Jeremaia 16:21 - Nobonob Baibel

²¹ Amu Yawe Nug atte. “Danab ag kayak amu hetteb amunu, da ag ippunittak madakkul. Gemu da dahil ɠagattag, da ebehil ele ippunadkkul. Da anam ippunadppi, ag daib am Yawe, ag amu dooglag,” awa atte.

Jeremaia 16:21 Iomraidhean Croise

Sam 83:18

O Kayak, na heppe, ag na, na onin am Yawe amu, ag na nakkaib na wan imuppa Kayak Attannab Laa Oh Eɗattak daattem, naib wan imu gumattem amu, ag amu dooglagnu ool daatte.

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.

Eksodas 14:4

Nug anam ab, geha da heppi Paronu dabmak aakku ɠagattag eppeb, nug geha eɗua, ag diikkunu dim lamadkku. Amge geha da nug, nuhikkud daup ele eɗatten, geha da amuppa, da binag amahlak oppiaawak ele aokkul. Da amu heppi, Isip ag geha dooglag; da dakkaib, da am Yawe,” awa aum. Aria, Israel ag Yawe aum, ag amu dim lamidna, ag eɗun goppig.

Eksodas 15:3

Yawe Nug am ban daup ɠagattagnab; Nug onig am Yawe.

Eksodas 6:3

Anukka da Abraham, Aisak, am Jakop ele gumatte nei, ag da onil, Kayak Nukka Ɠagattag Oh Ele, ag amuppa da dooiɗppig. Amge da onil Yawe, da onil amuppa, ag da dooiɗkkulagnu amu, da ii ippunadmi.

Aisaia 43:3

Ag anam ii nauhmana. Aɗinu? Da Yawe, ahilag Kayak, da am ag Israel, ahilag Kayak Oppiaawak Ele; da am ahilag padal memananu ehanittak daattem. Da heppi, Isip danab ah ag, ag oulag daappeg, ag Israel, ag qagaiettak ii daamna. Ao, da heppi, Kus, Seba danab ah ele ag, ag Israel danab ah oulag daappeg, amuppa da ag Israel eɗuen, aben enappa maadkkul.

Jeremaia 33:2

“Da Yawe, da wan hein, da nuhig abenppa daakkunu memi. Da onil am Yawe, amu da nai imu na, Jeremaia, da na amenppa attem.

Esekiel 24:24

⌊Yawe Nug da amelppa anam ana, Nug nai laa Israel dilag, Babilon appa daatteb ele, ahilagnu imu ele ag amelagppa aum.⌋ “Esekiel nug am ag dabmak aoglagnu at daakku. Nug kobol laa iikku hette amu, ag ele anamib hekkulag. Am keeke amu oh beeb amu, ag dooglag, da am Naɗi Yawe,” awa aum.

Esekiel 24:27

Danab amu nug gumitta beeb, haen amuppanab na digmena, hanhan nai madittem bia madikkut. Na oɗe qamuttak ele baula ii daamna. Na anam daakkut amunu, na Israel danab ah dilag at daakkut. Amu ag da am Yawe dooglag,” awa aum.

Esekiel 25:14

Da amu hein, Edom danab ah nob matten, bu madakkulnu amu da heppi, dahilad danab, Israel, ag gona hekkulag. Israel ag dahil oppoɗi bak, dahil oo nauhak ele da attem hekkulnu ippuniɗttep amu, ag amubia Edom dilagppa hekkulag. Edom ag da eppelppa nob nau amu aoglag.” Naɗi Yawe nug anam atte.

Esekiel 6:7

Juda wan ooppa kekeɗ ag Juda danab ah ag lailkad oolagppa aqappeg mauhkkulag. Ag mauhppeg, laa ii mauhppig ele amu, ag dooglag, da am Yawe,’ ” awa aum.

Amos 5:8

⌊Ag laa ag anam hetteb amu, ag⌋ Laa Nug hoɗoppai huu mak laa onig Pledes, laa onig Orion ele, Nug ag hatta, abenalkadppa mattom daatteb, ag Laa Nug he, tuqannu gatatu am eɗua, wagkkaɗakppa amahlak daatte, ag Laa Nug he, amunnu amahlak am eɗua, tuqannu gatatu daatte, ag Laa Nug he, yuppan le am wan tonadtte, Nug onig am Yawe, ⌊ag Nug mattina, dim lamidkkulagnu mattieg⌋!