Jeremaia 2:2 - Nobonob Baibel

² “Na ahan, Juda danab ah oh ag nai dahil imu dooglagnu appe doyeg! ‘Ag Israel, ag dahil ah bia daatteb. Amu da Yawe, da anukka ag dahilnu oo mauhaknab dooppig daulppa dotte. Ag ah bau nug gamunu oo mauhtte, amubia ag dahilnu oo mauhak dooppig. Ag anam doon, ag atu taɗak, appa ag dim lamiɗna uɗippig. Ao, wan danab ah keeke ii ebattebppa, appa ag da dim lamiɗppig.

Jeremaia 2:2 Iomraidhean Croise

Sam 129:1

Israel danab ah ag gemu inam akkulagnu elele. “Ig Israel danab ah, ig digmeta, huu laippu daamut, haen amuppa ihinkad kekeɗ ag eheɗ hegattappig. Gemu ele anamib hetteb.

Eksodas 14:31

Aria, Israel ag Yawe Nug Isip eɗatta, uɗat naɗi heum, ag amu anidna, ag nuhignu ebehilkad oh bodoetta le me, ag nuhignu, nuhig maɗi nid Mosesnu ele oolagppa genab dooppig.

Eksodas 16:8

Aa anam awoya amu, Moses nug nai tuɗitta aum. “Yawe Nug ag nuhignu nai heegeg doyom amunu, Nug tueb ag teppu matteb lakkulag; buttua Nug ee laa matteb, ag labeppeg, ag oolag elele aokku. Yawe Nug ee anam matteb, ag Nug Isipnu omalatta, ippa uɗiom dooglag. Amge ag i amenihppa nai hena atteb amu attemu? I am keeke hamunab. Ag naittuɗ maknu nai maditteb amu, ag nai amuppa aakku Yawe yaatteb. Ag ihinihppa ii hetteb,” awa aum.

Prowerb 1:20

Ah laa onig, Doyak Dabmak Ena Ele, nug aab okkainu ibppa dayaya, ewa nai atte. Ao, nug tamaniak aben naɗippa baag okkaippa nai maditte.

Solomonnu Ahi 3:11

O ag Jerusalem ah, ag uɗin, King Solomon, nug king haɗ meum daatte amu, ag uɗin nug antteg! Haɗ amunu amu, haen nug awiɗe, i ewau dayaknu matulak aomuɗ, deɗ amuppa nug anig nug haɗ amu nug igippa meum; deɗ amuppa amu, king nug gamag ahak naɗi doyom.

Solomonnu Ahi 3:6

Laa nug atu taɗakppanu aab kah taata, wan ele aɗeɗe gotte bia uɗitte am aun? Ge, laa imu nug leppu muttuɗig enanag, mir, frankinsens, spais laa oh ele laihnu awa, dadennu mak danab dilagppanu awak, nug amuppa beɗu laitte, nuhigppanu muttuɗig enanag oowo doottem ele amu, nug am aun?

Aisaia 58:1

Yawe Nug atte. “Ag laa, ag dahil nai mattiglagnu daatteb, ag Israel danab ah ag dahil nai dooglagnu nai amu huana eppeg doyeg! Ag qinonob aib madippig! Trampet huana gaatte bia eppeg doyeg! Ag dahilad danab ah, ag da waalppa daaglagnu uun, dahil nai tappaeg neene oitteb, ag amunu appeg doyeg! Ao, ag Jakop buɗub, ag hipunin digdig henan oitteb amu, ag amunu appeg doyeg!

Jeremaia 11:6

Da anam ai, Yawe Nug da amelppa tuɗitta aum. “Na Jerusalem danab ah amelagppa, Juda danab ah laa oh ele amelagppa nai imu appe doyeg! ‘Ag nug tituana nai qakkak imuppa aɗi aɗi haknu nai daatte, ag nai amu doon, dim lamitteg!

Jeremaia 19:2

na aɗnu od onig Potsherd wana, ab dimittim gona, na oolnu noak onig Hinom Bekkanu Oolnu Noak, na appa gona, appa da nai ippunidttem amu, na appe doyeg!

Jeremaia 2:1

Deɗ laa Yawe Nug nuhig nai imu da, Jeremaia, Nug da meɗom.

Jeremaia 2:6

Ag inam bia dabmelob. ‘Yawe omaikke, ig Isip wan uut, Nug atu taɗakppa omaikke uɗimut. Atu taɗak amuam atu taɗaknab, am nau. Ee keeke appa ii daatte. Ao, atu amu, appa keeke laa ii daatte, ihiib ameg qagma, gokkaɗa nan daatte. Atu amuam qaɗaiettak, gu ii nette. Ao, danab appa mauhkkunu am miagnab daatte. Atu taɗak amuppa am, danab laa ii daatte. Ge, appa ele danab ah ag ii oitteb.’ Ag dahilnu anam dabmelob, amge iitta. Ag amuam ii dabmeppig.

Jeremaia 3:4

Ag anam hetteb, amge ag da amelppa atteb. ‘O ig mamenig, ig nid nakok daautut, na ig lainignab daame.

Jeremaia 7:2

“Da am Yawe. Na Juda danab ah ag nai imu dooglagnu, na da laul odppa daanna, mehuqppe doyeg! Na mehuqnana, na inam a! ‘Ag Juda danab ah oh, ag lag imunu aɗ odppa Nug noobppa dup nona binag mekkulagnu uɗitteb ele, ag Yawenu nai imu doyeg!’ aon akkut.

Esekiel 16:22

Na kobol digdig, da kobol amunu oolppa uuaknab doottem amu, na kobol amu oh henana, na ib baag ah ele daan, kobol nau amu ele henana, na yuɗ daanna, na bam iitta, beɗun miag dayeye, na tiin laanna niin, buɗibɗib oinna daame amu, na amunu nakok laa ii dabmeme. Iitta,” awa atte.

Esekiel 16:60

Na anam heme, amge haen na ah bau daame, haen amuppa da hei, i nug tituanɗa nai qakkamuɗ amu, da ihinih nug tituana nai qakkak amu daul ii atima. Da amu daul ii atieb, da heppi, i baula nug tituanɗa nai qakkanih, amu nai qakkak amuam hanhan daakku.

Esekiel 16:8

Na anam ena mena dayeye, dimppa da baula laih gokkulnu na daameppa uɗie, da neekki ukke, na anitten, na elele ena mena, na danab aokkutnu elele daame anidmi. Da anam anitte, da na dahil ah daakkutnu tituanitten, bam iitta daamnanu lamen mette, da nahip danab daakkulnu dahil nai ɠagattagnab qetten mattii, na da ele ewau daagnihnu i nug tituanɗa nai qakkaɗa, na dahil aakku daame.’ ” Naɗi Yawe, Nug anam awa atte.

Esekiel 23:19

Da dimettami, amge nug eheɗ hak amu aakkuib ii heum. Iitta. Nug ah makkun dayaya, Isip appa ib baag ah dayaya, kobol aɗi aɗi heum dabmaama, nug danab ele niiglagnu wagai ma ha,

Esekiel 23:3

Ah aɗit amu aa Isip wanppa aa ah makkun appa daayya, aa ib baag ah beya, kobol amu tuɗidya heeheh ukke, ah okkai meya, anamib hepiɗ. Aa heeh, danab ag ahilag kobolppa heegeg, ib baag ah daapiɗ.

Esekiel 23:8

Nug Isip appa ah makkun dayaya, nug digma ib baag ah dayaya he, danab digdig ele niippig. Haen amuppa nug Isip appa kobol amu digmeum amu, nug kobol amu ii uuom. Iitta. Nug haahaib dayom. Nug Isip appa ah makkun daya, anam heehe, danab ag ahilag kobol nug beɗuppa henana, ag nug ele niiglagnu oo hak nau doyegeg, ag amu dim lamidna, nug ele aakku niippig.

Hosea 11:1

Yawe Nug atte. “Haen Israel danab ah ag nid nakok daatteb bia daappig, da ahilagnu ool mauhom. Ao, da ool mauhom, da Israel dilagnu, ‘Nid danab dahil,’ doomi amunu, da nug Isip uua dokkunu onigppa emi.

Hosea 2:15

Geha da eɗue, nuhig grep dad medakkul. Yo, da heppi, Akornu oolnu noak am ena bekkunu dabmak aɗa oiyaknu od daakku. Da amu heppi, appa nug ah bau daya, ahi ettom bia ahi edakku; nug anukka Isipnu aha uɗia, ahi ettom bia hekku.

Hosea 2:17

Da heppi, geha nug kayak hambuppuak Bal iɗu iɗunu daug atikku. Ao, geha nug ag onilag diiak baula ii hema.” Yawe anam awa aum.

Hosea 2:7

Geha da anam heppi, ag anilag nug danab nug ag ele niippig, nug ag ele baula niiglagnu dim dim lamadkku, amge nug ag aɗalatta diikkunu elele iitta daakku. Ao, nug danab nug ag ele niippig, nug ag ele baula niiglagnu mattialadkku, amge nug ag anadkkunu elele iitta. Da anam heppi, nug, ‘Da danab dahilnab ele amu, i gemu da daattem imu eɗittak enanag daamuɗ amunu, da eɗue, nuhigppa gokkul,’ akku.

Hosea 8:1

Yawe Nug atte. “Dahilad danab ah ag uug uɗitte dooglagnu na trampet na ottinppa me! Ai igel laa doɗ laa aokkunu notte bia, kekeɗ ag da, Yawe, ag dahilad danab ah aqaglagnu ban haknu uɗitteb. Danab ah dahilad ag nug tituana nai qakkak nai da ag mattami tippalna; dahil ɗo tappaeg neum. Diig amunu amu, kekeɗ ag uɗitteb.

Hosea 9:10

Yawe atte. “O Israel, digmakppa haen da ag anadmi, da ag atu taɗakppa grep meu anttak bia, enanag anadmi! Ao, haen da ag mamelkad aɗi anadmi, ag ad fig meu tatam oɗutte, amubia da enanag anadmi! Amge haen ag Peor appa teppig amu, ag keeke danab ag eppelagppa hoyadppig ele, keeke uɗa nak ele, am kayak hambuppuak Bal aakku, ag akka ag da gumiɗna daamnanu awaidna, keeke amunu daaglagnu, ag akka ag nuhig tituanak daaglagnu anana, ag nug noobppa dup nona binag meppig. Ag amu hena, keeke uɗig wak ele eppegppa hoiyak, ag amunu oolag mauhe, ag keeke amubia beppig.

Jona 1:2

“Niniwe danab ah ag hak nau huanak heegeg anadttem amunu, na ahan, aab okkainab Niniwe gona, uug naunab ahilagppa beeb anidkkulagnu mehuqppe doyeg!” awa aum.

Matyu 11:15

Danab nug daug ele dayeb, nug doyaɗ!” awa aum.

Luk 12:13

Jesus Nug anam a amu, danab laa danab ah ameg amu oolagppanu, nug amegppa aum. “Ippunittak danab, na da awal amegppa appe, nug i mamenihnu keeke amu otia, laih da meɗaɗ!” awa aum.

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Duteronomi 33:3

Amu genabnab, Yawe Nug nuhikkud danab ah dilagnu oo mauhak dootte. Yo, nuhikkud tituanak daatteb oh ag Nug eppegppa aakku daatteb. Ag nuhig hak amu dim lamidnan, nuhig ib ippunittak nai ele dim lamidtteb.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

Jems 4:4

Ag danab ah naunab. Ag Kayak uuna, kobol laala dim lamadtteb ele. Ag danab nug wan kobolnu oo hette ele, nug aakku Kayaknu kekeɗ daatte iite dootteb? Ge, laa nug wan kobolnu layam daakkunu dabmak awa, dabmak amu dim lamidtte, nug Kayaknu kekeɗ daatte.

Revelesen 2:4

Amge eheɗ hak nahip laippu imunu da na amenppa iikku attem. Na anukka baubu Kristen beme haenppan na oo mauhak kobol dim lamidna autna autnanab aome, amge gemu oo mauhak nahip amu anam ii daatte.