Jems 5:13 - Nobonob Baibel

¹³ Ag oolagppa laa nug uug dootte dayeb amu, nug unuqittaɗ! O iitta, lainig laa nug oo gamag ahak dootte dayeb amu, nug ahi edatta, Kayak binag maɗ!.

Jems 5:13 Iomraidhean Croise

1 Stori 16:9

Ag ahi ettanna, ag Yawe binag meig! Ge, ag onig humaknu ahi ettanna, ag Nug binag meig! Ao ag nuhig hak ena ena ohnu, ag danab ah laa oh ag amu dooglagnu ag amelagppa aig!

Job 33:26

Danab Kayak bu amu mettom ele nug eɗua ena daya, nug Kayak unuqittette, Kayak Nug nuhignu ii helo bia me, Nug ehanidtte. Nug Kayak iɗu andatta, nug gamag ahak naɗi doyaya ette. Kayak Nug he, nug eɗua genab tutukku hak danab tatam dayom bia daatte.

Sam 105:2

Ag ahi ettanna, ag Yawe binag meig! Ge, ag onig humaknu ahi ettanna, ag Nug binag meig! Ao, ag nuhig hak ena ena ohnu, ag danab ah laa oh ag amu dooglagnu ag amelagppa aig!

Sam 118:5

Da uugppa daami, haen amuppa Yawe unuqitti, Yawe Nug oɗelppa awa, da ehaniɗe, qagaiettakppa ii daami.

Sam 18:6

Amge da uug nau amuppa dayeye, da Yawe onigppa emi. Ao, da Kayak dahil ehaniɗkkunu unuqidmi. Da nug unuqitti, Nug nuhig mettid lagppa dayaya doya, da ehaniɗom. Ge, Nug dahil unuqittak doya ehaniɗom.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Sam 95:2

Ig Nug gumidta, Nug noobppa gota, amegppa, “Ena heme,” akkunig. Ao, ig musiknu keeke qaadtat, ig ahi ena ena ele Nug binag meta edatu!

Aisaia 65:14

Dahilad danab ah ag oolagppa oo gamag ahak ele doon, ag ahi ettaglag, amge ag nau hetteb ele, ag oolagppa guittak nau doon, ag eheɗ gaaglag. Ag eheɗ nau doon, ag mahiak okkainab hekkulag.

Daniel 5:4

Ag wain lanana, ag ahilkad kayak gol, silwa, bras, aen, ad, menppa dottolkad hak ele, ag amu binalag meppig.

Hosea 6:1

⌊Amu Israel ag oolag unuqagppanu da aniɗna dim lamiɗkkulagnu mattiɗna, ag akka akka akkulag.⌋ “Ahappeg, ig eɗut, Yawe waappa daatu! Aɗinu? Nug ig doɗ layag beɗu pattiɗe, huppu naunau nette bia guittak okkai naɗi mekkom, amge Nug heeb, ig ena daagnig. Genab, Nug ig bu iqe, beɗunkad ihi mettom, amge Nug ig ihinkad nau bappaidkku.

Jona 2:2

“O Yawe, da uug nauppa dayeye, na oninppa ei, na da baal doome. Ge! Da moɗppa niimi bia dayeye, aben amuppanu da na oninppa ei, na dahil unuqittak doome.

Jona 2:7

O Yawe, da mauhkkulnu hein dayeye, da nahipnu dabmein unuqitti, na nahip mettid lag nahipnu tituanak daatte, na amuppa daanna, na unuqittak dahil aakku doome.

Maika 4:5

Anam amunu, danab ah wan atu laih ohnu, ag ahilkad kayak hambuppuak onigppa oiglagnu oolag heeb, anam oiglag, amge ig Yawe, ihinig Kayak, ig Nug onigppa hanhan oignig.

Matyu 26:30

Nug anam a amu ag ahi laa ettona, ag ahan, dimittim wana, ag Olipnu Qaukoppa goppig.

Luk 22:44

Jesus Nug beɗuppa uug nau, mauhak bia doyaya, Nug oo unuqagppanu unuqittette, heɗi tiig bia na, wanppa noum.))

Luk 23:42

Nug anam ana, nug Jesus amegppa aum. “Jesus, haen na nahip ɗo maɗoɗppa daanna amu, na dahilnu dabmekkutnu ool daatte,” awa aum.

1 Korint 14:15

Amunu da attem hekkul? Da unuqidkkul amu da ouɗil, dahil dabmak ele ohppa unuqidkkul. Da ahi edakkul amu da ouɗil, dabmak ele ohppa ahi edakkul.

1 Korint 14:26

Anam daatte amunu O lailad, ag ahi ettaglagnu qagmena, ag attemtai hekkulag? Ag inam hekkulag. Haen ag oh qagmetteb, laa nug ahiettak laa edakku, laa nug ɠagattag aqaknu nai ippuanadkku, laa nug Kayak nai ippunittom amu mehuqkku, laa nug nai laappa nai madikku, am laa nug nai amu eɗukku. Ag keeke amu oh anam hekkulag, amge ag keeke oh Kristen tamaniak ɠagattag qekkunu heig!

Epesus 5:19

Ag qagmena daana amu, ag sam, mettidnu ahi, amu Naɗi binag maknu ahi ele etteg! Ag oolkadppa Naɗi humidkkulagnu, ag ahiettak, amu ahi baag ele heig!

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.

Jems 5:10

O lailad, eheɗ hettak doya, oo bodoettak dayaya maokkunu kobol, ag amunu antte oo maittak kobol laa anidkkulagnu anukka propet ag Naɗi onigppa nai mehuqttappig ag daulagppa doaɗ!

Revelesen 14:3

Ag sia king ⌊anuqak⌋ noobppa hab daup waɗele Kayaknu bauklel aotteb ele, ag noolagppa amu ikki danab noolagppa ele ahi bau edappig. Laa oh ag ahi amu ettaglagnu am elele iitta; danab 144,000 Kayak Nug ag wanppanu danab ah oolagppanu ag hipuninnu qagaiettakppanu eɗua uhuqak heum ele, ag aakkuib ahiettaglagnu elele daappig.

Revelesen 7:10

Ag baalag okkaippa ena appig. “Eɗua awikkaknu diig am ihinig Kayak, Nug nuhig sia king ⌊anuqak,⌋ appa daatte, amu Sipsip Nag ele,” aon appig.