, ag dooglagnu daulag ele, amge ag da aɗi attem amu, ag dooglagnu uuppig,” awa aum.

Jeremaia 15:11

Da anam ami, amge Yawe Nug da amelppa aum. “Genab, na ena hekkutnu da ehanidppi, na ena hekkut. Genab, uug nau laa, o uug naunab laa bekkunu haenppa, haen amuppa da heppi, nahipad kekeɗ amu ag na ehanadkkutnu, oo doyakppa unuqidkkulag,” awa aum.

Jeremaia 2:27

Ag ad aon, kayak hambuppuak dottog hoina, ag, “Na am ig mamenig,” aon atteb. Ao, ag men laa aona, ag, “Na ig menuigme,” ele aon atteb. Ag amu hekkulagnu diig am, ag da dimeɗan, ag da dim lamiɗkkulagnu uuppig. Ag anam hetteb, amge uug bette haenppa ag ahan, da amelppa, “Uɗin ehanigppe, ig padal aib memut!” aon atteb

Jeremaia 21:2

“Babilon dilag king Nebukatnesar nug banenig uɗia, ban hette amunu, na Yawe amunu oɗ medakkutnu oɗ medattep. Anukka Yawe Nug haen laala nuhig ɠagattagppa kobol danab hekkunu elele iitta hatta, Nug ig Israel ehanikke, ena daamut. Amu na gemu Yawe anam ehanikkeb, Nebukatnesar nug ban hak uua, aha uuikka gokkutai, o iittatai, na Yawe amunu oɗ medappe, aɗi ab, appe doognihnu oɗ medattep,” aoya apiɗ.

Jeremaia 36:7

Yawe Nug danab ah imu dilag haknu oo nauhe, oppoɗi beum daatte; ag bu okkainab aoglagnu daatteb atte amunu, na ebqeppe, ag doon, ag anen anen ag Yawe unuqidnana, ag nau hak ahilag uuglagtai,” awa aum.

Jeremaia 37:20

Amge, o dahil naɗi, na king, gadon, na dahil nai dookkutnu oɗ medattem. Na uuiɗppe, na dahilnu keeke laa hekkutnu oɗ medakkulnu ool daatte. Na heppe, da nai yaak danab Jonatan laugppa eɗue ii gopanu oɗ medattem. Da eɗuen, appa gokkul dayeb amu, da mauhkul,” awa aum.

Jeremaia 37:3

Ag nai amu ii dabmedappig, amge King Sedekaia nug Selemia bekka Jehukal, amu Masea bekka Sepanaia, nug mana mettak danab, nug ele aa nuhig nai aoya goya, propet Jeremaia amegppa, “Na Yawe, Nug ihinig Kayak, na Nug ig ehanigkkunu unuqidkkutnu oɗ medattem,” akkulahnu maate gopiɗ.

Jeremaia 38:14

Aria, amu dimppa King Sedekaia nug he, danab laa ag gona, propet Jeremaia omalna, Yawenu mettid lagnu od ebqak ewamppa ukkaeg dayeye, king nug Jeremaia amegppa aum. “Da na keeke laanu oɗ medakkulnu hettem. Da anam oɗ medappi, na amunu nob laih nakok laa dahilnu aib lokkume!” awa aum.

Jeremaia 40:15

Nug ooppa genab ii doye, haen laa Karea bekka Johanan nug nukka, laa ii doyegeg, nug Gedalaia gumitta, Mispa ukkom. Nug ukka, Gedalaia amegppa aum “Na uuiɗppe, da ukken, da Netania bekka Ismael lokkumakppa qeppi mauhkku. Da amu heppi, laa nug ii dooma. Nug na nitteb mauhppe, Juda danab ah ag na waatppa daan oitteb ele ag ahan gona, matatun laih laih daaglag. Anam bekku dayeb, Juda laippu laippu oɗo yaak bau daanna, gemu ippa ina daatteb ele, ag oh mauhkkulag. Am aɗinu kobol nau amu bekku?” awa nug amegppa aum.

Jeremaia 42:20

Ag Isip gokkulagnu dabmetteb amu, amuam ag mauhkkulagnu hetteb. Aɗinu? Ag da Yawe, ahilag Kayak, da Nug unuqidkkulnu ag da amelppa, ‘Na Yawe, ihinig Kayak, na Nug ihinignu unuqidppe, Nug aɗi ab appe, ig doot, Nug aɗi aɗi hekkunignu akku amu, ig aakku hekkunig,’ appig.

Gayak Nai 1:1

O gadonnab gadon. Jerusalem appa danab ah ii daatteb bia; anukka danab ah ambak Jerusalem daappig, amge gemu appa ii daatteb bia. Anukka danab ah wan atu ohppanu Jerusalem binag meppig, amge gemu Jerusalem am ah qab bia daatte; anukka Jerusalem wan atu ohppa am onig okkai ele, kuin bia dayom, amge gemu nug begbeg maɗi nid bia daatte.

Esekiel 12:16

Israel danab ah kuɗum mauhkkulag, amge da heppi, kekeɗ ag qep-ppa laib laib ii aqamna; da heppi, ag laib laib am enug aqeb ii mauhmana; da heppi, ag laib laib am oɗe nau danab kuɗum aqe mauhtteb aqeb, ii mauhmana. Da amu hekkulnu diig am, ag ii mauhkkulag ele ag wan laalappa gona daanna, ag kobol dubuttid nau ele digdig, da kobol amunu oolppa uuaknab doottem amu, ag kobol amu heppig amu, ag appan danab ah amelagppa ag kobol amu ii helobnu akkulagnu daan akkulag. Ag amu daan, ag dooglag, da am Yawe,’ ” awa aum.

Hosea 8:10

Israel danab ah ag ehanittak aoglagnu wanppan wan laalappa goppig, diig amunu haen elab iitta da ag diie, king ɠagattag okkainab ele amu, da ag nug waappa maadkkul. Nug geha eheɗ hattebeb, ag digmena, kuɗum gemu daatteb bia ii daamna.

Lewitikas 26:22

Da heppi, doɗ dakkuɗ ag nid naunau ahilkad aqadna, ahilkad makau ele heppeg nauhppeg, doɗ dakkuɗ ag heppeg, ag Israel danab ah, ag ahilag ebqak honap dayeb, ag ippulagppa danab laa ii oima.

Amos 7:2

Aakku uɗippig antten, da tuɗitten tuleglegppa, tap-lokus ag uɗin, wanppan keeke oh am beegeg laeg iitta meum anidmi. Wanppa keeke bau laa ii dayom. Da tulegleg anam antten, da emi. “O Naɗi Yawe, na Jakop buɗub dilag hipunin uhuqna madakkutnu oɗ medattem. Jakop buɗub ag kuɗumnab iitta amunu, tap-lokus ag amu heppeg, Jakop buɗub oh mauhkkulag,” awe emi.

Matyu 24:22

Anam daatte amunu, Kayak Nug haen amu tutu daakkunu, haen amu ii okkullo, danab ah oh padal melob, amge Kayak nug nuhikkud tituanattom ele, Nug amu dilag dabma, haen tutu okkulkku.

Aposel 8:24

Pita anam awa a, Saimon nug inam aum. “Aa apiɗ dahilppa bemanu amu, aa Naɗi da ehaniɗkkunu unuqidkkulahnu oɗ matattem,” awa aum.

Duteronomi 28:62

Am ag kuɗumnab habppa hoɗoppai daatteb bia daaglag, me laib laib aakkuib daaglag. Ag Yawe, ahilag Kayak, ag Nug oɗe ii doon oiglag, amunu anam bekku.

Duteronomi 28:63

⌊Ag Nug dim lamittegeg,⌋ Yawe Nug ena doya ehanatte, ag ena daan, kuɗum appatppig, amubia ag Nug dim ii lamidkkulag, ag ena daamnanu, Yawe Nug ag hatteb, padal mena, iitta mekkulagnu ena dookku. Nug heeb, ag auhppeppeg ukkeb, wan ag nona aon daaglagnu daatte ele, ag amuppa ii daamna.

Duteronomi 4:27

Yawe Nug lamatteb, ag matatun gona, wanppan wan laala oolagppa daan mauhkkulag; laib laib aakkuib ag bau daaglag.

Jems 5:16

Amunu ag oɗe aon, eɗun ena daaglagnu amu, aun laa nug layagppa hipunin heum ele, nug layag amu amegppa nug hipunin heum miag atiak ab, ag oh anen anen ag lailkad dilagnu Kayak unuqitteg! Amu genab tutukku hak danab, nuhig unuqittak am ebehi ele amunu, danab ehanitteb ena daakkunu elele.

1 Samuel 12:19

Danab ah ag anam doon, ag Samuel amegppa appig. “Danab naɗi, ig hipunin kuɗum hetata daamut, amge amu aakkuib iitta. Iitta! Ig gemu tuɗidta, hipunin laa ele hemut. Ig Yawe Nug ihinig king daakkunu uut, na king laa tituanppe, ig gumigkkunu oɗ mettamut amunu, Yawe heeb, ig mauhmatanu amu na Yawe, nahip Kayak, na Nug ihinignu unuqitte!” aon appig.

1 Samuel 12:23

Amge dahilnu amu, Yawe da unuqittakppa ag ehanadkkulnu uɗat meɗom amunu, da uɗat amu uuen, nuhigppa hipunin hepanu amu, da Nug ahilagnu unuqidkkulnu iinab uupa. Iitta. Da amu heinne, da ag ib ena, ib tutukku ele tuɗitten ippunadkkul.

1 Samuel 7:8

ag Samuel amegppa appig. “Yawe, ihinig Kayak, Nug ehanikkeb, Pilistia ag ii iqamnanu, na Nug unuqidkkutnu aib uume; tuɗidna unuqitte!” aon appig.