Jems 5:16 - Nobonob Baibel

¹⁶ Amunu ag oɗe aon, eɗun ena daaglagnu amu, aun laa nug layagppa hipunin heum ele, nug layag amu amegppa nug hipunin heum miag atiak ab, ag oh anen anen ag lailkad dilagnu Kayak unuqitteg! Amu genab tutukku hak danab, nuhig unuqittak am ebehi ele amunu, danab ehanitteb ena daakkunu elele.

Jems 5:16 Iomraidhean Croise

Genesis 19:29

Haen Kayak Nug aab okkai uɗem amuppa daappig ele he, padal meppig, haen amuppa Kayak Nug Abrahamnu dabmaama, Nug Lot omala, aab okkai nug daattomppa, aab amu dimittim ukke, padal ii meum.

Genesis 20:17

Abimelek nug Sarah awom amunu, haen amuppa kobol amunu Yawe Nug he, Abimelek wau, amu nuhikkud begbeg maɗi ah ele ag nid menuglagnu elele iitta daappig. Amge dimppa Abimelek he, Sarah eɗua Abraham toppa ukkom, haen amuppa Abraham nug Kayak amegppa unuqitte, Kayak Nug he, Abimelek, nug wau, nuhikkud maɗi ah ele oh, ag eɗun, baula nid menuadkkulagnu elele daappig.

Genesis 20:7

Amge gemu na heppe, ah amu nug gamu toppa eɗua ukkaɗ! Aɗinu? Nug gamu am propet, amu nug nahipnu unuqidkku. Unuqitteb, na ii mauhmana, amge na heppe, eɗua ii gokku dayeb amu, na imu doye! Na, amu nahipadppa ele oh, ag genab mauhkkulag,” awa aum.

Genesis 32:28

A amu, danab amu nug aum. “Na onin baula Jakop iitta; na onin Israel daakku. Aɗinu? Na Kayak, danab ele nug wagai mak hena, wagai maknu ii uume.”

2 Samuel 19:19

Nug king noobppa anam dayaya, nug aum. “O dahil naɗi, na da dahil eheɗ hak matunu nob meɗakkutnu ool ii daatte. Na, na am dahil naɗi, dahil king, amu na Jerusalem uun gome, deɗ amuppan hak nau dahil na dabmettem doottem, amge na da kobol da hemi ele amu, na kobol amu daut atikkunu oɗ medattem. Na heppe, am na dautppa ii daamanu ool daatte.

1 King 13:6

Aakku King Jeroboam nug Kayaknu propet amegppa aum. “Na Yawe, nahip Kayak, na Nug unuqidppe, nug da ehaniɗa heeb, da eppel imu eɗua ena daakkunu ool daatte,” awa aum. Nug anam a amu, Kayaknu propet nug Yawe, nuhig Kayak, nug Nug unuqitte, king eppeg eɗua, ena dayom bia dayom.

2 Stori 30:20

Hesekaia nug anam unuqitte, Yawe doya, Nug danab ah amu dilag hipunin uhuqa mattom.

Job 42:8

Ag eheɗ anam madippig amunu, ag makau gaiɗ eblaih aɗit ele, sipsip dawai eblaih aɗit ele, ag amu ele aon, dahil maɗi nid Job gumidna gona, ag doɗ amu manaknu ofa daaglagnu manadna meɗeg! Ag amu heppeg, dahil maɗi nid Job nug ahilagnu da unuqilkku. Nug anam unuqilkku, da nuhig unuqittak doyen, diig amunu da ag dahilnu dab-ii-maama hak kobol dim lamidppig amu, da kobol amunu bu madappi aolob ii madapa. ⌊Da ii madapa, amge ag bu aoglagnu daappig.⌋ Aɗinu? Ag dahil maɗi nid Job, Nug dahilnu nai tutukku mattiom bia ii madippig. Ag eheɗ madippig,” awa aum.

Sam 34:15

⌊Aɗinu?⌋ Yawe Nug laa ag kobol genab tutukku hetteb ele, Nug ag dabmatta atognoadtte. Ao, Nug ahilag unuqittak doya, ag ehanadtte.

Eksodas 17:11

Ag tena daanna, haen Moses nug eppeg attan hume ta dayeye, Israel ban daup ag ban hena, Amalek eɗadppig, amge haen nug eppeg paɗe, honap neum amu, aria Amalek ag banppa Israel eɗadppig.

Eksodas 9:33

Aria, Moses nug Paro uuitta, aab okkai dimittim ukka, nug eppeg hume attan te, Yawe unuqittom. Unuqitte, hakkaɗ baula ii qe, ais doɗo baula ii ne, gu huana ele ii neum; mataɗom.

Prowerb 15:29

Yawe Nug nau hak danab, ahilag unuqittak dookkunu ag gukkuatta ii daatte; amge Nug genab tutukku hak danab dilag unuqittak dootte.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Prowerb 28:9

Aun nug Kayaknu ɗo dim lamidkkunu uua hette amu; Kayak Nug nuhig unuqittaknu am ooppa uuaknab dootte.

Jeremaia 15:1

Amu dimppa amu Yawe Nug da, Jeremaia, Nug da amelppa aum. “Moses, Samuel ele aa am dahilaɗ danabnab daapiɗ, amge aanab da noolppa daaya, danab ah imu dilag unuqiɗlop amu, da ag ena daaglagnu ii ehanadlom. Heppe, ag da noolppanu ukkeg! Da noolppa daaglagnu aib heme!

Jeremaia 33:3

‘Juda danab ah, ag da unuqiɗppeg, da unuqittak ahilag nob matten, da keeke okkainab, ag ii dootteb ele, danab ah ag ahilag dabmakppa mattin anidkkulagnu elele iitta, da keeke okkainab amu ag ippunadkkul,’ ” awe attem.

Jeremaia 42:2

Ag nug gumidna tena, nug amegppa appig. “Ig keeke laanu oɗ medapput, na ihinig oɗmak dookkutnu oɗ medattem. Na Yawe, nahip Kayak, na Nug unuqidppe, Nug ig Juda danab ah oɗo yaak daattem, Nug ig ehanikkeb, ig ena daagnignu oɗ medattem. Aɗinu? Ig Juda ig anukka kuɗumnab daamut, amge gemu na anidttem imu, ig laib laibib daattem.

Namba 11:2

Anam be amu, haen danab ah ag Moses ehanadkkunu gaappig amu, Moses nug Yawe unuqitte, aab amu qauhom.

Matyu 21:22

Amu ele ag oolagppa genab doonna unuqidkkulag amu, ag keeke aɗi aɗi aoglagnu unuqidna amu, ag aoglag,” awa aum.

Matyu 3:6

ag hipunin ahilag miagib mattiegeg, Jon nug Jodan leppa layattom.

Mak 1:5

Nug nai anam mehuqom amu, Juda danab, laa Jerusalemnu, laa Juda wanppa laih ohnu ele, ag Jon gumidna gona, ag hipunin ahilag miagib mattiegeg, Jon nug Jodan leppa layattom.

Luk 9:6

Anam a amu ippunittak awak danab ag ahan, aabaab gona, Nai Ena mehuqnana, oɗe danab atu ohppanu ele heeg, ena daappig.

Jon 9:31

Ig doottem, Kayak Nug hipunin danab oɗelag ii dootte, amge danab aun nug genab tutukku hak danab daatte, nug Kayak oo attem niitte amu hette ele amu, Kayak Nug nug oɗe dootte.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Aposel 19:18

Anam heeg amu danab ah kuɗum ag oolagppa genab dooppig ele ag aɗi keeke nau anukka heppig amu oh ag miagib mattina anam madippig.

Aposel 8:24

Pita anam awa a, Saimon nug inam aum. “Aa apiɗ dahilppa bemanu amu, aa Naɗi da ehaniɗkkunu unuqidkkulahnu oɗ matattem,” awa aum.

Rom 3:10

Kayak naippa, nai amunu daatte am inam. “Danab laippu laa nug genab tutukku danab ii daatte. Iittanab!

Rom 5:19

Danab laippu nug nai tappe neum, kobol nau nuhig amuppa ⌊nug ib ooɗe,⌋ danab kuɗum ag hipunin danab daatteb. Amubia danab laippu laa Nug nai dim lamittom, kobol ena nuhig amuppa ⌊nug ib ooɗe,⌋ danab kuɗum ag geha ag genab tutukku hak danab daaglag.

Kolosi 1:9

Deɗ i nai amu doomuɗ, deɗ amuppa i diig amunu Kayak ag ehanadkkunu digmeɗa unuqidɗaɗa daattep. I ahilagnu daunih ii atitte. I Kayak ag ehanatteb, ag nuhig dabmaknab awak attem daatte dooglagnu, Kayak Ouɗi Nug ag doyak dabmak ena ele, amu oo maittak ele oh ag matteb, ahilag dabmakppa daakkunu unuqidttep.

1 Tesalonaika 5:17

Ag unuqittak haen oh henana dayeg!

1 Tesalonaika 5:23

Kayak, Nug aakkuib am oo maɗoɗ diig, Nug nukkaib heeb, ag beɗulag dimittim, oolagppa ele oppiaawak daaglagnu ool daatte. Nugib ag ouɗilag, dottolag, amu beɗulag ele atognobob, ihinig Naɗi Jesus Kristus eɗua uɗikku haenppa ag oolagppa kaliak laa iitta ele daaglagnu, ig Kayak unuqidttem.

1 Tesalonaika 5:25

O lainkad, ag Kayak ehanigkkunu ag unuqitteg!

Hibru 11:4

Abel nug Kayaknu ooppa genab doyom amunu, nug mana mettak, Kain eɗittak, mana mettak enanag heum, amu Kayak nuhig mana mettaknu amu enanag antta nuhignu, “Genab tutukku hak danab,” awa aum. Abel nug am anukka mauhom, amge nuhig ooppa genab doyak am ig aɗi hekkunignu gemu ele ig ippunigtte.

Hibru 11:7

Noa nug Kayaknu ooppa genab doyom, amu Kayak Nug keeke laa, Noa nug deɗ laa ii anttom bekkunu nug amegppa nau aomanu nai mattie, Noa nug ebehi oh Kayaknu bodoetta le meum ele amu, nug nuhig nai amu doya, nug baekkudppa ele ena daaglagnu nug uub itom. Ooppa genab doyak nuhig amuppa amu nug danab laa oh, ag oolagppa genab ii dooppig ele, ag eheɗ heppig aakku ippuanatta, ooppa genab doyak amuppa ele nug am genab tutukku hak danab beum.

Hibru 12:13

Amu ag oolagppa laa ag baelag nau autaut oitteb ele amu, ag nauhna autna aomnanu, ag eɗun ena daaglagnu, ib ag oh tappan gotteb ele, ag ib amu bappaidna autna aweg!

Hibru 13:18

Ihinkad ooppan oiyak ippunittaknu ulum am Kayaknu neekkakppa ig beɗunigppa aab iitta ippunigtte oonigppa genab doottem, ig haen oh tutukkuib oignignu oonig daatte amunu, ag Kayak ig ehanigkkunu unuqitteg!

Josua 10:12

Amu Yawe Nug Israel ag ehanatte, Amo eɗadppig, deɗ amuppa Josua nug Israel danab oh noolagppa Yawe unuqittom. Nug aum. “Da na unuqidttem. Na heppe, aam nug Gibeon amahalittak dayebeb, kalam nug oolnu noak onig Aiyalon, nug amu amahalittebeb daakkunu oɗ medattem,” awa unuqittom.

1 Pita 2:24

Ig hipuninnu begbeg maɗi nid daamtanu, ig Kayak dim lamidta genab tutukku hak danab daagnignu, Jesus Nug ihinig hipunin oh ad emaitakppa mawom. Genab, Jesus nug guittak awe, ig amuppa elele daattem.

1 Jon 3:22

amu ig Nug aɗi keeke laanu oɗ medattem dayeb, Nug ig megatte. Aɗinu? Ig haknunab nai nuhig doot dim lamidta, kobol Nug oo niitte, amu ele ig hettem.

1 Samuel 1:12

Hana nug tuɗidib anam ooppaib Yawe unuqitta heehe, Eli nug Hana otti nai mattiom bia heum, amge oqotti laa ii beum antta, nug, “Ah amu nug spak ma hette,” dabmaama,

1 Samuel 12:17

Gemu am wit meu awak haen, gu nakok laa ii nak haen, amge da Yawe Nug heeb, hakkaɗ qeebeb, gu ele nekkunu unuqidkkul. Da anam unuqidppi, Nug anam heeb, keeke amu anam beeb, ag aakku inam dooglag: ‘Ig Kayak Nug ihinig king daakkunu uut, danab nug ihinig king daakkunu amut amu, amuppa ig eheɗ hemut.’ Ag anam dooglag.” Samuel nug anam aum.

1 Samuel 12:18

Samuel nug anam awowa, nug unuqitte, Yawe he, hakkaɗ qak, gu ele neum. Ne amu, danab ah oh ag ebehilag oh Yawenu bodoetta le meum. Ag Yawenu anam doon, Samuelnu ele anam dooppig.