Jeremaia 19:2 - Nobonob Baibel

² na aɗnu od onig Potsherd wana, ab dimittim gona, na oolnu noak onig Hinom Bekkanu Oolnu Noak, na appa gona, appa da nai ippunidttem amu, na appe doyeg!

Jeremaia 19:2 Iomraidhean Croise

2 King 23:10

Amu danab ag aben onig Topet, aben amuam oolnu noak onig Hinom Bekkanu Oolnu Noak, appa dayom amu, ag aben amuppa eɗun gona, ag bekkalkad, aɗelkad aqan manan, kayak hambuppuak Molek mettaglagnu baula hemananu, King Josaia nug aben amu ele he, dubuttid teum.

2 Stori 28:3

Nug oolnu noak onig Hinom Bekkanu Oolnu Noak appa doɗ manatta, kayak hambuppuak matta, am eheɗ hak amu eɗittak, nug bekkod ele appa manatta, kayak hambuppuak mattom. Nug wan anen anennu danab ah, Yawe he, Israel ag lamadppig ele, nug amu dilag kobol, Yawe Nug kobol amunu ooppa uuaknab dootte amu, nug kobol amu dim lamittom.

2 Stori 33:6

Manase nug amu ha, nug oolnu noak onig Hinom Bekkanu Oolnu Noak appa nug bekkod manatta, kayak hambuppuak laa mettom. Nug amu ha, nug emaɗ kobol, eman kobol ele dim lamitta, nug mauhak ele gamag danab, mauhak ele mattiak danab ele gumatta ukka, doyak mettaglagnu oɗ mattom. Nug Yawenu neekkakppa kobol eheɗ iɗu iɗu kuɗum heum. Manase nug hipunin huanak kuɗum Yawe noobppa haaha, amuppa nug he, Yawe Nug oo huana nauhom.

Nehemaia 3:29

Ag heppig, amuppanu Imer bekka Sadok nug laug guguittak tuɗitta, aɗnu laih amu eɗua babaittom. Sadok heumppanu amu, Sekania bekka Semaia, nug aɗ od kaɗag uɗitteppanu gumak danab amu, nug amuppanu tuɗitta, aɗ laih amu eɗua babaittom.

Jeremaia 1:7

Da anam ami, amge Yawe Nug da amelppa aum. “Na, ‘Da am nid nakokib,’ aib ame. Da na adeppa gokkutnu appi amu, na appa gokkutoitte. Da na amenppa aɗi nai madikkutnunab ippunidppi, na amu madikkutoitte. Aib na ii heme!

Jeremaia 11:6

Da anam ai, Yawe Nug da amelppa tuɗitta aum. “Na Jerusalem danab ah amelagppa, Juda danab ah laa oh ele amelagppa nai imu appe doyeg! ‘Ag nug tituana nai qakkak imuppa aɗi aɗi haknu nai daatte, ag nai amu doon, dim lamitteg!

Jeremaia 18:2

“Jeremaia, na ahan, waa keeke hak danab laugppa goppe, appa da nai dahil laa na medakkul,” awa aum.

Jeremaia 26:2

Nug da amelppa inam aum. “Jeremaia, na ahan, da, Yawe, da laulppa Israel danab dilag haɗap-ppa daanna, na danab ah Juda aab anen anennu uɗin, ag da Yawe, ag da laulppa da noolppa dup nona binal mekkulagnu uɗitteb ele amelagppa da na aɗi nai na amenppa akkutnunab attem amu, na amu madippe doyeg! Na nai da ippunidkkul amu, na nai amu huppu nakok laa aibnab tippalme.

Jeremaia 3:12

Amunu, Jeremaia, na yawalti uɗitteppanu neegna, dahil nai imu Israel dilagppa appe doyeg! Yawe Nug inam atte. ‘Israel, ag da dimeɗona kayak hambuppuak laala dim lamattegeg uɗie, gemu ele hetteb amu, ag eɗun, da Yawe, ag dahilppa uɗieg! Aɗinu? Da laa dilagnu oo gai-iitta doya, oo metta ehanattaknu diig daattem amunu, da tuɗitten, ahilagnu oo nauhak ii doopa. Da hanhan ahilagnu oo nauhak ii doopa.’ Da Yawe, da anam aakku attem.

Jeremaia 32:35

Ag oolnu noak onig Hinom Bekkanu Oolnu Noak appa kayak hambuppuak Balnu mettid lag nakok bappaladna, amu aben amuppa ele ag bekkalkad, aɗelkad aqan manadna, kayak hambuppuak Molek medappig. Ag ahilkad nid manadna, kayak hambuppuak madappig amu, da ag kobol amu hekkulagnu iinab ami. Kobol amunu da oolppa uuaknab doottem. Ag amu hekkulagnu dahil dabmak nakok laa iinab dayom. Ag anam hetteb amunu, Juda danab ah ag hipunin hena, bu aoglagnuib daatteb.” Yawe Nug anam atte.

Jeremaia 7:2

“Da am Yawe. Na Juda danab ah ag nai imu dooglagnu, na da laul odppa daanna, mehuqppe doyeg! Na mehuqnana, na inam a! ‘Ag Juda danab ah oh, ag lag imunu aɗ odppa Nug noobppa dup nona binag mekkulagnu uɗitteb ele, ag Yawenu nai imu doyeg!’ aon akkut.

Jona 3:2

“Na gona, aab okkainab Niniwe, appa tena, da na amenppa nai appi amu, na danab amu amelagppa appe dooglag,” awa aum.

Matyu 10:27

Amu nai da tuqan madittem amu, ag amunppa mehuqnana, nai ag otiptip-ppa dootteb amu, ag lag koɗokko uɗem ukkakppa hippaidna daanna, enan mehuqeg!

Aposel 20:27

Aɗinu? Da Kayaknu dabmak oh ag amelagppa mehuqkkulnu dayom amu da ii bodoettami. Iitta. Da mattimi.

Aposel 5:20

“Ag eɗun gona, Kayaknu mettid lag ooppa nona, danab ah amelagppa Kristen bau oiyaknu diig, amunu mehuqppeg doyeg!” awa aum.

Josua 15:8

Aria, Judanu tom amu ukka, oolnu noak onig Hinom Bekkanu Oolnu Noak aiɗa ugakka wana, qauko Jebus danab daappigppanu yau uɗitteppanu ukkom. Jebus daappigppa, amuam Jerusalem aakku. Tom am anam ukka, Bethinom oolnu noaknu qaban uɗitteppanu, qauko laa daatte amu, am qauko amuppa ta ukka, oolnu noak onig Repaim batakppa, yawalti uɗitteppanu, appa ukkom.