Jems 5:2 - Nobonob Baibel

² Ag enulag oh am beɗatteb. Amu dittuɗ ag ahilkad lamen ele oh am heeg nauhtteb.

Jems 5:2 Iomraidhean Croise

Job 13:28

Da am ad keeke beɗom daatte bia daattem; da lamen gawat heeg nauhom daatte amu, da amubia daattem.

Sam 39:11

Ig danab ah, ig hipunin heutut, na ig toligna, bu megattem. Dittuɗ laa lamen etaɗe nauhtte bia, na danab dilag en hee nauhtte. Ulah, danab noobppa eeɗtte ele, am keeke ɠagattag iitta. Ig ele anamib daattem. Sila.

Aisaia 50:9

Naɗi Yawe Nug hettoɗiakppa nai ena dahilnu atte amunu, aun laa nai nauppa da yaaiɗkku? Laa ag anam hekkulagnu hekkulag dayeb amu, ag am lamen alag ma ukka nauhtte bia hekkulag. Ao, ag am lamen alag laa dittuɗ lappig, amubia daaglag.

Aisaia 51:8

Aɗinu? Danab ag ahilagnu nai hetteb, ag aon aon aqadtteb ele, ag dittuɗ lamen he nauhak daatte, danab amu ag nauhak amubia nauhkkulag. Ao, dittuɗ nug wul he nauhak daatte, nauhak amubia ag nauhkkulag. Ag anam nauhkkulag, amge dahil genab tutukku hak kobol am hanhan daakku. Ao, dahil danab ehanatte, ag padal ii metteb kobol amu, kobol amuam iitta ii mema, hanhan daakku.” Yawe Nug anam atte.

Jeremaia 17:11

Danab laa nug laa dilagppa kobol eheɗ ha, en okkai aotte, nug am ai patris ai laanu oppa tona makkultte, nug amubia daatte. Nug enub ele haen elab ii daama. Iitta. Ai laan oppa patris makkulom ele, ai amu ag paha patris uuna, hagagaɗna gokkulag, amubia enub amu iitta mekku amunu, danab nug en kobol amuppa awom ele, laa ag nuhignu nug am danab Kayak dab-ii-maama ii dim lamidtte ele dooglag.” Yawe Nug anam awa atte.

Hosea 5:12

Geha da Israel dilagppa dittuɗ lamen otule nauhtte bia heppi nauhkkulag. Ao, da Juda dilagppa ad beɗa nauhtte bia heppi nauhkkulag.

Luk 12:33

Ag ahilag keeke oh maadppeg, danab daden meppeg, men doɗo aona, daɗek danab ehanadna matteg! Ag anam hekkulag amu ag men doɗo inaknu hogot, alag ma nauhkkunu elele iitta ahilkadnu diiglag. Ag aakku ahilag en ii iitta memanu hab aabppa qagmekkulag. Appa amu yab danab laa nug ii daama, dittuɗ ele ag keeke laa ii heppeg nauhma.

Jems 2:2

Am enub danab laa nug lamen ena takka, eppeg doɗoppa gol ring ele ma, nug ahilag qagmak lakka notte dayeb, amu daɗek danab laa nug lamen nau ele nug ele qagmak lakka notte dayeb,

1 Pita 1:4

Amu ele ig Kayak Nug bekkod keeke madakkunu dabmette ele, keeke amuam hanhan daakku, ii nauhma, iitta ii mema amu, Nug hab aabppa ahilagnu babaittom daatte amu, ig amu ele dimppa anidkkunignu ameg mettem.