Jeremaia 10:1 - Nobonob Baibel

¹ O Israel danab ah, ag Yawe Nug ag amelagppa aɗi atte doyeg!

Jeremaia 10:1 Iomraidhean Croise

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

Sam 50:7

Kayak Nug atte. “Dahilad danab ah, da appi, ag doyeg! Ao, Israel danab ah, da ahilag eheɗ haknu amu appi, ag dooglag. Da Kayak, Da ahilag Kayak.

Aisaia 1:10

Anam amu, gemu ag ⌊Jerusalem ikki danab, ag⌋ Sodom ikki danab ⌊bia amu⌋, ag Yawenu nai doyeg! Ao, ag ⌊danab ah Jerusalem daatteb, ag⌋ Gomoranu danab ah ⌊bia amu⌋, ag Kayak, ihinig Kayak, Nug nuhig ɗo nai ig ippunigtte amu, ag ele daulag human, ɗo amu doyeg!

Aisaia 28:14

Anam bekku amunu, ag Jerusalemnu danab okkai, ag Yawenu nai aon aon qedatteb ele, ag Yawenu nai doyeg!

Aisaia 40:18

Kayaknu neekkakppa wan atu oh anam daatteb amunu, ag danab laa anidna, “Kayak Nug danab amubia daatte,” akkulagnu elelete? Iitta! O ag keeke laan dottog anidna, “Kayak Nug amubia daatte,” akkulagnu elelete? Iitta!

Aisaia 44:6

Yawe, Nug Israel dilag king, Nug Israel dilag qagaiettakppanu eɗua uhuqaknu ehanittak, Nug Yawe Nukka Ɠagattag Oh Ele, Nug inam atte. “Da hanhan daattem; anuqakppa, batakppa ele da daattem. Kayak laal ii daatte.

Jeremaia 10:2

Yawe Nug inam awa atte. “Ag wan laala dilag kobol aib anidna dim lamidppig. At habppa beegeg, wan laappan danab ah ag anidna, eheɗ nau baɗatteb amu, ag Israel, ag amubia aib heppig.

Jeremaia 2:4

Anam amunu, O Jakop buɗub, ag Yawenu nai imu doyeg! Ao, ag Israel buɗub oh, ag ahilag aab ikki atten attenppa daatteb, ag nuhig nai imu doyeg!

Jeremaia 22:2

‘O na Juda dilag king, na Dawitnu sia kingppa daattem amu, na, amu nahipad ehanittak anuqak danab, amu nahipad danab ah ele ag oh ag aab imunu aɗnu odppa uɗin, aab ooppa gotteb ele amu, ag Yawenu nai imu doyeg!

Jeremaia 42:15

Yawe Nug aɗi aɗi ahilagppa bekkunu atte amu, ag Juda danab ah oɗo yaak daatteb ag, ag nuhig nai doyeg! Yawe Nukka Ɠagattag Oh Ele, Israel dilag Kayak, Nug amunu inam atte. ‘Ag Isip gona daan oiglagnu dabmak aoeg ɠagattag eppom daatte dayeb, ag appa gona daan oiglag dayeb amu,

Hosea 4:1

O Israel danab ah, ag ahilag wanppa daatteb amu, Yawe Nug ag aakku diia, hettoɗiakppa waum amunu, ag Yawenu nai doyeg! Nug ahilagnu atte. “Ahilag wanppa amu, oo metta ii uuak kobol, oo mauhaknab kobol ele ii daaeheh, ag ele Kayak nakok laa ii dootteb.

Amos 7:16

Yawe Nug da meiɗe uɗimi amunu, Amasaia, na Yawenu nai doye! Na dahilnu attem, ‘Na uug naunab Israel dilagppa beeb anidkkulagnu propet nai baula aib mattime! Ao, na baula Aisak buɗub dilagppa uug naunab aqakkunu, na nai amu baula aib mattime!’ aon attem.

1 Tesalonaika 2:13

Ig ag amelagppa nai mehuqmut amu, ag wanppanu danab dilag nai bia ii aoppig. Iitta. Ag nai amunu, am Kayak nai, tutukku doonna aoppig amunu amu, ig haen oh Kayak amegppa keeke amunu ele, “Ena heme,” aot attem. Nai amunu amu ag oolagppa genab dootteb ele amu, nug ag oolagppa uɗat ɠagattag heehe, meu aakku bette.

Revelesen 2:29

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.