Am Solomon nug mana mettak danab Abiatar amegppa inam aum. “Na eɗun, Anatot appa gona, na nahip wanppa daye! Na nahip eheɗ hak amunu amu, na mauhkkutnu elele, amge gemu da na ii nidappi mauhmana. Aɗinu? Na anukka na da mamel Dawit ele daayya, na nuhignu Naɗi Yawenu Tituanak Nainu Kunup maome. Laa ele amu, haen Dawit nug uug laala maottom amu, na nug ele daayya, na ele eheɗ hak amunu uug mawadttame,” awa aum.
Jeremaia 32:8 - Nobonob Baibel8 Yawe Nug da amelppa Hanamelnu aum amu, anamnab da amal nakok Hanamel nug uɗia, da daup king gumappig laulagnu haɗap-ppa daamippa ba, nug da amelppa aum. “Dahil wan maha laa Benyamin wanppa, Anatot guguittak daatte amu, na ihinig ɗoppa wan amu laa eppegppa dayaknu qagaiettakppanu eɗua uhuqak hekkutnu daattem amunu, laa ag daden memananu, wan amu nahip daakkunu na daden me!” awa aum. Nug anam aum, da amu bekkunu tatam Yawe oɗeppa doomi amunu, Faic an caibideil |
Jeremaia 32:8
15 Iomraidhean Croise
Israel danab ag Kohat buɗub ⌊Juda, Simeon ele wanppanu⌋ aab amu mattaeg, ag Israel dilag huu okkai Benyamin wanppanu aab imu madappig: Gibeon, Geba, Alemet, Anatot ele. Aab amu oh am gikkiɗah dad okkai aab am talilittak daatteb ele madappig. Aria, Israel ag aab ikki Kohat danab Juda, Simeon, Benyamin ele wanppanu aab madappig amu, aab amu ebqak am 13.
Haen nug Jeremaia amegppa amunu aum amu, Babilon dilag king, amu nuhikkud daup ele ag Jerusalem oo mattan, aqaglagnu maadna daaegeg, propet Jeremaia nug King Sedekaia oɗeppan nai bia, nug Juda dilag daup king gumappig ele laulag, lag amuam Juda dilag kingnu lag enanagnab guguittak, nug lag amunu haɗap-ppa maniguittak dayom.
Anam amu, na ame bia na heppe, Babilon ag aab okkai imu ag eɗidna aoppeg, ag eppelagppa daakku. Anam daakku, amge O Naɗi Yawe, na da amelppa, ‘Wan maha laa silwappa daden mewona heppe, laa amunu hak pepappa yaak anidna, ag onilag ele yeeg!’ ame amu ⌊da amunu diig tutukku ii doottem⌋.” Da Jeremaia, da unuqitten anam ami.
‘Jeremaia na mamen nakok Salum bekka Hanamel, nug uɗia, na amenppa inam akku. “⌊Uug nau dahilppa be, da men doɗonu tutunab daattem amunu,⌋ da wan maha laa Anatot guguittak meppi, laa daden mekkunu hettem. Na da ele ii tiinih laippunab. Da anam na bia laa iitta. Na da ele ii tiinih laippunab amunu, ihinig ɗoppa na wan amu daden mekkutnu elele daattem, amge amu aakkuib iitta. Ihinig ɗoppa laa daden meeb, wan amu laa eppelagppa daamanu, na wan amu daden mekkutoitte,” ’ ” awa akku.
Yawe Nug anam da amelppa anam haknunab aum amunu, da aakku amu hemi. Amunppa da keeke laib laib, danab nug wan laappa diia ukka laih me dayak danab daakkunu awa gokku amu, da keeke amu battamppa inen, dimittim awe doi, tueb me, da aɗ eppelppa buue, gatatu neene da keeke gukkalppa mein, laa ag aniɗegeg, da ⌊ippu hak hein⌋ gomi.
Sanasan