Jeremaia 26:10 - Nobonob Baibel

¹⁰ Anam heeg, haen Juda dilag kingnu ehanittak anuqak danab ag amu doona, ag nug hettoɗiglagnu, ag kingnu lag enanagnab uun ahana, Yawe laugppa goppig. Ag Yawe laugppa tena, lagnu aɗ taliliak, aɗ amunu od laa oɗeppa oo laa dayom amu, ag oo amuppa heɗep nena daappig. Od amunu ag, “Od Bau,” adappig.

Jeremaia 26:10 Iomraidhean Croise

2 King 15:35

Amge Jotam nug aabaabppanu mettid lag nakok ii loppaɗattom. Daaegeg, danab ah ag aben amuppa tuɗidna gona, mana mettak henana, ag appa ele kalu danab ile muttuɗig enanag bette ele manappig. Amu Jotam nug Yawenu mettid lag, nug lag amunu aɗnu od onig Od Attan heum.

2 Stori 27:3

Amu Jotam nug Yawenu mettid lag, nug lag amunu aɗnu od onig Od Attan babaittom. Laa amu, nug aabnu aɗ qauko nakok onig Opel guguittak ele, nug aben amuppa aɗppa babaittak okkai heum.

Jeremaia 20:2

nug he, ag Jeremaia, nug propet amu, ag nug eheɗ makkuɗnana, ag aon gona, Yawenu mettid lagnu aɗnu od laa onig Benyaminnu Od Attan, ag aben amuppa ag nug eppeg, baeg ele ad mahappa qagappig.

Jeremaia 26:21

Uraia nug Jeremaia aum bia dimppa aɗi bekkunu nai anam mattie, King Jehoiakim, nuhikkud ban danab okkai, nuhikkud ehanittak anuqak danab ele ag nuhig nai doon, king nug qeeb mauhkkunu dabmeum. Nug anam dabmeum, amge laa nug Uraia amegppa dabmak amunu mattie doya, nug baɗa oola, Isip wanppa ukka dayom.

Jeremaia 26:24

Ag Uraianu anam heppig, amge Sapan bekka Ahikam nug Jeremaia ehanitte, danab ah ag nug qeppeg mauhkkunu heppig ele, amu eppelagppa ii meppig.

Jeremaia 34:10

Kingnu ehanittak anuqak danab oh, danab ah laa oh ag nug tituana nai qakkak amunu oolag dayom amunu, ag ahilkad begbeg maɗi nid maɗi ah ele uhuqadppeg, ag ag waalagppa tuɗidna ii daamnanu appig. Ag oh anamnu oolag daye, amu hekkulagnu appig amunu, ag ahilkad maɗi nid uhupadppig.

Jeremaia 34:19

Da heppi, Juda dilag ikki danab, laa Jerusalemnu, laa Juda wanppa laih laihnu, amu kingnu ehanittak anuqak danab, mana mettak danab, amu Juda danab oh ele ag makau nag beɗu oppatak, maha aɗit laih laih daaeh, ag gamagppa oippig ele amu, danab amu oh ag kekeɗ eppelagppa, kekeɗ ag aqappeg mauhkkulagnu hetteb amu, da ag eppelagppa maadkkul. Da heppi, ag kekeɗ eppelagppa daappeg, kekeɗ ag aqappeg mauhppeg, gaɗalkad ai hagagaɗna oitteb, doɗ dakkuɗ wanppa oitteb ele, ahilag ee daaglag.

Jeremaia 36:25

King, laa ele ag hamu bia doyeg, king anam heehe, Elnatan, Delaia amu Gemaria ag genab king nug heum bia hemananu, nug buk itoɗiak ele maneb ii eomanu nug amegppa appig, amge nug ahilag nai dookkunu uua, ii doyom.

Esekiel 22:27

Doɗ wulp ag doɗ laa qena latteb, amubia Israel dilag okkai ag danab ah eheɗ hatteg nauhtteb. Ag men doɗo, wan keeke, ahilag iitta, amge ag aoglagnu danab aqaeg mauheg, ahilag keeke aotteb.

Esekiel 22:6

O Jerusalem danab ah, ag antteg! Ahilkad anuqak danab ag ag oolagppa daatteb amu, ag danab okkai, ɠagattag ele. Ag anam daatteb, amge ag ahilag ɠagattagppa heeg, danab laa hamu mauhtteb.