Jeremaia 1:16 - Nobonob Baibel

¹⁶ Ge, dahilad danab ah ag da dimeɗana, ag kalu danab ile muttuɗig enanag bette manan, kayak hambuppuak mattanna, ag akka eppelagppa dottolkad hadappig ele, ag dottolkad amu noolagppa dup nona binalag mena, kobol nau amu oh aakku heegeg uɗie, gemu ele hetteb amunu, da bu okkai ag madakkul.

Jeremaia 1:16 Iomraidhean Croise

2 King 22:17

Aɗinu? Juda danab ah, Israel danab ah ele ag oh da dimeɗan uuiɗegeg uɗie, gemu ele hetteb. Ag kalu danab ile muttuɗig enanag bette manan, kayak hambuppuak madappig. Ag eppelagppa kayak hambuppuak dottolkad hadappig amunu, diig amunu, da oppoɗil beum. Da anam doyeye, oppoɗi bak dahil am wan imunu danab ah dilagnu dayeb ukkeb, ⌊hamu⌋ ii iitta mema. ⌊Iitta! Nob mettak malak aakkuib am iitta mekku,⌋” ’ awa atte.

2 Stori 15:2

Nug uɗie, Asaria nug aha ukka, Asa uɗa ta, nug amegppa aum. “Asa na, Juda danab oh, Benyamin danab ele, ag oh dahil nai doyeg! Haen ag Yawe gukkuidna daatteb, Nug ele ag gukkuatta daatte. Ag Nug anidna dim lamidkkulagnu Nug madippeg, Nug heeb, ag Nug anidkkulag, amge ag Nug uuidppeg, Nug ele ag uuadkku.

2 Stori 28:2

Nug Israel dilag king heppig bia ha, nug kayak hambuppuak Bal iɗu iɗu dottolkad hatta, ag noolagppa dup noa binalag meum.

2 Stori 34:25

Aɗinu? Juda danab ah, Israel danab ah ele ag oh da dimeɗan uuiɗegeg uɗie, gemu ele hetteb. Ag kalu danab ile muttuɗig enanag bette manan, kayak hambuppuak madappig. Ag eppelagppa kayak hambuppuak dottolkad hadappig, amunu, diig amunu, da oppoɗi beum, gemu ele daatte. Da anam doyeye, oppoɗil bak dahil am wan imunu danab ah dilagnu dayeb ukkeb, ⌊hamu⌋ ii iitta mema. ⌊Iitta. Nob mettak malak aakkuib am iitta mekku,⌋’ awa atte.

2 Stori 7:19

Amge ag Israel, ag eɗun, ag dahil haknunab anak, amu ɗo dahil ele da ag mattami amu, ag ii dim lamidnana, aria ag kayak hambuppuak dim lamadnana, amu laa waalagppa maɗi nid daan, ahilag uɗat henana, ag ag noolagppa dup nona binalag mekkulag dayeb,

Aisaia 2:8

Am laa ele, nahipad danab ah ag eppelagppa keeke dottolkad kuɗum hadattappig amunu, wan ahilagppa kayak hambuppuak amu ag ambeppig daatteb. Danab ah ag eppelagppa keeke dottolkad heppig amu, ag amu noolagppa dup notteb. Ag eppelag doɗoppa amu heppig amu, ag amu noolagppa dup notteb.

Aisaia 37:19

Genab, ag wan amu ohppan kayak am akkaeg, aab aɗuppa teeg ewatte, iitta meppig, amge ag amu heppignu diig am, kayak amu, ag am kayak genab iitta; ag am men, ad ele hoiyak aakkuib. Danab ag kayak amu eppelagppa heppig.

Aisaia 44:15

Danab nug kayak hambuppuak dottog hekkunu nug ad amu o qiie okkula awa, nug oppata, laih aab ilakkunu awa, aab ile ewewe, danab amu beɗu gakkaɗak ele aotte. Nug aab ila, amuppa nug ee nuhig hette, amge ad amunu laih, nug laih amu ii ilom amu, amuppa nug kayak hambuppuak dottog hoitte. Nug hoiya mala, nug dottog amu noobppa dup noa binag mette. Ao, nug hoiya mala, nug dottog amu noobppa dup noa binag mette.

Aisaia 65:3

Danab ah amu ag am hanhan da noolppanab eheɗ henana, ag datta appa doɗ main, kayak hambuppuak mattanna, ag qaɗab brikppa hak kalu danab ile muttuɗig enanag bette ele main, ahilkad kayak hambuppuak mattanna heeg, da oppoɗil bette.

Jeremaia 10:15

Ag am keeke diig iitta, keeke hamu. Danab aon aon aqaglagnu keeke. Ahilag bu awak haenppa, Yawe Nug kayak hambuppuak dottolkad amu hettoɗiatteb, ag oh padal mekkulag.

Jeremaia 10:3

Aɗinu? Wanppan danab ag ahilag kobol am meu iitta; ii ehanadtte. Ag atuppan ad laa oeg qiie, ag aon gona, danab uɗat amu haknu doyak okkai ele laa mettan heeg, nug ad amu awa, kayak hambuppuak dottog hoitte.

Jeremaia 11:12

Danab ah Jerusalem daatteb, Juda danab ah laa oh ele ag gemu kalu danab ile muttuɗig enanag bette ele, ag amu manana, kayak hambuppuak laa madatteb amu, haen uug naunab amu beeb, haen amuppa ag gaanna, kayak amu dilag unuqidkkulag, amge kayak amu ag ii ehanadmana. Iitta.

Jeremaia 11:17

Yawe Nukka Ɠagattag Oh Ele, Nug danab ad eppe ba daatte, amubia Nug ag ehanatte, ag gemu daatteb, amge Nug uug naunab ahilagppa beeb, padal mekkulagnu ɗo ma malom. Aɗinu? Nug amunu atte. “Ag Israel danab ah, Juda danab ah ele ag eheɗ henana, ag kalu danab ile muttuɗig enanag bette ele aon main, kayak hambuppuak Bal mettaegeg, diig amunu da oppoɗil beum, gemu ele daatte,” awa atte.

Jeremaia 15:6

Amu Yawe Nug inam ele atte. “Ag da geɗilna, ag hanhan dimeɗan oitteb amunu, da heppi, ag nauhkkulag. Da baula ool gai-iitta doyen, ool matten, ii ehanadpa.

Jeremaia 16:11

na ag amelagppa inam appe doyeg! ‘Yawe Nug inam atte. “Diig imunu uug naunab amu bekku. Ag mamelkad aɗi ag da uuiɗna, ag kayak laa waappa daanna, ag oɗelag dim lamidnana, ag ag noolagppa dup nona binalag meppig. Ag da uuiɗna, ag dahil ɗo ele ii dim lamidppig.

Jeremaia 17:13

O Yawe, naib ig Israel buɗub ehanigppe, ig ena daagnig. Danab ah oh ag ib apiɗidna, na uuidna oitteb ele, ag uɗa nak aoglag. Laa ag na, Yawe, ag ib apiɗidna, na uuidna, oitteb, ag yaak gappudppa dayaya, paha nauhtte, ag amubia nauhkkulag. Aɗinu ag anam nauhkkulag? Ag na Yawe, na keeke ena ohnu diig daattem amu, ag ib apiɗidna, na uuidna oitteb.

Jeremaia 18:15

Dahilad danab ah ag ele anam bia alet dabmeɗan oilob, amge iitta, ag dahilnu daulag atiom. Ag ahan, kalu danab ile muttuɗig enanag bette manan, kayak hambuppuak madatteb. Kayak hambuppuak amu ag heeg, dahilad danab ah ag nena qena daatteb. Ao, kayak hambuppuak ag heeg, dahilad danab ah ag kobol ena, anukka ippunittak amu aoppig amu, ag ib amuppa elele ii oitteb. Ag heeg, dahilad danab ah ag ib ena apiɗidna oitteb. Ao, ag ib nauppa oinna, ib enappa ii oitteb.

Jeremaia 19:4

Aɗinu da anam hekkul? Juda danab ah ag da dim lamiɗaknu uun, kayak laihnu diiadna uɗin meeg, aben imuam kayak hambuppuak dilag aben aakku daatte. Ag aben imuppa doɗ manan, kayak hambuppuak amu mattegeg uɗie, gemu ele hetteb. Ag, am ag mamelkad aɗi ele ag kayak amu ii dooppig. Juda dilag king tatam daappig, ag ele kayak amu ii dooppig. Juda amu henana, ag laa eheɗ laa ii heppig, beɗulagppa aab iitta ele, ag ag hamu aqaeg mauhegeg uɗie, gemu ele hetteb.

Jeremaia 2:13

Aɗinu? Danab ah dahilad, ag hipunin ib aɗit iikku heppig. Laa ag da, da am le bauklel diig amu, ag da uuiɗna, piɗe wana oitteb. Aria, laa amu, ag akka ag le aoglagnu wan moɗ buuppig. Ag amuppa le aoglagnu simen aɗappig, amge simen am aoɗom, le moɗ amuppa le daakkunu elele iitta.

Jeremaia 2:17

Keeke amu oh ahilagppa beum amu, amunu diig am, ag da, Yawe, ahilag Kayak, da ag omalatti uɗippig amu, ag da uuiɗppig. Ag da uuiɗppig amunu, kobol eheɗ ahilagppa beum ele, amuam ag beɗulagppa iittate?

Jeremaia 2:19

Ag nau hetteb amunu, nau hak ahilag am ag bu madakku. Ao, ag da dimeɗona kayak hambuppuak laala dim lamattegeg uɗie, gemu ele hetteb amunu, ahilag kobol amu, am ag daulag batakku. Anam amunu, ag da, Yawe, ahilag Kayak, ag da uuiɗna, ib laa oiyegeg, ag ebehilag oh dahilnu bodoetta le ii mette, diig amunu uug okkai ahilagppa anam bette, amu kobol amuppa ag nob eheɗ aona, mua naunab nau dootteb dabmenan oiyeg!” Naɗi, Yawe Nukka Ɠagattag Oh Ele, Nug anam aakku atte.

Jeremaia 2:28

Ag Juda, ag amu hetteb, amge ag dahilppa aib uɗippig! Ag Juda ag aab gane ele daatteb amu, ag kayak hambuppuaknu ebqak anamib ele amunu, uug haenppa, ag gona, kayak dottolkad hoyadppig amu noolagppa ukkeg! Kayak amu ag ahan uɗin ehanadppeppeg, ag aib padal meppig.’ ” Yawe Nug anam atte.

Jeremaia 4:12

Iitta! Ulah amuam ulah ɠagattagnab, danab ah aqadtte. Ulah amuppa da ag Juda danab ah bu madakkul.

Jeremaia 4:28

Da dahilad danab ah bu anam madakkulnu ain malami; da nai dahil ii baolipa. Ao, da maittak amu awen malami. Da dabmak dahil ii eɗupa, amunu bu amu anam daakku. Anam dayebeb, wanppa danab ah ag mahiak okkai hekkulag. Habppa gatatu manak daakku.

Jeremaia 44:17

Ig kayak laa onig Astoret, onig laa Habnu Kuin, ig nug noobppa dup nota, nug binag mekkunignu nai atat, ɠagattag qakkamut amu, ig genabnab genab anam aakku hekkunig. Ig kalu danab ile muttuɗig enanag bette mait, nug mettagnig. Ig nuhignu wain gokkaɗaknu ofa hekkunignu wain gokkaɗkkunig. Ig, ig mamenkad aɗi, ihinkad king, ihinkad ehanittak anuqak danab laa ele anukka Judanu aabppa, Jerusalem appa ele heppig, amubia ig hekkunig. Aɗinu? Anukka, ig Juda wanppa amu hemut, haen amuppa ig ee ele daamut, uug laa ihinigppa ii beum.

Jeremaia 5:29

Ag amu hetteb amunu, da ag bu iite madakkul? Ao, da wan imuppan danab ah, ag nau amu hetteb amu, da ag bu iite madakkul?” Yawe Nug Nug anam awa atte.

Jeremaia 5:9

Ag amu hetteb amunu, da ag bu iite madakkul? Ao, da wan imuppan danab ah, ag nau amu hetteb amu, da ag bu iite madakkul?

Jeremaia 51:17

Danab ah oh ag kayak hambuppuak dottolkad noolagppa dup nona binalag metteb ele ag doyak dabmak ena ele iitta. Ao, keeke golppa hak danab ag kayak hambuppuak dottolkad bappaidtteb ele, ag uɗalag nekku. Aɗinu? Dottolkad ag hetteb ele, amuam keeke hamu. Ag kayak genab laa iitta. Dottolkad amu ag ulah eeɗnan, bau ii daatteb. Iitta.

Jeremaia 7:17

Yawe Nug da amelppa anam ana, Nug imu ele aum. “Jeremaia, na Juda danab ah ag ahilkad aab anen anenppa, Jerusalem ibppa ele hetteb iite anidttem.

Jeremaia 7:18

Nid naunau ag aab ilaknu aab aoegeg, ag mamelkad ag aab ilaeg, ah ag bret batappatak kayak hambuppuak laa onig Habnu Kuin, ag main nug mettaglagnu bappaidna medatteb. Ag da oppoɗi bekkunu wain gokkaɗaknu ofa kayak hambuppuak laala dilagppa hetteb.

Jeremaia 7:9

Ag yab hetteb. Ag layag qe mauhak hetteb. Ag ewau pakkua gappai hak kobol hetteb. Ag hettoɗiakppa nai hambuppuak aon, nai amunu, ‘Am nai genab,’ ahilag naippa ɠagattag qettan maditteb. Ag kayak hambuppuak Bal noobppa daanna, kalu danab ile muttuɗig enanag bette ele maina, nug medatteb. Ag kayak laala ele, ag anukka kayak amu ii dooppig, ag kayak amu ele dim lamadtteb.

Esekiel 16:18

na lamen kobol kobol koitak ele da na mettami, na lamen amu aon, kayak hambuppuak dottolkad amu takkaladme. Na goɗen da mettami aon, kayak hambuppuak mattanna, na kalu danab ile, muttuɗig enanag bette da mettami, na amu ele aon main, kayak hambuppuak amu mattame.

Esekiel 24:14

Da Yawe, da iikku ain malami. Da ag bu madakkulnu haen aakku gogppa teum daatte. Da ag oolag eɗukkunu haen nakok laa ii madapa. Da oppoɗil beebe, aɗi hekkulnu ippuniɗtte amu, da anamib hekkul. Da ahilagnu oo gai-iitta doya oo metta ehanittak kobol doyen ii hepa. Da bu madappi ukkeb, gogppa teeb batakkul. Bu mattak am gamagppa ii uupa. Ag ahilag hak naunu, ahilag oiyak eheɗnu bu aoglagnu daatteb amu, da amuppa epeɗiatten, bu amununab aakku madakkul.” Naɗi Yawe Nug anam awa atte.

Hosea 11:2

Da amu hewoya, haen kuɗum laa ele da ⌊propet oɗelagppa⌋ Israel danab ah ag uɗin, da dim lamiɗkkulagnu onilagppa emi; amge ag da anam heiyi, ag da oɗel ii doon, ag da dimeɗan, uuiɗna tuɗidna umanab goppig. Dahilad danab ah ag doɗ main, kayak hambuppuak Bal iɗu iɗu madappig. Ao, ag kalu danab ile muttuɗig enanag bette ele ahilag kayak hambuppuak dottolkad binalag mekkulagnu main medappig.

Hosea 8:6

Israel danab ah oolagppan danab uɗat amu haknu doyak okkai ele nug eppegppa makau gaiɗ dottog amu heum. Amuam Kayak iitta! Diig amunu geha danab ag loppaɗppeg, Samaria dilag makau nag dottog amuam qatti qatti nekku.

Joel 2:11

Amu Yawe Nug nuhikkud daup noolagppa anuqa ugakka, Nug baag okkaippa hakkaɗ qette bia ette. Aɗinu? Nuhikkud daup dilag ebqak am huanaknab; ebqaknu elele iitta. Laa amu, laa Nug nuhig nai meu he bette ele, Nug am ɠagattag okkai ele. Laa ele amu, Yawenu deɗ naɗi am deɗ okkai ele. Deɗ amuam heeb, danab ebehi oh bodoetta le mekkunu deɗ amunu, auntai nug deɗ amu ɠagattag hibaitta daakkunu elele? Laa iitta.

Aposel 7:41

Aria ag anam ana, haen amuppa ag makau gaiɗ dottog laa hena, ag doɗ main kayak hambuppuak amu mettanna, ag eppelagppa keeke heppig ele, ag amunu gamalag ahe, nuhig hobul okkai heppig.

Duteronomi 28:20

Yawe Nug heeb, eheɗ laa awaknu anak waappa dayak, dabmak kaboliak, bu qak ele ahilagppa uɗikku. Ag aɗi hekkulagnu hekkulag amu, Nug anam aakku hekku. Nug anamib heeb ukkeb, ag nauhna autna aon, pahanab mauhkkulag. Yawe Nug aɗi diignu anam hekku? Amunu diig am, ag kobol nau henana, Nug dimettaglag, amunu Nug anam hekku.

Duteronomi 31:16

Yawe Nug anam doa, Nug Moses amegppa aum. “Na mauhkkutnu haen miag doum daatte. Na mauhppe amu, danab ah imu ag digmena, danab laa dilag kayak, wan ag amuppa nona daaglag ele dilag kayak amu, ag amu dilagnu dup noa binag mak kobol hekkulag. Ag geha da uuiɗna, nug tituana nai qakkak da ag ele hemut amu tippalkkulag.

Josua 24:20

Aɗinu? Ag Yawe uuidna, laa dilag kayak hambuppuak waalagppa daan, ag oɗelag dim lamidkkulag dayeb amu, Nug geha ag diia, huma aqadkku. Nug ahilagnu ena heum, amge eɗua awa, hatteb nauhkkulag,” awa aum.

Revelesen 9:20

Danab laa oh, daup amu ag keeke nau amuppa ii aqaeg mauhppig ele amu, ag oolag ii eɗue, eppelagppa keeke laala hadappig amu ag ii uuppig. Iitta. Ag tuɗidna, kayak hambuppuak dottolkad golppa, silwappa, brasppa, menppa amu adppa ele eppelagppa hadappig amu, ag amu noolkadppa dup nona, binalkad meppig. Kayak hambuppuak dottolkad amu ag ii neegtteb, ag nai ii dootteb, amu ag ele oiglagnu elele iitta. Aria, ag ouɗi nau binalag mak kobol ahilag ele ii uuppig.