Jeremaia 1:3 - Nobonob Baibel

³ Yawe Nug Jeremaia amegppa nai anam digma mattiaya, Nug anam heehe ukke, Josaia bekka Jehoiakim, nug Juda dilag king ba dayom amu, nug king dayom haenppa ele Yawe Nug Jeremaia amegppa nai laala aawo, ukke ukke, Josaia bekka laa Sedekaia, nug ele Juda dilag king ba dayom, nuhig haenppa ele Yawe Nug Jeremaia amegppa nai laala mattiom. Nug anam he, Sedekaia king daye ukke, nuhig king dayomnu maɗ 11, kalam tanig ele, haen amuppa Nebukatnesar nug uɗia Juda eɗatta he, ag diia ukka laih me dayak danab ah Babilon wanppa daappig, haen amu batak Yawe Nug Jeremaia keeke laalanu mattie doyom.

Jeremaia 1:3 Iomraidhean Croise

2 King 23:34

King Neko nug anam ha, nug Josaia bekka laa Eliakim awa he, Eliakim nug mameg Josaia abenabppa king ba dayom. Neko nug Eliakim onig bau laa metta, Jehoiakim ataɗom. Nug amu ha malowa, King Neko nug Eliakim amag Jehoahas awa, eɗua Isip ukke, Jehoahas nug appa dayaya mauhom.

2 King 24:17

Amu King Nebukatnesar nug Jehoiakin mameg nakok Matania awa me, nug Jehoiakin abenabppa king ba dayom. Nebukatnesar nug anam ha, nug Matania onig laa ataɗa, Sedekaia aum.

1 Stori 3:15

Aria, imuam Josaia bekkod. Nid danab tatam menuak am Johanan. Johanan dimugppan am Jehoiakim. Jehoiakim dimugppan am Sedekaia. Sedekaia dimugppan am Salum.

Jeremaia 1:4

Amu Yawe, Nug da, Jeremaia, Nug nuhig nai imu da meɗom.

Jeremaia 34:1

Amu Babilon dilag king Nebukatnesar nug, nuhikkud daup, wan atu laala ag Nebukatnesar waappa daan, nug ehanidppig ele dilag daup oh ele ag Jerusalem ele ban henana, ag aab naunau Jerusalem talilittak daappig, amu dilagppa ele ban heppig, haen amuppa Yawe Nug Jeremaia nai laa imu mette doyom.

Jeremaia 35:1

Josaia bekka Jehoiakim, nug Juda dilag king, nug king dayeye, Yawe Nug Jeremaia nai laa mette doyeye, Nug aum.

Jeremaia 36:2

“Jeremaia, na buk itoɗiak ele laa aon, da aɗi nai kuɗum na amenppa Israel wan, Juda wan, amu wanppan wan laa oh ele dilagnu ain malami amu, na buk amuppa ye! Da Josaia king daye digmein, na amenppa ai uɗie uɗie, gemu batak nai mattimi amu, na nai amu ohnab buk amuppa ye!

Jeremaia 39:2

Ag anam daan heeg ukke, Sedekaia king dayaknu maɗ 11ppa, kalam ebqak waɗele, kalam amunu deɗ eblaih waɗeleppa Babilon ag aab okkainu aɗ amu heeg, giɗo naɗi dayom.

Sekaraia 7:5

“Na wan imuppan danab ah oh, ahilag mana mettak danab ele amelagppa inam appe doyeg! Maɗ 70, kalam tanig eleppa, kalam eblaih aɗitppa ele ag ee ohnu kud mena daappig, amge ag heppig ele, ag genab dahilnu dabmena heppigte?

Sekaraia 8:19

Yawe Nukka Ɠagattag Oh Ele Nug inam atte. “Ag Juda ag kalam waɗeleppa, kalam tanig eleppa, kalam eblaih aɗitppa, am kalam eblaih laihppa ele, ag kalam amunu deɗ laala ee ohnu kud men daatteb amu, da heppi, haen amu oh ag qagmak gamag ahak ele bena daaglag. ⌊Amge ag da tutukku dim lamiɗppeg, keeke amu oh anam bekku⌋ amunu, ag doyak diig genabib, maɗoɗ kobol elenu oo mauhak doyeg!” Yawe Nug anam atte.