Jems 5:5 - Nobonob Baibel

⁵ Ag wanppa daanna, ag keeke ena ena oh aon, oolag gamag ahehe daan, ag akka ag keeke kuɗumnab akka ahilagnu aɗappig. Ag akka ag hena, epeɗiak okkai deɗppa ag nob nau okkai aoglag.

Jems 5:5 Iomraidhean Croise

Sam 17:14

O Yawe, na da nau hak danab, ag da kekeɗal nau, da danab anam waalagppa daapanu ehaniɗkkutnu oɗ medattem. Ao, na danab ag wan imuppan keeke aakkuib aoglagnu hik aqadtte amu, da ag waalagppa daapanu ehaniɗkkutnu unuqidttem. ⌊Me, O Yawe,⌋ na laa na ahilagnu oo mauhak huanak doottem ele, na amu dilag ee ele madattem. Ao, ag bekkalkad ele am keekenu tutu mak ii daatteb, ag keeke kuɗum ele. Ag alalkad ele keeke elele aotteb.

Sam 73:7

Nau hak kobol am ag oolag ambeum dayeye, ag nauib hetteb. Ag hanhan kobol nau hekkulagnu dabmak aotteb.

Prowerb 17:1

Lag laappa maɗoɗ dayeye, danab nug bret maha qaɗaiettomib latte, me nug maɗoɗppa daatte amunu, nuhignu am ena; amge lag laappa nug qak dayeye, danab nug ee hobul naɗi latte, me nug, nug qakppa daatte amunu, nuhignu am ena iitta.

Prowerb 7:14

“Gemu da laippu dayaknu ofa hein malen, da teppu laa mana mettak amuppanu awe uɗien, uppa uma lakka memi daatte. ⌊Doppe goɗa laɗu!⌋ Ge, gemu da Kayak amegppa keeke genabnab hekkulnu nai ain qakken, keeke medakkulnu ami amu, gemu da dahil nai amu aakku hein malami.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Aisaia 22:13

Amge antteg! Ag oo doyak kobol amu ii hemana. Iitta! Ag oo gamag ahak doon, ahi goɗak, hobul ee naɗi hena, sipsip aqan, makau baalag otaɗadnana, henan lanana, ag wain ele lakkulag. Lanana ag akkulag. “Doppeg, haen elab iitta ig mauhkkunig amunu, ig ee le ele aot latu!,” akkulag.

Aisaia 3:16

Am Yawe Nug atte. “Sion ah ag am dada ha, laa eɗittaknu dabmak awaknu ah daan oitteb. Ag anam daan oinna, laa ag neegna anadkkulagnu henana, amelagppa danab laala ag ele oiglagnu eeɗadnana, baeg gogppa oiyak henana, baelagppa bala oqotti okkunu metteb amunu, ⌊da ag bu madakkul,” awa atte⌋.

Aisaia 47:8

Ag Babilon danab ah ag ah okkai laa bia daatteb. Ah amu nug keeke enaib aokkunu wagai ma hette. Nug uug laa nuhigppa bekkunu dab-ii-maama, nug nukka nuhignu, ‘Da dakka okkai daattem. Laa nug okkai da bia ii daatte. Laa nug danab dahil heeb nauhkkunu ib iitta. Laa nug nid naunau dahilad hatteb nauhkkulagnu, o diin gokkulagnu ele, elele iitta,’ atte. Ag Babilon ag anam daan dabmena, ag kobol eheɗ henana, dabmak eheɗ ele aotteb, amge ag gemu ag dahil nai imu doyeg!

Aisaia 56:12

Ag akka akka nug amegppa mattin atteb. “Ahappeg! Ig gota, wain aotu! Ao, ig gota, bia aot lapput ukkeb, oonig didikku. Ig amu hetata oipput, butti am ele deɗ ena, gemu bia daakku, amge gemu bianab ii daama. Iitta! Buttinu oo gamag ahak am gemunu eɗidkku,” aon atteb.

Jeremaia 12:3

Anam, amge O Yawe, na da dooiɗttem. Da nahipnu attem attem dabmettem amu, na doon, epeɗidttem. Anam amu, na eheɗ hak danab amu, danab nug sipsip aqadkkunu mauhnoaknab diiadtte, amubia na amu eheɗ hadakkutnu ool daatte. Ge, na tituanadna heppe, danab ah huanak aqe mauhak deɗppa laa ag danab eheɗ hetteb ele huanak aqappeg mauhkkulagnu oɗ medattem.

Jeremaia 25:34

Ag gumak danab, ag danab sipsip gumadtte bia ag gumak danab daanna, danab ah gumadtteb, ag eheɗ gaanna, mahieg! Ao, ag gumak danab, ag danab sipsip gumadtte bia daan, ag danab ah gumadtteb amu, ag gappudppa niin, beɗulag itoɗinna dayeg! Aɗinu? Danab ag doɗ kuɗum aqaeg mauhtteb bia, kekeɗ ag banppa ag aqappeg mauhkkulagnu haen aakku beum daatte. Ao, ag aakku hinai enanag na qa aoɗtte, ag amubia daaglag.

Esekiel 16:49

Amu Naɗi Yawe Nug tuɗitta atte. “Jerusalem, na makkep Sodom, nug aɗekkud ele, ahilag hipunin am inam. Ag beɗuppa tak ah daan oinna, ag ee ge iitta lanan daanna, ag eheɗ heppignu uug laa ii doon, ag daɗek danab, amu laa ag keekenu tutu mak daappig ele ii ehanadppig.

Esekiel 39:17

Amu Yawe Nug anam awowa, Nug tuɗitta aum. “Danab bekka, da Naɗi Yawe, da inam attem. Na ai oh, amu doɗ dakkuɗ oh ele ag danab daaloblob bia, na ag onilagppa eppe uɗippeg, na ag amelagppa inam appe doyeg! ‘Ag ai oh, ag doɗ dakkuɗ oh ele ag uɗin, hobul naɗi, danab nug doɗ huanak aqa manatta, Kayak medatte bia, da hobul amubia ahilagnu Israel qaukoppa bappaidkkulnu hettemde; ag aguppa dayeg! Ag appa teppu, tiig ele lakkulag.

Amos 6:1

Ag ikki danab aab okkai Sion appa daan, “Ig enaib daat oignig,” doon oiyegeg, amu ag ikki danab Samaria appa daanna, “Ihinigppa uug laa ii bema,” dabmenan oitteb; ag am huu laa Yawe tituanatte, ag Israel danab ah oh dilag danab okkai daaeg, Israel danab ah ag ahilagppa ehanittak aoglagnu uɗitteb ele amu, ag oh, ahilagnu am gadonnab gadon.

Luk 16:19

Jesus Nug ele aum. “Anukka enub danab laa dayom, am nug hanhan beɗuppa lamen perpel, aria linen lamen hakkab eleib mettom. Am nug hanhan ee ena enaib lattom.

Luk 16:25

Awa a amu Abraham nug aum. ‘Nagppi, keeke laippu imu na dautppa dokku. Anukka haen na wanppa bau daanna, na keeke ena oh aome, amu Lasarus nug am keeke oh nau awom. Amge gemu aben imuppa nug am oo ena dayeye, ge na amu guittak nau doottem.

Rom 13:13

Amu ig danab nug amunppa tutukku kobolppa oitte bia oitu! Ig aib goɗak qiɗ nau heta, le ɠagattag nau ele aib laut, kaaka iqom. Ig aib gappai kobol heta, hipaɗu ahak kobol ele aib hemut. Ig aib nug aidtata, laa dilagnu, ihinigppa anam daalon dabmak aib aɗat daamut.

1 Timoti 5:6

Amge ah qab nug nukka beɗunu oo hakib dim lamidtte amu, nug aakku mauhak bia daatte.

2 Timoti 3:4

Ag kadoi layag kekeɗ eppelagppa mak kobol, ahilag dabmak nau paha dim lamittak kobol, amu enaen mak kobol ele hekkulag. Geha ag beɗunu gamag ahak digdig kobol amunuib oolag mauhebeb, Kayaknu amu oolag ii mauhma.

2 Pita 2:13

Ag am eheɗ heppig amunu, ag nob eheɗ aoglag. Amu ag amunppa miag atiakppa kobol nau ohnu mauhnoak hekkulagnu oolag ahak ele oitteb. Danab nau amu ag hobul, ag Kristen hetteb ele amu, hobul amuppa wana, oo gamag ahak nau ele ag oolagppa daatteb. Ag anam daanna amu, ag am gaɗanigppa ah lanak o gakanenig daatte, amubia daanna, ag oolagppa ee lanan daatteb.

Jut 1:12

Danab nau amu ag hanhan ag danab nai imu aotteb ele, ag ahilag hobul oo mauhak ele, hobul amuppa ag ele qagmena daanna, ee lanana, ag hobul dubuttid medatteb, amge danab amu ag ii baɗatteb. Ag akka agib ehanadkkulagnu hetteb. Danab amu ag am lombig laa, gu ahilagppanu ii nette; ulah iwalatte gotteb, amubia. Ag am ad, meu awak haenppa meu ii otte bia. Ag am ad bunaɗom, danab ag ad diig hiɗappig bia daatteb.

Revelesen 18:7

Nug nukka nug binag amahlak oppiaawak ele metta, nug keeke ena ena digdig kuɗumnab hik qe aokkunu ha awom amunu, ag nug guittak, gayak ele melemel amuppaib metteg! Aɗinu? Nug ooppa, ‘Da kwin, da ah qab iitta amunu gayak baag laa dahilppa ii bema,’ dada nai atte.

1 Samuel 25:36

Dawit nug anam a amu, Abigel nug eɗua laugppa ukkom. Amu Nabal nug nuhikkud maɗi nid ele ag daanna, hobul naɗi, king hobul hetteb, amubia heppig. Ag amu lanana, Nabal nug gamag huana ahe, nug le la, qe, spak meum. Nug anam dayom amunu, Abigel nug Nabal ele nai laa ii madipiɗ; daye ukke wagɗom.

1 Samuel 25:6

ag nug amegppa inam aig! ‘Dawit nug na, na baenadppa, amu nahip keeke oh ele enaib daaglagnu oo daatte.