Jeremaia 40:5 - Nobonob Baibel

⁵ Nebusaradan nug anam a, ⌊Jeremaia Juda wanppa daakkunu ana,⌋ nug aha gokkunu heehe, Nebusaradan nug eɗua amegppa aum. “Na ahan, eɗun gona, Ahikam bekka Gedalaia, alag am Sapan, Babilon dilag king nug Juda dilag okkai daakkunu nug tituanom amu, na eɗun, nug gumidna gona daakkut, o iitta, na laih adeppa gona daakkut am na nakka,” awa aum. Nug anam awowa, nug Jeremaia ee keeke mettowa, keeke enanag laa ele nuhig daakkunu hamu metta, he ukkom.

Jeremaia 40:5 Iomraidhean Croise

2 King 22:12

King anam ha, nug mana mettak danab Hilkaia, Sapan bekka Ahikam, Mikaia bekka Akbor, nai yaak danab Sapan, amu kingnu ehanittak danab Asaia ele amelagppa haknabnu nai imu aum.

2 King 22:14

King Josaia nug amelagppa haknunab nai amu mattie, mana mettak danab Hilkaia, Ahikam, Akbor, Sapan, Asaia ele oh gokkulagnu aum ele ag oh ahan, propet ah Hulda oɗ mettaglagnu goppig. Hulda nug Tikwa bekka Salum wau. Tikwa mameg am Harhas. Hulda gamu Salum nug kingnu lamen gumak danab dayom. Hulda nug Jerusalem appa, obatak ebqak aɗitppa dayom.

2 Stori 34:20

King anam ha, nug Hilkaia, Sapan bekka Ahikam, Maika bekka Abdon, nai yaak danab Sapan, amu kingnu ehanittak danab Asaia ele amelagppa haknunab nai imu aum.

Esra 7:27

Yawe, ig mamenkad aɗi dilag Kayak, Nug he, king nug Yawe laug Jerusalem appa daatte, nug lag amu binag mekkunu anam dabmeum amunu, ig Kayak binag metu.

Esra 7:6

Matu anak amuib, Esra amu, nug am nai yaak danab, nug Babilon appanu uɗia, Jerusalem beum. Nug am ippunittak danab laa, nug Mosesnu ɗo nainu sul okkai ha malom. Yawe, Israel dilag Kayak, Nug ɗo amu Israel danab ah mattom. Kayak Nug Esra ehanittom amunu, Esra nug keeke laa oh amunu king oɗ mettom ele, king nug nug mettom.

Nehemaia 1:11

O Naɗi, da am nahip maɗi nid daattem, laa ele ag na oninnu ebehilag oh bodoetta le mekkunu enanagnab doon, ag nahipad maɗi nid daatteb, ag amu, da gemu, na ig oh, ihinig unuqittak imu dookkutnu oɗ medattem. Gemu da king noobppa daakkul amu, haen amuppa na heppe, king nug dahilnu ena dookkunu oɗ medattem.” Da anam unuqidmi, amu haen amuppa da kingnu wain mettak danab daami.

Job 22:29

Aɗinu? Danab laa uugppa tena, uɗa nak dooppeg, na Kayak amegppa, ‘Ehanadppe, ag eɗun, uɗa nak iitta ele daaglagnu oɗ medattem!’ unuqidppe, Nug danab uɗa nak aoppig ele ehanatteb, ag eɗun, enaib daaglag.

Prowerb 16:7

Haen danab nug Yawe oo daatte bia oitte amu; Kayak Nug he, danab amu nug laikkud aakkuib iitta, nuhikkud kekeɗ ele ag nug ele oolag maɗoɗ ele laippu daatteb.

Prowerb 21:1

King nug Yawe eppegppa daatte, amuam lenag bia. Ao, Nug le ippu adeppa gokkunu he, le gotte bia, Nug kingnu dabmak attem bekkunu he bette.

Jeremaia 15:11

Da anam ami, amge Yawe Nug da amelppa aum. “Genab, na ena hekkutnu da ehanidppi, na ena hekkut. Genab, uug nau laa, o uug naunab laa bekkunu haenppa, haen amuppa da heppi, nahipad kekeɗ amu ag na ehanadkkutnu, oo doyakppa unuqidkkulag,” awa aum.

Jeremaia 26:24

Ag Uraianu anam heppig, amge Sapan bekka Ahikam nug Jeremaia ehanitte, danab ah ag nug qeppeg mauhkkunu heppig ele, amu eppelagppa ii meppig.

Jeremaia 39:14

ag heeg, laa ag gona, Jeremaia nug daup Juda dilag king gumappig laulag haɗap-ppa maniguittak dayom amu, ag nug appanu aoeg, Babilon dilag okkai amu ag Jeremaia, Ahikam bekka Gedalaia eppegppa menana, ag nug amegppa nug Jeremaia ehanitteb, nug eɗua nug laugppa gokkunu appig. Ag anam appig amunu, Jeremaia nug Juda danab Juda wanppa daappig, Babilon appa diia ukka laih me dayak danab ah ii goppig, nug ag ele daappig. Gedalaia nug am Sapan alag.

Jeremaia 40:4

Gemu da hei, sen eppenppa qakkak ele am uhuqakib daatte. Na uɗippe, da ele oh Babilon gokkunihnu oot hette dayeb amu, oh goɗa, appa da na atognoidkkul. Amge na anam oiyaknu oot ii daatte dayeb amu, na ii gomana. Nahip-ppa daatte. Antte! Wan imu oh daatte. Na adeppa gokkut am na ukkakib gokkut.” Nebusaradan nug anam awa, Jeremaia amegppa aum.

Jeremaia 41:1

Aria, Gedalaia nug anam a daaeg te, maɗ amuppaib kalam eblaih aɗitppa Netania bekka Ismael, nug Elisama alag, nug king tiigppan laa, nug Juda dilag kingnu daup dilag okkai laa aakku, nug danab eblaih tanig ele diie, ag oh Ahikam bekka Gedalaia gumidna Mispa goppig. Ag gona teeg, ag Gedalaia ele ee lanana,

Jeremaia 41:18

Ag Isip gokkulagnu diig am, ag Babilon dilag king aɗi ag ahilagnu aɗi hekkulagnu dabmenan baɗappig. Aɗinu ag anam dabmeppig? Babilon dilag king nug Ahikam bekka Gedalaia nug Juda wannu gawana daakkunu tituane, Netania bekka Ismael nug Gedalaia qe mauhom, am diig amunu ag Babilon dilag king nug aɗi hekkunu baɗan, ag oolna Isip wanppa gokkulagnu goppig.

Jeremaia 41:2

Netania bekka Ismael nug danab eblaih laih ele, nug ag ele oh ahan, Ahikam bekka Gedalaia, nug am Sapan alag, ag nug qep elabppa qeeg mauhom. Ge, ag laa Babilon dilag king nug Juda wannu gawana daakkunu tituanom amu, ag nug qeeg mauhom.

Aposel 27:3

Aria deɗ amu uue, wagɗe deɗ amuppa ig gota Saidon eeɗmut. Julius nug Pol nuhigppa kobol enaib ha uuitte, Pol nug laikkud gumatta oiyebeb, ee keeke mettaglagnu aum.

Aposel 27:43

Ag anam heppig, amge ban daup 100 dilag ikki nug Pol ehanidkkunu oo ha, ag anam ii hemananu ana, nug danab oh laa ilog mak doodppig ele ag tatam uubppanu oolna, yuppa ilog men gona, yu ihippa gokkulagnu aum.

Aposel 28:10

Aria, amu beum dimppa amu, nud amuppan danab ah ag kobol enanagppa dabmekkaegeg, dimppa ig gokkunignu heutut, ag keeke kuɗum, ig keeke amunu iitta ele amu, ig aot gokkunignu megappig.

Hibru 13:6

Diig amunu ig ⌊anen anen⌋ ig oonigppa baɗak iitta ele akkunig. “Naɗi Nug da ehaniɗtte amunu, da ii baɗapa. Ao, ⌊Naɗi Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.”