Jems 4:8 - Nobonob Baibel

⁸ Ag Kayak gumidna wappeg amu, Nug ele ag gumatta dokku. Danab nug eppeg leppa ihe, dubuttid iitta daatte bia amu, ag hipunin danab ag heppeg, ag ahilag oiyak am dubuttid iitta ele dayaɗ! Ag danab ag dabmak laippu iitta, ag heppeg, ag oolag oppiak dayaɗ!

Jems 4:8 Iomraidhean Croise

Genesis 18:23

Daayya amu, Abraham nug Yawe gukkuitta wana, Nug amegppa aum. “Na genab tutukku hak danab, amu danab nau ele heppe mauhkkulagte?

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

2 Stori 15:2

Nug uɗie, Asaria nug aha ukka, Asa uɗa ta, nug amegppa aum. “Asa na, Juda danab oh, Benyamin danab ele, ag oh dahil nai doyeg! Haen ag Yawe gukkuidna daatteb, Nug ele ag gukkuatta daatte. Ag Nug anidna dim lamidkkulagnu Nug madippeg, Nug heeb, ag Nug anidkkulag, amge ag Nug uuidppeg, Nug ele ag uuadkku.

Job 16:17

Da anam daattem, amge da danab laa guittak nau, hamu ii mettami. Ao, dahil unuqittakppa am hambuppuak laa iitta; am oppiak ele daatte.

Job 17:9

Genab tutukku hak danab ag ib oittebppa daan oiglag; ag ib ii apiɗidmana. Ge, laa ag eheɗ ii hetteb ele, ag ɠagattag daatteb amu, ag tuɗidna, ɠagattagnab daaglag.

Job 9:30

Anam amunu, da sop awen, beɗul amuppa ihakkul dayeb, ge, da sop ɠagattag ele awen, eppel ihakkul dayeb amu,

Sam 119:113

Danab ag na dim lamidkkulagnu dabmak laippu iitta amu, da amu dilagnu nau ninig ele doottem, amge nahip ɗonu da ool mauhtte.

Sam 145:18

Yawe Nug danab ah oh ag Nug onigppa etteb ele, Nug ag guguattak daatte. Ao, Yawe Nug danab ah ag kobol doyak diig genabibppanu betteb, ag amu dim lamidnana, ag Nug onigppa etteb ele amu, Nug ag guguattak daatte.

Sam 18:20

Da kobol genab tutukku ele dim lamittitti, Yawe Nug da ehaniɗe, da padal ii memi. Ao, da eheɗ haknu uuen, ii hei, Nug ehaniɗa, nob ena meɗom daatte.

Sam 24:4

Amuam laa ag oolagppa oppiak ele, agib appa daaglag. Yo, amuam laa ag dottolag eppelagppa hoyadppig dilagnu dup noa binag mak kobol ii hetteb, agib appa daaglag. Ge, amuam laa ag hambuppuak nai laanu ag ahilag nai ɠagattag qena ana, ag nai amunu, “Am nai genab,” ii maditteb ele, agib appa daaglag.

Sam 26:6

O Yawe, da kobol laa dubuttid ele hepanu, da dakka da awaitten oiyeye, da na noomppa dup noin binan mekkulnu da nahip qaɗab gukkuitten gottem.

Sam 51:10

O Kayak, na heppe, da ool unuqag oppiak ele daakkunu oɗ medattem. Ao, na heppe, dahil dabmak tutukku ele dayeye, na dim lamidkkulnuib hekkulnu unuqidttem.

Sam 73:13

⌊Anam amu, dabmak imu dahil dabmakppa beum. “Nau hak danab ag anam henan oitteb amge da,⌋ da hei, da ool am oppiak ele daatte amu, da genab hamu, meu iitta ele anam hemi. Ao, da kobol laa dubuttid ele hepanu, da dakka da awaitten oimi amu, da genab hamu, meu iitta ele anam hemi.

Sam 73:28

Dahilnu amu, da Kayak guguitte daakkulnu am ena! Da Naɗi Yawe Nug dahil padal mak eɗitteb ena daakkulnu ehanittak daakkunu oɗ mettai, Nug anam daatte. Da keeke ena okkai okkai oh Nug hette amu, da laa oh amelagppa akkul.

Aisaia 13:15

Danab ah ag ii oolna goppeg, ban danab ag anadna aɗualadna, banppa yaaladppeg mauhkkulag. Ao, danab ah ag oolna gobeppeg, ban danab ag anadna aɗualadna, qep elabppa aqappeg mauhkkulag.

Aisaia 29:13

Am Naɗi Nug atte. “Danab ah imu ag oɗelagppan nai mattiakppa da gumiɗna uɗitteb. Ao, ag nai mattiak ahilagppa da binal meɗatteb, amge ag oolag da ii meɗatteb. Ag dup nona binal metteb, amge ag danab dilag dabmakppaib, amu ag danab dilag ɗoppaib amu hetteb.

Aisaia 58:2

Deɗ oh Israel danab ag ⌊gaɗalagppaib⌋ da aniɗna dim lamiɗkkulagnu mattiɗtteb, ag dahil nai dooglagnu hetteb bia hetteb, ⌊amge ag keeke amu oh ag oolagppa ele ii hetteb⌋. Ag huu laa kobol tutukku dim lamidtteb, dahil ɗo di-ii-mettan oitteb, ag huu amu, ag kobol amu genab hetteb bia ⌊dimittimnuib⌋ hetteb. Ag anam heegeg, laa anadna, ‘Danab ah umu ag genab Kayaknu ib dim lamidkkulagnu oolag hette,’ atteb, amge iitta! Ag da, Kayak, ag da hettoɗiakppa nai doya mala hettoɗia epeɗia elele mettak kobol dim lamidkkulnu anana, ag da Kayak, ag dahilnu, ‘Nug ig guguikka uɗikkunu oonig hette,’ ele atteb ⌊amge ag amu oh am gaɗalkadppaib hetteb. Oolagppa ele ii hetteb⌋.

Jeremaia 4:11

Amu uug amu beebeb, Yawe Nug Jerusalem danab ah, Juda danab ah ele amelagppa inam akku. “Danab, nuhikkud daup ele uɗitteb amu, ag am ulah gakkaɗaknab atu taɗakppanu dahilad danab ah daattebppa uɗitte bia uɗitteb, amge ulah amuam danab ah ahilag uɗat hekkulagnu ehanadkkunu ii uɗitte.

Jeremaia 4:14

O Jerusalem danab ah, Juda danab ah ele, ag oolag dubuttid ele amunu, ag padal ii memananu, ag ehanittak aoglagnu, ag dubuttid amu oppieg! Ag nau hekkulagnu dabmak aɗan daatteb; amu haen gane laa ele ukkeb, ag dabmak amu uuglag.

Gayak Nai 3:57

Ge, da na oninppa ei, na gumiɗna uɗin, na da amelppa, “Na aib baɗame,” aon ame.

Esekiel 18:31

Ag eheɗ hak heppig amu, ag tuɗidna aib heppig. Ag dabmak bau aona, oolag bau ele aon dayeg! Israel danab ah, ag aɗinu mauhkulag hetteb?

Sekaraia 1:3

amunu, na danab ah imu amelagppa inam appe doyeg! Yawe Nukka Ɠagattag Oh Ele Nug inam atte. Ag eɗun, dahilppa doppeg, da eɗuen, ahilagppa gokkul.

Malakai 3:7

Am ag mamelkad aɗi ag dahil ɗo dimettan, dim ii lamidppig, ag ele anam hetteb. Gemu ag dahilppa eɗun uɗippeg, da ag ahilagppa eɗue wakkul.” Yawe Nukka Ɠagattag Oh Ele Nug anam atte. Nug anam atte, amge ag Nug oɗ medatteb. “Ig attem heta, nahip-ppa eɗut wakkunig?” aon atteb.

Matyu 12:33

Ana amu Nug baula aum. “Ad ena nug meu ena otte, amu ad nau nug meu nau otte. Danab ag nuhig meuppa ad anidna dootteb.

Matyu 15:2

“Aɗinu nahipad ippunittak awak danab ag alai aɗi anukka ɗo meppig niitte amu ag tippaltteb? Ag ee lakkulagnu hena amu, ag eppelag, ɗo atte amubia ag ii ihatteb,” aon appig.

Matyu 27:24

Aeg amu, Pailat nug doyom, nug heeb, ag Jesus ii mauhmanu ii amana. Iitta. Ele amu, nug qak bekkunu daye anttom amunu, nug le awa, danab ah oh amelagppa eppeg ihaaha nug aum. “Danab imu mauhkku amu, mauhak amunu aab am dahil iitta. Ag ahilag hipuninib daakku,” awa aum.

Aposel 15:9

Nug ihinigppa kobol laa haaha, ahilagppa kobol laa ii heum. Iitta. Ag oolagppa genab doyeg, ahilag ooppa genab doyak amuppa Nug he, ag oolag oppiak dayom.

2 Korint 7:1

O da gamalad, Kayak Nug ihinignu nai qakka anak amu aum amunu, ig meunignu, amu ouɗinignu dubuttid ele oh geɗidta, ig Kayaknu ebehinig oh bodoetta le mak dootta, ig meunig ohppa Kayaknu oppiaawak ele daat oitu!

1 Timoti 2:8

Amunu da danab oh ag unuqidkkulagnu amu ag oppiaawak daanna, ag oo nauhak, a ona a doak ele iitta daanna, unuqidkkulagnu ool daatte.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Hibru 7:19

Aɗinu? Ɗo nug he, keeke laa elelenab ii beum, amge Kayak Nug ib laa ooɗom. Ib amu nug ɗo eɗittak, enanag. Amu ib amuppa ig Kayak toppa wakkunignu elele daattem.

Jems 1:8

Iitta. Dabmak nuhig amu laippu iitta. Nug kobol oh hette ele amu, nug ib laippu ii dim lamidtte.

Jems 3:17

Amge Kayaknu doyak dabmak ena ele amu, doyak dabmak ena ele amuam Kristen danab ag inam oiglagnu ippunigtte. Anuqak amu, ag oppiak ele daan oiglag. Amu dim lamittak ag maɗoɗ ikki daan, ag lailkad dilagnu oo bodoettak doon, dagom danab daan, lailkad dilagnu oolag gai-iitta doon oolag mattan ehanadna autnanab aona, ag ena hak kobol ambak hena, ag danab oh dilagppa kobol laippuib dim lamidna, ag aɗi hetteb amu, ag kobol genabppaib hekkulagnu daatteb.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

1 Pita 3:21

Aria, ag gemu daatteb amu, ag am Noa aɗi, ag aɗi keeke ippunigtteb bia daatteb. Ag ele leppa ehanittak aotteb. Amuam layattak, amge layattak am beɗunigppanu dubuttid ihaknu keeke iitta. Iitta. Layattakppa ⌊ag oolag eɗueb,⌋ ahilkad ooppan oiyak ippunittaknu ulum am ag oolagppa eheɗ laa ii daatte ippunatte, ag amuppa Kayak oɗe genab dim lamidkkulagnu Nug amegppa ahilag nai ɠagattag qettan maditteb. Amunu diig am Jesus Kristus, Nug mauhakppanu eɗua hibaittom.

1 Jon 3:3

Am danab ah ag Kristus anidna, Nug daatte bia daaglagnu dabmak aɗan oitteb ele, ag Kristus Nug oppiak daatte, ag amubia oppiak daaglagnu hetteb.

1 Samuel 14:35

Ag anam heeg, Saul nug Yawenu qaɗab qeum. Nug deɗ laa anam ii heum. Iitta! Imuam digmak haen nug amu heum.