Jeremaia 22:7 - Nobonob Baibel

⁷ Da heppi, kekeɗ ag anen anen bannu keeke eppelagppa aɗan, ag uɗin, ag Juda dilag king laulag heppeg nauhkku. Ag laulagnu ad sidanu plang ena ena daatteb amu, ag mauhnoak oppatppeg neeb, ag amu akkan, aab aɗuppa mawadppeg teppeg aab eweb, iitta mekkulag.

Jeremaia 22:7 Iomraidhean Croise

Aisaia 37:24

Na he, nai awa ukkak danab nahipad ag da, da Naɗi, ag da aon aon naunab iuppig. Na amu hena amu, na inam ame. ‘Da bannu karis kuɗumnab dahilppa da wan oh eɗadmi; danab nug Lebanon qauko okkai okkai igippa ta, ad sida elab elab, laa oh eɗattak, amu ad pain enanag, nug ad amu okkula aotte, da amubia hemi. Da danab nug qauko attannab, laa oh eɗattak, danab laa appa ii oitte bia, appa ad enanagnab daatteb, nug aguppa ta, ad okkula aotte, da amubia hemi.

Jeremaia 15:8

Kekeɗ ag danab kuɗum aqadppeg, ah qab huanak, kuɗumnab, abuɗ yu ihippa daatte, amu eɗittak daaglag. Kekeɗ ag danab ah keeke amunu ii dabmetteb haenppa, ag nid bau, ag anilkad ele aqadkkulagnu pahanab ahaglag. Ge, da heppi, baɗak eheɗ nau ele, guittak okkainab ele pahanab nid bau, ag anilkad ele dilagppa uɗiglah.

Jeremaia 21:14

Da ahilag hak naunu bu madakkulnu daatte amu, da bu anam madakkul. Da heppi, ag atuelag ewebeb, aɗi keeke ag taliliadna daatteb amu ewa malakku.’ Yawe Nug anam awa atte.” Jeremaia nug danab aɗit amu amelahppa anam aum.

Jeremaia 5:15

Amu Yawe Nug inam ele atte. “O Israel danab ah, da wan umanunabnu daup ag banelag uɗiglagnu hettem. Wan amuppan danab ah ag memetalkad anukkanab wan amu aoppig daatteb. Huu amu ag aguppaib daatteb; ii iitta metteb. Ag Israel, ag danab amu dilag nai ii dootteb. Ao, ag ahilag mattiak am, ag oolag ii maidtte.

Sekaraia 11:1

Lebanon wan, na aab ewebeb, ad sida nahipad eweb nauhkkulagnu ib babaitteg!

Matyu 22:7

Am king nug nai anam doya, nug oppoɗi huanak be ameg ele kokoɗ eppe, nug he, nuhikkud ban danab ag gona, danab ag nuhikkud maɗi nid aqaeg mauhppig ele, ag ohnab aqappig; aab okkai ahilag ele manaeg ewa, iitta meum.