Jeremaia 12:1 - Nobonob Baibel

¹ ⌊Da Jeremaia, da Yawe inam unuqidmi.⌋ “O Yawe, haen oh da nai laa, na nai amunu diig appe dookkulnu na amenppa attem amu, na kobol tutukkuppaib mehuqe doottem, amge gemu da na nai doya mala hettoɗia epeɗia elele mettak kobol nahipnu oɗ medakkulnu hettem. Am inam. Nau hak danab ag ena daanna, enub kuɗum aotteb. Da amunu diig ii doottem. Ge, danab ag nahipnu oolagppa genab ii dootteb, na ii dim lamidtteb ele, ag uug laa ii doon, elelenab daatteb. Da amunu diig ii doottem.

Jeremaia 12:1 Iomraidhean Croise

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

Esra 9:15

O Yawe, Israel dilag Kayak, na genab tutukkuib henan daattem amunu ig Israel danab ah, ig gemu oh ii mauhmut. Iitta. Ig daattem ele, ig gemu oɗo yaak danab daat oittem. Ig anam daat, ig gemu ig beɗunigppa aab okkai ele na noomppa daattem. Ig na noomppa iikku daattem, amge ig beɗunigppa aab okkai daatte amunu, ig auntai laa na noomppa genab daakkunu elele? Am laa iitta.” Esra nug Yawe amegppa anam unuqittom.

Nehemaia 9:33

Na ihinigppa aɗi aɗi heme amu, na oo metta ii uuak kobol aakkuib dim lamidna heme. Ig, ig nau hemut amunu, uug oh ihinigppa beppig amu, amuppa na nai doya mala hettoɗia epeɗia elele mettak kobol dim lamidme.

Job 12:6

Danab laa ag ban hena, laa guittak mettanna, ahilkad keeke aotteb ele, ag maɗoɗ ele daatteb. Ao, laa ag ahilag hakppa heeg, Kayak oppoɗi bette ele, ag baɗak iittappa daatteb. Ag ahilag kayak hambuppuak eppelagppa aɗan maon oitteb.

Job 13:3

Anam, amge ⌊da ag ele nai mattignignu ool ii daatte. Iitta.⌋ Da Laa Nukka Ɠagattag Oh Ele, da Nug ele nai mattignihnu ool daatte. Ge, da hettoɗiak abenppa Kayak amegppa dahil nai appi doya, hettoɗilkkunu ool daatte.

Job 24:12

Aab okkaippa laa mauhkkulagnu henana, ag aiqakkanna daatteb, ⌊amge auntai ehanadte? Laa iitta⌋. Ao, laa lailkad guittak okkai mattaeg, guittak aoppig ele, ag laa ehanadkkunu enan daatteb, ⌊amge auntai ehanadte? Laa iitta⌋. Nau amu oh daatteb, amge Kayak Nug laa amu hetteb ele naippa ii yaaladtte.

Job 24:23

Kayak Nug paɗatteb, hipunin danab ag, “Ig baɗak iittappa inamib daagnig,” akkulagtai; amge Kayak Nug ahilag hak neekkidtte.

Job 8:17

Uud amu diɗiud am umanab nona, men wan ooppa daatteb taliliadtteb. Ao, uud amu ɠagattag daakkunu nug diɗiud umanab nona, men naunau daattebppa daatteb.

Sam 116:5

Yawe Nug oo bodoette enanag maɗoɗ ele hak kobol dim lamidtte. Nug am keeke genab tutukkuib hette. Ihinig Kayak, Nug haen oh ihinignu oo bodoetta le mette.

Sam 119:137

O Yawe, na am genab tutukkuib daattem, nahip ɗo am tutukkuib.

Sam 119:75

O Yawe, da imu doottem. Na laa bu medakkutnu henana, na genab tutukku hak kobol dim lamidna hettem. Anam bia amu, na oo metta ii uuak kobol dim lamidna, na da bu meɗame.

Sam 145:17

Yawe Nug keeke oh hette amu, Nug genab tutukkuib hette. Ao, Nug aɗi keeke hette ele amu, Nug oo bodoette enanag maɗoɗ ele kobolppa hette.

Sam 37:1

Nau hak danab ag ena daaglagtai, amge na amunu, “Attemnab anam daatte,” na dabmak amunu tuqa ii awak aib aome. Ao, laa ag eheɗ hetteb ele, na amu dilagnu aib amen qeeb oot elele ii dayom.

Sam 37:35

Da nau hak danab, nug oo doyak ii doyaya nau hette ele amu, nug ad laa wan ittag enanagppa, anttak enanag be anidtteb bia enanag ba heehe anidmi,

Sam 51:4

Da hipunin na, nahip-ppanab hemi. Ge, da nahip neekkakppa eheɗ hemi. ⌊Amu genab, da hipunin laa dilagppa hein, ahilagnu eheɗ hemi, amge diigppanab⌋ da hipunin nahip-ppa hemi. Ge, da nahip neekkakppa eheɗ hemi. Da hipunin hemi amunu, na Kayak, haen na dahilnu, “Na hipunin heme,” attem am, na tutukkuib attem. Yo, haen na da hettoɗiakppa meiɗna, na kobol tutukkuib hettem.

Sam 51:6

Na danab ah ag oolag unuqagppa doyak diig genabib daakkunu oot daatte amunu, na da ool unuqagppa, da danab doyak dabmak ena ele, da danab anam daakkulnu ippuniɗkkutnu unuqidttem.

Sam 92:7

Dabmak ag ii dootteb ele amu inam. Nau hak danab ag gikkiɗah enanag bette, amubia betteb. Yo, danab ah ag nau hetteb ele, ag enanag anam betteb. Amge ag padal mena autna aoglag.

Prowerb 1:32

Aɗinu? Danab ah ag doyak ii awak ele daatteb amu, ag ahilag eheɗ hakppa mauhkkulag. Ao, danab ah ag Kayak dab-ii-menan ii dim lamidtteb ele, ag kaaka bia oinna, uug laa iinab bema anana oitteb ele amu, ahilagppa padal mak aakku bekku.

Eklisiastis 8:14

Keeke laa ele gaɗappa, unuqagppa ele anttak laippu iitta ele; keeke amu ele wanppa daatte. Amuam genab tutukku hak danab ag deɗ laala nau hak danab nob aolob bia ag aotteb; amu deɗ laala nau hak danab ag genab tutukku hak danab nob ena aolob bia aotteb. Kobol amu ele am gaɗappa, unuqagppa ele anttak laippu iitta.

Aisaia 41:21

Yawe Nug atte. “Ag ⌊kayak hambuppuak, ag⌋ hettoɗiaknu nai ahilag bappaidna mattieg!” Ao, Yawe, Nug Jakop buɗub dilag king daatte amu, Nug atte. “Ag ⌊kayak hambuppuak, ag⌋ nai ag hettoɗiakppa ehanadtte ele bappaidna, miag mattieg!

Aisaia 48:8

Anukkanu, gemu ele ag dahil nai dooglagnu uun, ag amunu dabmak ii aoppig. Ag daulag hanhan ituakib daatte. ⌊Da gemu keeke bau imunu madittem, anukka ag amelagppa ii ai dooppig amu, amunu diig am⌋ da doottem, ag paha da dimeɗan, laa binag mekkulagnu hetteb. Ag digmak haenppanu, gemu ele ag da waalppa daamnanu, dahil nai tabappeg nekkunu henan oitteb.

Jeremaia 11:20

Ag anam henan appig amu, da Yawe unuqitte, inam ami. “O Yawe Nakka Ɠagattag Oh Ele, na epeɗiak tutukkuib hettem. Na danab ag oolagppa, ag ahilag dabmak unuqagppa ele, ag diig aɗinu kobol laala hetteb amu, na diig amu doottem. Na amu doyeye, da hak nau ag dahilppa hekkulagnu hetteb ele na eppenppa mettem amunu, na danab ag eheɗ heiɗkkulagnu hetteb ele nob elele madappe anidkkulagnu oɗ medattem,” awe unuqidmi.

Jeremaia 12:6

Na ele tiig laippu, awanad, amapad, appinamad aɗi, ag ele na dimettan, eheɗ heidkkulag. Ag laa na eheɗ heidkkulagnu hekkulag amu, ag ag oolagppa daanna, ag ele anamib hekkulag amunu, ag nahipnu deɗ laala ena mattiglag dayeb amu, na ahilagnu ootppa genab aib doome.

Jeremaia 3:20

Da anam dabmemi, amge iitta. Ag Israel buɗub oh, ag da ippunadmi bia da dim lamiɗkkulagnu uun heppig. Ag ah laa nug gamu uuitte, danab laa ele oittep bia heppig. Da Yawe, da anam aakku attem,” awa aum.

Jeremaia 3:7

Da dahil dabmakppa, ‘Israel danab ah ag eheɗ hak amu oh hena malona, ag eɗun, dahilppa uɗiglag,’ ami, amge iitta. Ag eɗun, dahilppa ii uɗippig. Ag ii uɗieg, Juda danab ah, ag Israel ele ee makkegbia daatteb amu, ag da ippunadmi bia da dim lamiɗkkulagnu uun hena, ag Israel heppig anidppig.

Jeremaia 32:16

Da Jeremaia, da pepa aɗit amu Neria bekka Baruk mette male, da Yawe amegppa unuqitten ami.

Jeremaia 5:11

Da amu hekkulnu diig am, Israel danab ah, Juda danab ah ele ag da ippunadmi bia da dim lamiɗkkulagnu uun autna aoppig.” Yawe Nug anam aakku atte.

Jeremaia 9:2

O gadon, da tiig laippu dahilad ag Kayak noobppa gappai henana, ag Nug ippunattom bia Nug dim lamidkkulagnu uun oitteb amunu, da ag uuatten, ag ele oh ii daamtanu da atu taɗakppa aben laa ɗo danab daaglagnu lag laa daatte, da aben amu antten, ukke aguppa daakkulnu ool daatte.

Gayak Nai 1:18

Yawe ⌊bu mekkomnu, ig⌋ Nug genab tutukku hak kobolib dim lamidtte ⌊dootu⌋! Amunu diig am ig Juda danab ah, ig nuhig nai tappaut neum. Ag wanppan wan ohppan danab, ag doyeg! Ag neegna ihinig guittak antteg! Ihinkad nid danab bau, ihinkad ah makkun ele, kekeɗ ag wan laappan diia ukka laih me dayak danab ah daaglagnu diiatteg gona, appa daan oitteb.

Esekiel 18:25

Amge ag atteb. ‘Naɗi hette amu, nuhig kobol amuam nai doya mala hettoɗia epeɗia elele mettak kobol iitta,’ aon atteb. Israel danab ah, ag dahil nai doyeg! Dahil hak am tutukkuib. Ahilag hak digdig am tutukku iitta.

Daniel 9:14

Ig amu hemut amunu na, Yawe, na heppe, uug naunab ihinigppa bekkunu ii uume. Aɗinu? Na, na am Yawe, ihinig Kayak, na am tutukkuib daattem. Na aɗi hettem, amu ele am genab tutukkuib. Ig na oɗen ii dim lamidmut, ⌊amunu na tutukku henana, bu mekkame⌋.

Daniel 9:7

O Naɗi, keeke oh na hettem am genab tutukkuib, amge ig Juda danab ah, ig Jerusalem danab ah, ig Israel danab ah oh amu, ig eheɗ hemut amunu, gemu ig uɗa nak naunab doottem. Ig na ippunigmenu oo metta ii uuak kobol ii dim lamidmut amunu, na he, ig wan atu piɗe piɗe matatuta gota daattem. Ig laa ig miag daattem, ig laa ig umanab daattem, amge ig oh am uɗa nak nau doottem.

Hosea 6:7

Yawe Nug anam ana, Nug Israelnu tuɗitta aum. “Adam nug dahil nug tituana nai qakkak tippalom, amu Israel danab ah, ag ele anam aakku heppig. Ag da ippunadmi bia, da dim lamiɗkkulagnu uun heppig.

Habakuk 1:4

Laa ⌊ag ɠagattag ele⌋ ag amu hetteb amunu, ɗo ahilagnu aɗi haknu atte amu, laa nug amu ii hette. Nai doya mala hettoɗia epeɗia elele mettak kobol na qeum daye, laa amuppa ehanittak laa ii aotte. Diig amunu nau hak danab ag genab tutukku hak danab eheɗ hattana, babaittaknu ib heeg, keldoak daatte amunu, genab tutukku hak danab ag qakkak daan, keeke laa hekkulagnu elele iitta bia daatteb. Ao, nau hak danab ag anam hetteb amunu, nai doya mala hettoɗia epeɗia elele mettak kobol ii daye, kobol kaliak ele daatte.” Da na amenppa anam awe attem.

Sepanaia 3:5

Ag anam hetteb, amge Yawe Nug aab amuppa tuɗidib daatte, Nug am genab tutukku hak kobol aakkuib dim lamidtte. Nug kobol kaliak nakok laa ii hette. Deɗ oh Yawe Nug nai doya mala hettoɗia epeɗia elele mettak kobol dim lamidtte. Ge, deɗ oh Nug nai doya mala hettoɗia epeɗia elele mettak kobol ii hemanu uutte. Amge danab laa, nug am genab tutukku hak danab iitta, nug heumnu dabmaama, nug eheɗ heumnu uɗa nak ii dootte.

Malakai 2:17

Ag nai laa maditteb, amuppa ag heeg, Yawe Nug bahi yom. Ag anam hetteb, amge ag oɗ metteb. “Ig attem heut, Yawe Nug bahi yom?” oɗ mettan atteb. Eheɗ anak ahilag am inam. “Yawe Nug nuhig neekkakppa, laa ag eheɗ hetteb, ag am danab ah ena daatteb; Nug ahilagnu ena dootte,” aon atteb. Ag amu atteb, o ag imu atteb. “Kayak Nug nai doya mala hettoɗia epeɗia elele mettak kobol ii dim lamidtte,” aon atteb. ⌊Ag hambuppuak amu oh mattiegeg, Yawe Nug ahilag anak amunu bahi yaatte.⌋

Malakai 3:15

Anam amunu, ig inam attem. Beɗuppa tak danab ag itittak ena aon oitteb. Laa ag eheɗ hetteb, ag en okkai aotteb, am laa ag Kayak Nug ahilagnu eheɗ hekkunu, Nug amegppa atteb ele amu, ag uug laa ii anidtteb amunu, ig anam attem. Ag dahilnu anam atteb.” Yawe Nug anam atte.

Duteronomi 32:4

Nug am hanhan ɠagattag daatte; nuhig uɗat am qa oppiaawak ele. Keeke oh Nug hette amu, Nug nai doya mala hettoɗia epeɗia elele mettak kobol dim lamitta hette. Kayak Nug diig nuhignu oo metta ii uuak kobol dim lamittatta, Nug eheɗ laa ii hette. Nug tutukkuib daatte, Nug nai doya mala hettoɗia epeɗia elele mettak ibuppa hanhan daatte.