Jeremaia 10:12 - Nobonob Baibel

¹² Amge Kayak Nug nuhig ɠagattagppa wan heum. Nug doyak dabmak ena ele nuhigppa wan ha, abenppa meum. Ao, Nug diignu doyak tutukku nuhigppa ele ha, hab nuhig abenppa meum.

Jeremaia 10:12 Iomraidhean Croise

Genesis 1:1

Digmak haenppa Kayak Nug hab, wan ele heum,

1 Stori 16:26

Laa amu, wanppanu danab ah laa dilag kayak oh ag keeke genab iitta. Ao, ag am dottolkad aakkuib daatteb, amge Yawe Nug amubia iitta. Nug hab heum.

Job 26:7

Kayak he, hab am keeke ii daatte attan aihak aakku dayom. Ao, nug he, wan imu ele keeke ii daatte attan aihak aakku daatte.

Job 37:18

Na anam daattem amunu, na Kayak ehanidppe, Nug hab taiedakkute? Ao, na ehanidppe, Nug hab taietteb, hab ɠagattag, keeke brasppa hak bia anam daakkute?

Job 9:8

Kayak, laa iitta, Kayak Nug nukka hab babaittom; Nug nukka yu duban qaɗeppa oitte.

Sam 104:2

Yawe Nug danab lamen tagatte bia, Nug amahlak tagekke daatte. Nug danab sel lag taiedatte bia, Nug hab me daatte.

Sam 104:24

O Yawe, na keeke digdig kuɗum hattame! Na nakka nahip doyak dabmak ena okkai amu uɗat mettan heme! Na keeke amu hattana hee, wan atu ohppa doɗ, amu keeke laa oh ele ambak daatteb.

Sam 119:90

Na danab ah menuak laippu bau dotteb anen anen ahilagnu oo metta ii uuak kobol dim lamidna hena, hanhan anamib hekkut. Na wan heme amu, nug alet anam daatte.

Sam 24:2

Aɗinu? ⌊Digmak haenppa leib dayom, amge⌋ Yawe Nug he, wan ba, le eɗitta dayom. Ao, Nug he, wan le eɗitta ba, ɠagattag dayom.

Sam 33:6

Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

Sam 65:7

Amu na aakkuib hee, yu duban qa, koɗkoɗ qette amu, manin niitte; amu wan anen anen danab dilag ban hak amu, naib hee, iitta mette.

Sam 78:69

Nug nuhig mettid lag qauko attannab hume tak amubia buuom. Ao, Nug wan haen elab daakkunu heum, Nug nuhig lag amubia daakkunu buuom.

Sam 93:1

Yawe Nug danab ah gumadtte! Nug king bala meum. Ao, Yawe Nug king lamen takkom. Nug am ɠagattagnab. Yawe Nug wan abennabppa meum. Aɗitai laa mautkkunu elele iitta.

Prowerb 3:19

Yawe Nug nuhig doyak dabmak ena eleppa he, wannu ukku aakku daatte. Ao, Nug diignu doyak tutukkuppa he, habppanu keeke oh abenalagppa daatteb.

Prowerb 30:4

Aun nug hab aabppa tewowa, eɗua neum ele? Aun nug ulah awa, eppegppa aɗom? Aun nug yu, lamen nuhigppa hautom? Aun nug wan imu oh heum? Laa amu heum am onig aun? Nug bekka ele am onig aun? Na doottem amunu, ⌊da ele dookkulnu,⌋ na appe doyei!

Aisaia 37:16

“O Yawe Nakka Ɠagattag Oh Ele, na Israel dilag Kayak, na Tituanak Nainu Kunupnu engel okkai-kerubim aɗit dottolah gamalahppa sia king nahip-ppa daattem. Na hab, wan ele hatame. Yawe, na aakkuib am wan ohppan Kayak daattem.

Aisaia 40:22

Kayak Nug sia kingppa wan imu attan dayaya, wan imu oh gumatte. Danab ah wan imuppa oitteb ele, ag nuhig neekkakppa keeke nagnag, tap bia daatteb. Nug danab lamen okkai naɗi taietta otala mette, Nug amubia hab otala taiettom. Ao, danab nug aguppa daakkunu peh lag nuhig bappaidtte amu, Kayak Nug hab taietta babaittom.

Aisaia 42:5

Kayak, Nug Yawe, Nug hab ha, abenppa me daatte; Ao, Nug wan ele ha, wanppan keeke bau daatteb oh ele heum. Nug wanppan danab ah oh bau dayak madatte. Ao, Nug aun aɗi wanppa oitteb amu, nug ag ouɗi madatte. Amu Kayak, Nug Yawe, Nugib nuhig maɗi nid amegppa geha atte.

Aisaia 44:24

Yawe, Nug ag qagaiettakppanu eɗua uhuqaknu ehanittak daatte, Nug he, nid anig ooppa ena mette, amubia nug he, ag Israel ag huu laippu daatteb amu, Nug atte. “Da am Yawe, da keeke oh hemi. Da dakka da hab hemi. Da dakka da wan ele hemi.

Aisaia 45:12

Da, laa iitta, da wan hemi. Da hein, da danab ah aguppa daan oiglagnu ele hattami. Da eppelppa hab hein, da aam kalam hoɗoppai ele appa daatteb ele hattami.

Aisaia 45:18

⌊Keeke amu oh am anamib bekku.⌋ Aɗinu? Yawe, Nug hab heum, Nug nukka am Kayak. Ao, Yawe, Nug wan heum amu, Nug wan ɠagattag daakkunu babaittom. Nug danab ag wanppa daaglagnu wan babaittom. Nug wan danab ah appa ii daamnanu ii babaittom. Iitta! Nug danab ah aguppa daaglagnu babaittom. Amu Yawe Nug atte. “Da am Yawe, laal ii daatte.

Aisaia 48:13

Da eppelppa wan hemi. Da eppelppa hab ele hemi. Gemu amu, keeke amu oh dahil ɠagattagppa tutukku ena daatteb.

Aisaia 49:8

Amu Yawe Nug atte. “Haen da ii helom bia me, da na ehanidkkulnu ena doyeye, da nahip unuqittak doyen ehanidkkul. Ao, ehanitteb, padal ii mak haenppa amu, da na ehanidkkul. Da na nena qemananu ehanitten, da heppi, na gamag danab daappe, da danab ah ele nai qakkagnig. Nai qakkak amuppa amu, da nahip-ppa ag ehanadppi, Juda danab ag eɗun, ahilag wan hele-ettak daakku amu, ag bappaidkkulag. Amu nai qakkak amuppa ele amu, da nahip-ppa heppi, wan maha maha oh am mamelkad eppelkadppa eɗun daaglag. Ao, aun nug wan anen anen mameg daappig amu, ag buɗulkad ag eɗun anam daaglag.

Jeremaia 10:13

Kayak Nug a, lombig hinqaknab ahaeg, hakkaɗ qette. Nug he, lombig amu wan atu ohppa ahatteb. Nug he, amemɗi awewe, gu ele ne, ulah ele Kayak meumppanu uɗitte.

Jeremaia 10:16

Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Israel ele hattom. Israel ag am nuhikkudnab danab ah. Nug onig am Yawe Nukka Ɠagattag Oh Ele.

Jeremaia 14:22

Wan laalappan kayak hambuppuak dottolkad ag heeg, gu nettete? Ge, hab nug nukka he, gu nakok laa nettete? Iitta! Na, Yawe, ihinig Kayak, na hee, gu nette amunu, ig naib neekkidttem. Aɗinu? Naib keeke amu oh hettem amunu, ig naib dabmedattem.

Jeremaia 27:5

Da Yawe, da ɠagattag okkai ele, amu da ɠagattag amuppa da wan imu, danab ah wanppa daatteb, doɗ wanppa daatteb ele oh hattami. Da amu oh hattami amunu, da aun nug keeke amunu okkai daakkunu ool hette amu, da keeke amu oh nug eppegppa mettem.

Jeremaia 32:17

“O Naɗi Yawe, na ɠagattag nahip-ppa, nakka ebehinppa ele hab, wan ele heme. Aɗi keeke uug ele na hekkutnu elele iitta laa ii daatte.

Sekaraia 12:1

Nai imuam Yawe, Nug Israel dilagppanu aum. Yawe, Nug hab abenppa ma, wannu ukku, wan ele ha, Nug danab ah ele bau madatte amu, Nug atte.

Jon 1:3

Kayak Nug keeke oh Nai Kayak Ippunigtte eppegppa me, Nug keeke oh haattom. Keeke laa ib laappa ii beum.

Kolosi 1:16

Ig amuam genab anidkkunignu diig am Kayak Bekka Jesus, Nug wan imuppan keeke, hab attannu keeke, keeke ig anidttem ii anidttem ele amu, amu oh Nug heum. Nug amu heum, amu keeke Nug heum ooppa amu, Nug gumak uɗat digdig ele daakkunu babaittom; laa am gumak uɗat anuqak, laa am gumak uɗat ɠagattag ele, laa am gumak uɗat okkainab, am laa am gumak uɗat okkai. Nug amu oh heum, babaittom ele, am amu oh am Nug binag mekkulagnu daatteb.