Jeremaia 2:10 - Nobonob Baibel

¹⁰ Da anam hekkulnu diig am inam. ⌊Ag Juda,⌋ ag ahan Kitim gona, neegna antteg! Ao, ag laa meppeg, Kedar ukka, nug neekka auta autanab awaɗ! Ag anam henana, ag laa ag Israel danab ah heppig bia heppigtai, o iittatai neegna antteg!

Jeremaia 2:10 Iomraidhean Croise

Genesis 25:13

Ismael bekkod 12, naanaeg ukkak huh bieg, ag onilag am inam: Nebaiot, Ismaelnu nid danab naanaeg, aria Kedar, Adbil, Mipsam,

1 King 9:9

Ag oɗmak anam hebeppeg, laa ag nob mena akkulag. ‘Imu beumnu diig am inam. Israel ag Yawe, ahilag Kayak, ag Nug uuppig. Nug ag mamelkad aɗi anukka Isipnu diia, omalatta uɗiom. Amge ag Yawe, ahilag Kayak, ag Nug uun, ag kayak hambuppuak dim lamadnana, ag noolagppa dup nona binalag meppig. Ag anam heeg, diig amunu Yawe Nug he, uug naunab imu beum.’ ” Yawe Nug Solomon amegppa anam aum.

1 Stori 1:7

Jawan bekkod am Elisa, Tarsis, Kitim, Rodanim ele.

1 Stori 23:1

Amu Dawit nug kainonab ma dayaya, nug he, nug bekka Solomon nug Israel dilag king dayom.

1 Stori 23:12

Kohat bekkod waɗele am Amram, Ishar, Hebron, Usiel ele.

Sam 120:5

Dahilnu am gadonnab gadon. Aɗinu? Da danab ah oolagppa daattem amu, ag am Mesek danab ah bia. Ao, danab ah imu, da ag ele daattem amu, ag am Kedar danab ah bia.

Aisaia 21:16

Amu Naɗi Nug da amelppa inam aum. “Danab ah Kedarnu ⌊amuam Arebia danab ah⌋ ag binalag am geha iitta mekkunu maɗ laippu daatte. Maɗi nid nug uɗat hekkunu tituanak waappa dayaya, haen amu malakkunu deɗ laib laib tutukku elelenab ebqette, amubia maɗ da geha iikku amunu na amenppa ami, maɗ amunu deɗ amu maleb, geha keeke amu oh bekku.

Aisaia 23:1

Nai meunab ele Tair aab okkaippanu Yawe he, Aisaia doyom ele am iikku. Ag Tarsis dilag uubnu uɗat nid, boskru aɗi, ag gayeg! Aɗinu? Saiprus danab ag mattieg dooppig, amubia ⌊kekeɗ ag uɗin,⌋ aab Tair ⌊heeg,⌋ nauha autanab awom. Aab amu, lag nuhigppa daappig, uub eeɗaknu aben ele amu, keeke amu oh am loppaɗakib daatte.

Aisaia 23:12

Yawe Nug inam aum. “Saidon danab ah, ag baula gamag ahak doon, muttub ii qemana. Ag ah makkun laa, guittak okkai awom bia daatteb. Ag ahan, Saiprus nudppa gokkulagtai, amge ag gona, appa ele, geha ag ena, elele ii daamna. Iitta. Ag maɗoɗ ii anidmana,” awa aum.

Jeremaia 49:28

Nai imuam Kedar, amu Hasor dilag huu digdig, Babilon dilag king Nebukatnesar nug ahilagppa ban ha, ag eɗattom amu, ⌊nai imuam, amu ii beum haenppanu⌋ nai ahilagnu. Yawe Nug ahilagnu inam atte. “Ag Kedar danab ah, huu laala ag kaɗag uɗitteppanu daatteb ele amu, ag doyeg! Da, Yawe, da ⌊Nebukatnesar amegppa⌋ ami. ‘Na ahan, banelag gona, Kedar aqe! Ao, na danab kaɗag uɗitteppanu daatteb heppe, ag padal meig!’ ami.

Esekiel 16:16

Lamen laala da mettami amu, na lamen amu aon, kayak hambuppuak mettid lag nakok amuppa bappaidna autna aona, appa na danab ele niippig. Kobol nau amu ii belo, amge na aakku heme. Kobol amuam danab ah oolagppa iinab daalo, amge na aakku heme.

Esekiel 27:21

amu Arebia danab, Kedar dilag anuqak danab ele ag nahip keeke ele aoppig. Ag amu aoglagnu hena, ag sipsip nag, sipsip dawai, aria meeme ele aon uɗin, amuppa nahip keeke daden meppig.

Esekiel 27:6

Danab ag na heidna amu, ag ad ok, Basannu, ag ad amu aon, nahip elqak ad hoippig. Nahip-ppa oo duqaglagnu amu, ag ad saipres, Saiprusnu aon, bappaidna duqappig. Ag duqona, ag ad amuppa kobol kobol hoiyak dayomppa elepan aeg babaittak qataqeppig.

Esekiel 5:7

Anam amunu, Naɗi Yawe Nug inam atte. “Ag Jerusalem danab ah ag anam hetteb amunu, da Naɗi Yawe, da inam attem. Wan laappan danab ah ag taliliadna daatteb, ag eheɗ hetteb, amge ag Jerusalem danab ah, ag eheɗ hak huan hena, ag dahil ɗo iɗu iɗu dabmettan, ii dim lamittegeg uɗie, gemu ele dim ii lamidtteb. Ag dahil ɗo ii dim lamidtteb, amge ag wan laala, Jerusalem talilidna daatteb, ag ahilag ɗo dim lamittegeg uɗie, gemu ele dim lamidtteb,” awa atte.

Daniel 11:18

Kobol amu ii ehanidkku amunu, nug wan digdig yu ihippa daatteb ele ban ha diiadkku, amge nuhig daup gumak danab okkai laa nug heeb, yawalti uɗitteppanu kingnu dada naunab hak kobol amu, kobol amuam iitta mekku. Ge! Kobol amuam eɗuak, nuhigppa bekku.

Daniel 11:30

Haen inamppa bannu uub yu ihippan wan laala qaban uɗitteppanu daatteb, ag appanu uɗin, Isip ehanidna, wan yawalti uɗitteppanu dilag king ele ban hekkulagnu daaglag amunu, wan yawalti uɗitteppanu king nug ban amu hekkun ooppa ɠagattag ii dooma. Nug anam dookku amunu, nug wan yau uɗitteppanu daatte, nug wan amunu king, nuhikkud daup ele ban hekkulagnu oo huana daakku, amge nug ban hak uub uɗippeg antta, elele iitta doya, ban amu hak uukku, amge nug oo hette ele hekkunu elele iitta amunu, nug oppoɗi huan beeb, ameg kokoɗ eppeb, nug eɗua ukka, nug, nug tituanna nai qakkaknu nai oppiaawak ele, Kayak he, Nug Israel ele ag amu heppig amu, nug nai amu qeeb nekkunu haaha, danab ah amu dim lamidtteb ele eheɗ nau hadakku. Laa ag oolagppanu ag Kayak dim lamidkkulagnu nai qakkak oppiaawak ele uun, ii dim lamidkkulagnu akkulag amu, nug ahilagnu ena doya eheɗ ii hattama, amge laa ag amu ii heppeg amu, nug ag genab eheɗ hadakku.

1 Korint 5:1

Aria, laa ag nai laa aeg doomi amu, ag Korint ag oolagppa gappai kobol nau daatte mattieg doomi. Gappai kobol ag hetteb ele am naunab nau! Genab, iitta aɗi danab ag gappai kobol nau amubia ii hetteb. Kobol amuam danab laa nug mameg wau ele gappai aɗattep.

Ikki Danab 19:30

Nug anam he, laa oh ag anidppig ele ag appig. “Israel ag Isipnu ahan uɗippig uɗie, gemu batak kobol uug ele anam laa iinab beum. Ig amunu nai mattit, kobol laa iite hemata?” aon appig.