Jems 5:11 - Nobonob Baibel

¹¹ Ag doyeg! Ig, “Danab ag uug doyaya eɗittaknuib dabmak awak kobol dim lamidppig amu, ig ag itittak ena aoppig daatteb,” aot attem amunu, ag amu anidkkulagnu ag Jobnu kaya dabmekkulag. Ag dootteb. Nug oo ɠagattag qetta, uug oh nuhigppa beppig am mawom. Anam he, dimppa Naɗi nuhignu kobol ena he beum. Aɗinu? Naɗi Nug ihinignu oo gai-iitta doya oo mekka ehanikka auta aotte; Nug ihinignu oo bodoetta le mak ele doya auta aotte.

Jems 5:11 Iomraidhean Croise

1 Stori 21:13

Gad nug anam a, Dawit nug aum. “Da uug naunab nau doottem. Amge Yawe Nug oo gai-iitta doya oo metta ehanittak kobol okkainab aɗa dim lamidtte amunu, ig Nug eppegppa bu aognignu ool hette. Da danab eppelagppa bu aognignu ool ii daatte. ⌊Nug heeb, oɗe ig iqakkunu ool hette⌋,” awa aum.

2 Stori 30:9

Aɗinu? Ag eɗun, Yawe waappa daaglag dayeb, Nug heeb, kekeɗ ag Juda danab ah laa diin goppig ele amu, ag ahilagnu oo bodoetta le mak doon, ag heppeg, laa amu ag eɗun, wan imuppa uɗiglag. Yawe, ahilag Kayak, Nug oo bodoette enanag maɗoɗ ele hak kobol dim lamitta, Nug oo gai-iitta, oo metta, ehanittak kobol ele hanhan hette amunu, Nug anam hekku. Ag eɗun, Nug dim lamidkkulag dayeb amu, Nug ag ii geɗadma.” Pasppa yaak anam dayom.

Nehemaia 9:17

Ag nahip nai dooglagnu uuppig. Ag hak kuɗum laa, danab hekkunu elele iitta, hak amu na ag noolagppa heme anidppig ele, ag hak amu daulag atiom. Ag na oɗen dim lamidmananu dabmak ahilag ɠagattag eppe henan, ag nahip nai tappaeg neene, ag danab laa nug ag noolag awa diieb, ag eɗun, Isip wanppa gona, eɗun ahilkad begbeg maɗi nid daaglagnu tituanppig. Ag amu oh heppig, amge na Kayak, ⌊na am kayak laa bia iitta. Iitta!⌋ Na danab hipunin hette ele, ⌊nug oo eɗueb,⌋ na hipunin amu uhuqna medattem. Na oo bodoette enanag maɗoɗ ele hak kobol dim lamidttem. Na danab ah dilagnu oot bodoetta, le mette. Na oot paha ii nauhtte. Nahip oo mauhaknab kobol am amba, leta nette. Na anam daattem amunu, na ig mamenkad aɗi amu, na ag ii uuadme.

Nehemaia 9:31

Amge O Kayak, na oo bodoette enanag maɗoɗ ele hak kobol dim lamidna, na danab ah dilagnu oo gai-iitta doya oo matta ehanittak kobol ele dim lamidttem amunu, na ig mamenkad aɗi dilagnu oot gai-iitta doon oot mattan ehanadna, na hee, ag ii padal meppig; na ag ii uuatte hamu daappig.

Job 1:1

Anukkanab danab laa onig Job nug Us wanppa dayom. Danab amu nug Kayaknu neekkakppa ooppa kaliak laa iitta ele. Nug genab tutukku hak danab. Nug Kayaknu ebehi oh bodoetta le me, nug eheɗ laa hekkunu uua autanab awom.

Job 1:2

Job nug bekkod eblaih aɗit ele, aɗekkud ewam ele.

Job 2:10

Job wau nug anam a, Job oɗeppa awa aum. “Na am ah nug dabmak tutukku iittappa keeke hette bia nai madittem. Kayak Nug keeke ena ig mekkebeb, ig oonig bodoetteb aognig am ena, amge Nug uug ig mekkebeb, ig oonig bodoetteb, amu ele aognig am ena. Ig enaib Nug eppegppa aognignu aib dabmemut,” awa aum. Job anam aum amunu, uug amu oh nuhigppa beum amu, amu ohnu Job nug nuhig naippa hipunin laa ii heum.

Job 23:10

Da Nug ii anidttem, amge Nug da ib attenppa oittem amu, Nug dootte amunu, Nug ma anttak elele meɗa maleb, da enanag bein daakkul; da danab nug he, gol enanag ba daatte, da gol amubia enanag bein daakkul.

Sam 103:13

Nug am nid mamelag nug nid naunau dilag oo gai-iitta doya oo matta ehanadtte, amubia Yawe Nug danab ah ag nuhignu ebehilag oh bodoetta le mette ele, Nug amu dilagnu oo gai-iitta doya oo matta ehanadtte.

Sam 103:8

Yawe Nug ihinignu oo bodoetta le mak kobol, oo bodoette enanag maɗoɗ ele hak kobol ele dim lamidtte. Nug oo paha ii nauhtte, amu nuhig oo mauhaknab kobol am amba, leta nette.

Sam 116:5

Yawe Nug oo bodoette enanag maɗoɗ ele hak kobol dim lamidtte. Nug am keeke genab tutukkuib hette. Ihinig Kayak, Nug haen oh ihinignu oo bodoetta le mette.

Sam 119:132

Na laa ag nahipnu oolag mauhe, na oot ag madattem, amubia na dahilnu dabmena, dahilnu oot gai-iitta doon oot meɗan ehaniɗkkutnu oɗ medattem.

Sam 145:8

Yawe Nug haen oh aɗi hette amu, Nug oo bodoette enanag maɗoɗ ele hette. Nug danab ah dilagnu oo gai-iitta doya oo matta ehanadtte. Nuhig oo nauhak paha ii bette, Nug danab ah dilagnu oo mauhaknab dootte.

Sam 37:37

Ag laa, ag danab ah beɗulagppa aab iitta am anatteg! Ao ag tutukku hak danab ah dilagnu dabmak aweg! Aɗinu? ⌊Danab ah amu ag maɗoɗ ele dayaknu oolag mauhtte, amu⌋ Yawe Nug danab ah ag maɗoɗ ele dayaknu oolag mauhtte am ehanatta heeb, ag butti aɗi ii iitta memana.

Sam 51:1

O Kayak, na ig danab ah, na ihinignu oo mauhaknab doottem amunu, na dahilnu oot gai-iitta doon oot meɗan ehaniɗkkutnu oɗ medattem. Yo, na ig danab ah, na ihinignu na oot bodoetta, le ma auta autanab aotte amunu, na dahil hipunin uhuqna meɗakkutnu unuqidttem.

Sam 78:38

Ag amu heppig, amge Kayak Nug ahilagnu oo gai-iitta doya oo matta ehanatta, Nug ahilag hipunin uhuqa mattom. Nug ag oh ii hatte nauhppig. Haen kuɗum Nug oo nauhak nuhig aɗom. Ao, haen kuɗum Nug ahilagnu oppoɗi bak doyom, amge Nug aɗaɗa, ag bu madakkunu dayom bia ii bu mattom.

Sam 86:15

Amge O Naɗi, na kayak laa bia iitta; na am Kayak oo bodoetta le mak kobol, oo bodoette enanag maɗoɗ ele hak kobol ele dim lamidttem. Na paha oot ii nauhtte, amu nahip oo mauhaknab kobol, oo metta ii uuak kobol ele am ambeya, letaya nettep.

Sam 86:5

Aɗinu? O Naɗi, na am enanag. Na danab ah, ahilag hipunin uhuqna madattem. Nahip oo mauhaknab kobol am amba, leta nette, amu danab ah ag na ⌊ahilag hipunin uhuqna madakkutnu⌋ unuqidtteb amu, na amu dilagnu oo mauhaknab kobol nahip amu dim lamidttem.

Sam 94:12

O Yawe, danab na toliadna, bu madattem ele amu, ag itittak ena aoppig daatteb. Ao, danab na nahip ɗo ag ippunadttem ele amu, ag itittak ena aoppig daatteb.

Eksodas 34:6

Nug anam ha, Nug Moses noobppa wanana, Nug inam anan mattiom. “Da am Yawe, Da am Yawe. Da Kayak, da am oo gai-iitta doya oo metta ehanittak diig, oo bodoette enanag maɗoɗ ele haknu diig ele. Da paha ool ii nauhtte. Dahil oo mauhaknab kobol, dahil oo metta ii uuak kobol ele am, ambeya, letaya nettep.

Eklisiastis 7:8

Keeke laanu digmak am nakok ena. Keeke amunu gogppa tak am enanag; amubia oo bodoettak kobol am dada hak kobol eɗidtte.

Aisaia 63:7

Yawe Nug ig Juda, Nug ihinignu oo mauhaknab doya, Nug keeke ena kuɗum, ig keeke amunu Nug binag mekkunignu daatte amu, Nug amu heum. Nug kobol ena kuɗumnab ig Israel, ihinignu haaha, Nug ihinignu oo gai-iitta doya, oo mekka ehanikkom. Nug ihinignu oo mauha, anamib daatte amunu, da amunu laa amelagppa madikkul.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Gayak Nai 3:22

Keeke ena bekkunu dabmak aɗa oiyak amu, amuam Yawe Nug ihinignu oo mauhaknab dootte amunu, ig padal meta autta ii aottem. Ge, oo gai-iitta doya oo metta ehanittak kobol nuhig ii iitta mette, diig amunu ig padal meta, autta ii aottem.

Daniel 9:9

Ig na dimettat, nahip nai tappaut neum. Ig na, Yawe, na ihinig Kayak, ig na oɗen ii dim lamidmut. Ig nahip ɗo, na nahip propet, ag nahip maɗi nid amu, na ag oɗelagppa ɗo amu ig mekkaeg, ig amu dabmetata, ii dim lamidmut, amge O Naɗi, na ihinig Kayak, na danab dilagnu oot gai-iitta doon oot mattan ehanadttem. Na danab ah dilag hipunin uhuqna madattem.

Joel 2:13

Amu ag lamen dimittimnu pattiɗna meɗaglagnu aib heppig. Iitta. Ag oolag unuqagppa, ‘Ig eheɗ nau hemut,’ doon, diig amunu ag oolag unuqag guittak doyeg!” Yawe Nug anam atte. Yawe Nug anam atte amunu, ag Yawe, ahilag Kayak, ag eɗun, Nug waappa daaglagnu waig! Aɗinu ag anam hekkulag? Yawe Nug oo bodoette enanag maɗoɗ ele hak kobol, Nug oo bodoetta le mak kobol ele dim lamidtte. Nug oo paha ii nauhtte, nuhig oo mauhaknab kobol am amba, leta nette. Amu ⌊danab ah ag oolag genab eɗutteb dayeb,⌋ deɗ kuɗum ag hipunin heppignu Nug uug naunab madakkunu daatte amu, Nug ii madatte; iitta.

Maika 7:18

O Yawe, aun am Kayak na bia laa daatte? Kayak aun laa nug nuhikkudnab oɗo yaak danab ah dilag hipunin uhuqa madatte; eheɗ hak ahilkad ele uhuqa madatte? Na haen oh oo nauhak nahip ii aɗattem. Iitta. Na oot gai-iitta doon oot mattan ehanadkkutnu enanagnab doottem.

Namba 14:18

‘Da, da Yawe, da paha oo nauhak ii doottem. Dahil oo mauhaknab kobol am amba, leta nette. Da ele hipunin, nai dahil tappe nak ele uhuqa mettak hettem. Amge da danab ah ag hipunin hetteb ele bu madattem; uuatti hamu ii gotteb. Ge, danab ag hipunin hetteb ele amu, da ag bu aqatti ukke, ag buɗulkad menuattak huu laippu bia ewam o waɗele batak amu, bu qak amunu uug ag ele aqadtte,’ aon ame.

Matyu 10:22

Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Luk 1:50

Buɗub buɗub doobob, Nug danab ag nuhignu ebehilag oh bodoetta le mette, Nug amu dilagnu oo gai-iitta doya oo metta ehanadtte.

Luk 11:10

Aun nug Kayak unuqidtte, nug aotte. Aun nug maditte, nug anidtte. Aun nug od qeqaltte, Kayak Nug od matultte.

Luk 6:36

Amunu ag Mamelag, Nug danab dilagnu oo gai-iitta doya oo metta ehanadtte, amubia ag laa dilagnu oolag gai-iitta doon oolag mattan ehanatteg!” awa aum.

Rom 2:4

Kayak Nug nahipnu ena ha auta awawa, oo bodoettak kobol dim lamittatta, amen mak haen elab dayaya, Nug oo maɗoɗ kobol dim lamidtte amu, na amunu keeke hamu biate doottem? Amu na Kayak Nug na oot eɗukkunu oo daatte amunu, Nug nahipnu kobol enanag hette iite doottem?

Epesus 1:6

Kayak Nug anam heum, diig amunu nuhig ehanittak okkai hamu mettak, amuam binag amahlak oppiaawak ele amu, ehanittak okkai hamu mettak amu binag aotte. Nug Kristusnu oo mauhtte, amu Nug Kristusnu uɗat okkai ihinignu heum ele amu dabmaama, ehanittak okkai hamu mettak amu oo qak iitta ig mekkom.

Epesus 2:4

Amge Kayak, Nug ihinignu oo mauhak okkai dootte ele, Nug oo gai-iitta doya oo metta ehanittak kobol okkai ele dim lamidtte amu,

Hibru 10:39

Amge ig am danab ag Jesus dimettan padal metteb ele, danab amu oolagppa ii daattem. Iitta! Ig am danab ag nuhignu oolagppa genab doon, bauklel aotteb ele amu, ag oolagppa daatteb.

Hibru 3:14

Aɗinu? Ig Kristus ele tamanit, laippu daagnignu ib am laippuib. Laa iitta. Ib amuam inam. Ig tatam Kristusnu oonigppa genab doomut amu, ig amuib aɗapput ukkeb, mauhak haen ihinigppa ele ooppa genab doyak nuhignu amu aakkuib aɗagnig dayeb, amuppa ig genab Kristus ele tamanit daattem.

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

Jems 1:2

O lailad, haen ag ma anttak digdigppa daatteb amu, ag amunu oolag aib ottaiom. Iitta. Ag maɗoɗppan gamag ahak doyeg!

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!

1 Pita 3:14

amge na genab tutukku hak kobolib henana, diig amunu guittak aokkut dayeb amu, na aakku itittak ena aon daattem. Laa ag keekenu baɗatteb amu, ⌊ag Jesusnu oolagppa genab dootteb,⌋ ag amunu aib baɗappig; ag oolag aib ottaiom.

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.