Jems 4:2 - Nobonob Baibel

² Ag keeke digdignu oolag hette, amge ag ii aotteb amunu, ag danab duug okkulagnu dabmetteb. Ag keekenu amelag qe aolobnab dabmak eheɗ aotteb, amge ag aoglagnu elele iitta amunu, ag ⌊naippa⌋ ban hena, nug mehqak ele hetteb. Am ag Kayak ii unuqidtteb amunu, ag keeke ii aotteb.

Jems 4:2 Iomraidhean Croise

1 King 21:6

Nug anam a amu, Ahap nug Jesebel amegppa aum. “Aɗinu? Jesril danab Nabot nug da nai ami amu, nug dahil nai amu ii doyom. Da nuhig grep dad daden mekkulnu ool daye amegppa ami. Nug men doɗo aokkunu oo ii dayeb am, da nug grep dad laa medakkulnu ami, amge Nabot nug dad amu da meɗaknu uuom,” awa aum.

Prowerb 1:19

Amuam danab ag keeke kuɗumnu oolag he, kobol eheɗppa aoglagnu hetteb ele, ahilagppa bette; oo hak nau ahilag amu he, ag mauhtteb.

Eklisiastis 4:8

Amuam danab nug tiig laippu laa iitta. Ao, nug nid iitta, awag, amag laa ele iitta. Anam amu, nug am uɗatib hette, nug hamu ii daatte; Nug anam daya haaha, en okkai aotte, amge nug ena ii dootte. Iitta. Nug baubau aokkunu hette. Nug nukka, nug oɗ inam ii medatte. “Da aun nug en imu aokkunu uɗat hettem? Ao, da aunnu uɗatib heinne, gamag ahak nakok aolom, amge da ii aottem?” Nug amu oɗ ii medatte. Kobol amu daatte, amge amu ele am gaɗappa, unuqagppa ele anttak laippu iitta; am kobol guittak ele.

Aisaia 7:12

Aisaia nug anam Ahas amegppa aum, amge Ahas nug aum. “Iitta. Da at laa anidkkulnu ii oɗ medapa. Da Yawe ma anttak ii medapa. Da amu hekkulnu dab-ii-mettem,” awa aum.

Habakuk 2:5

Anam amu, wain am danab amu he, na qette. Ao, beɗuppa tak danab amu nug toetta ii daatte. Mauhak aben am, ‘Elele! Danab mauhppig baula imuppa aib uɗippig,’ attete? Iitta! Ge, mauhak am, ‘Da hei, danab ah elele mauhppig,’ attete? Iitta! Anam amunu, amubia danab amu ⌊am Babilon dilag okkai amu⌋, nug wanppan wan ohnu danab ah nug waappa daaglagnu diiakib diiadtte. Ao, nug atu ohppan danab ah diiatte, nug eppegppa daatteb.

Jon 16:24

Uɗie uɗie, gemu batak ag keeke laanu da onilppa Nug oɗ ii medappig. Ag maɗoɗppan gamag ahak doonna daappeg, oolag mekkunu amu, ag Kayak keeke enanu unuqidppeg, Nug ag madakku.

Jon 4:10

Ah anam a amu, Jesus oɗeppa awa aum. “Na Kayak Nug ɗo medakkunu hette doolom, amu na danab aun Nug nahipnu, ‘Na le aon doppe lai!’ aum ele, na Nug ele doolom amu, na Nug amegppa appe, Nug na le bauklel ele mettalo,” awa aum.

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

Jems 5:6

Danab laa ag beɗulagppa aab iitta, ag ahilagppa eheɗ laa ii heppig, amge ag danab amu hettoɗiakppa maadna heeg, epeɗiak danab nug ag eheɗ heppig a, ag aqaeg mauhppig.

1 Jon 3:15

Am laa nug layagnu nau ninig ele dootte, nug am danab qe mauhak danab, amu ag dootteb, qe mauhak danab laa ooppa bauklel hanhannu ii daatte.