Jems 5:3 - Nobonob Baibel

³ Gol, silwa ele ahilkad amu ele nauhna, dubuttid taadtteb. Amu dubuttid amu heeb, ahilag hipunin miag atieb, aab bia ag beɗulag eokku. Ag keeke ena ena, men doɗo ele kuɗumnab, gog tak haen imuppa, ag akka ena daaglagnu qagmaadppig.

Jems 5:3 Iomraidhean Croise

Genesis 31:48

Anam daye amu, Laban nug aum. “Men qagma hume tak imu, amuam i nug tituanɗa, nai qakkamuɗnu at ihinih daatte,” awa aum. Diig amunu ag aben amu onig, “Galid,” ataɗppig.

Genesis 31:52

Men qagma hume tak, amu men qappak imu ele amu ihinih nug tituana nai qakkak nainu at daattep. Da nahip-ppa kobol eheɗ hekkulnu men qagma hume tak imu na daattemppa ukkaknu ii tippalpa. Na ele men qagma hume tak, men qappak imu ele dahilppa eheɗ hekkutnu da daattemppa uɗiaknu ii tippalmana.

Genesis 49:1

Aria, deɗ laa Jakop nug bekkod onilagppa e uɗieg, nug aum. “Dimppa keeke aɗi aɗi ahilagppa bekku amu, ag amu dooglagnu da noolppa qagmeppeg, da appi dooglag.

Job 16:8

Na hippaliɗe, ⌊laa ag amu anidna,⌋ da hipunin hemi, diig amunu da anam daattem dabmetteb. Ao, na hee, da beɗul ebehi ta, gai-iitta dayeye, ⌊laa ag amu anidna, ag⌋ da hipunin hemi, diig amunu da anam daattem dabmetteb.

Aisaia 2:2

Qauko laa, Yawenu mettid lag qauko amuppa daatte amu, deɗ laa dimppa, Yawe Nug heeb, qauko amuam qauko laa oh eɗattak daakku. Ao, Yawe Nug heeb, qauko amuam qauko nakok laa oh eɗadkku. Amu geha danab ah kuɗumnab, wan atu ohppanu ag appa ⌊qagmekkulagnu⌋ uɗiglag.

Jeremaia 19:9

Da heppi, kekeɗ ag Juda danab aqaglagnu hetteb ele, ag uɗin, aab imu oo mattan aqaknu maadna daanna heppeg, ee iittanab meeb, danab ah aab ooppa daatteb ele ag bekkalkad, aɗelkad ele teppulag lanana, ag lailkad teppulag ele lakkulag.” Yawe Nug da amelppa anam aum.

Maika 3:3

Ag am danab nug doɗ gaɗa tola awa, teppu tuqa, otaɗe ne, ebehi ele qiialatte ne, nug teppu biliken ooppa maknu oppate ne, ewa male latte, amubia ag danab ah dahilad eheɗ nau anam hadatteb,” awe ami.

Maika 4:1

Qauko laa, Yawenu mettid lag qauko amuppa daatte amu, deɗ laa dimppa, Yawe Nug heeb, qauko amuam qauko laa oh eɗattak daakku. Ao, Yawe Nug heeb, qauko amuam qauko nakok laa oh eɗadkku. Eɗatteb amu, geha danab ah kuɗumnab huu anen anenppanu geha ag appa ⌊qagmekkulagnu⌋ uɗiglag.

Aposel 2:17

Kayak Nug inam Joel amegppa a doya yom. ‘Dimppa, haen malakkunu heebeb, haen gamag amuppa da dahil Ouɗi danab ah diig oh dilagppanu ⌊danab ah laala⌋ madakkul. Da madappi, ag bekkalkad, aɗelkad ele ag propet nai madippeppeg, ahilkad danab kaino ag tul niiakppa keeke anidppeg, ahilkad danab bau ag tuleglegppa keeke anidkkulag.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

2 Timoti 2:17

Danab nai amu maditteb ele, ahilag nai amuam ihilag nau anig yaak okkai mette, amubia okkai mekku. Danab amu hetteb ele oolagppa am Himeneus, Piletus ele.

Josua 24:27

Nug anam ha, Josua nug danab ah oh amelagppa aum. “Men imuam danab nug nai oh Yawe Nug ig amenigppa mattie doyom bia daatteb. Men imuam nai oh Yawe ig amenigppa aum aakku dooppig. Anam amunu, men imuam danab laa nug laa aɗi heehe anttomnu mattiak danab daatte bia dayaya, ag eheɗ hena, Kayak pehettak ii dim lamidkkulag dayeb amu, am anam ippunadkku,” awa aum.

2 Pita 3:3

Amu ag tatam inam dooglagnu, daulagppa dokkunu ele amelagppa attem. Gog tak haenppa eheɗ hak danab laa ag bekkulag. Amu ag beɗu kobol eheɗ ahilag dim lamidna, kobol ena genab amu aon aon qettana imidkkulag.

Revelesen 17:16

Am na qeqeɗi eblaih laih ele anidme amu, ag oh amu doɗ dakkuɗ ele ag ib baag ahnu oolagppa nau ninig ele dooglag. Ag anam doonna, ag nug heppeg nauhkku. Lamen nuhig oh uɗidppeg, nug beɗu miag daakku. Ag nug teppu lakkulag. Nug beɗu laa oh, amuam ebehi keeke, ag amu aab aɗuppa maippeg eokku.

Revelesen 20:15

Aun laa nug onig buk laappa, amuam buk onig Bauklel Awa Onig Yaaknu buk, nug onig buk amuppa ii yaak amu, laa nug nug aab amegppa buɗie noum.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.