Jems 4:14 - Nobonob Baibel

¹⁴ Ag aɗi keeke butti bekku amu ag ii dootteb. Ahilag bau dayak haen imu attemnab daatte am ag doottebte? Ag am buttuɗai aha, nakoknab dayowa iitta mette bia. Ahilag bau dayak haen anam biaib daatte.

Jems 4:14 Iomraidhean Croise

2 Samuel 19:34

Dawit nug anam aum, amge Barsilai nug eɗua, nob ma aum. “O dahil king, da kaino memi. Da tuɗitte, haen elab wanppa ii daakkul amunu, da na ele Jerusalem teɗa daagnihnu am da ena ii doottem.

Sam 102:3

Aɗinu? Kahug pahanab qatia gotte bia, haen elab iitta, dahil bau dayak qettoɗkku. Da beɗul am gakkaɗaknab, aab ewa qaɗab gakkaɗtte bia daatte.

Sam 144:4

Amu danab nug ulah laippu noobppa aotte amu, ulah awak amuam haen tutuib doawa, eɗua dimittim gotte; am danab ah ig amu, ig amubia daattem. Ig haen tutuib daattem. Ihinig haen dayaknu am keeke itotog laa haen tutu dayowa qettoɗtte, am amubia daatte.

Sam 39:5

Na he, dahil bau dayak haen am tutunab daatte. Nahip neekkakppa, da wanppa bau daattem, bau dayak amunu digma ukka, gogppa tak am keeke ii ba ukkom bia daatte. Ao, danab ah dilag bau dayak haen am tutunab; amuam danab laa nug hik tutuib haen laippuib awom bia daatte.” Sila.

Sam 78:39

Aɗinu? Nug ahilagnu amu, ag am danab ah mauhtteb ele aakkuib dabmeum. Ao, ag am ulah nakok laa doa ukka, eɗua ii uɗitte bia daappig amu, Nug amu dabmeum.

Sam 89:47

Na da, laa oh ele, ig bau dayak ihinig haen elab ii daatte amu, na amunu dabmekkutnu oɗ medattem. Ao, na ig danab ah oh mauhttem amu, na ig dabmegakkutnu unuqidttem!

Prowerb 27:1

Na aib na nakka binan mena, “Da genabnab butti uɗat okkai inamnab iikku hekkul,” ame; amunu diig am, butti aɗi bekku amu, na ii doottem.

Aisaia 2:22

Danab oh ag wanppa haen elab ii daatteb, ag haen tutuib daan mauhtteb, ag danabib daatteb amunu, ag danab laanu, nug ag ehanadkkunu aib oolagppa genab dooppig.

Aisaia 38:12

Danab nug peh lag aɗe na ii daatte, amubia dahil bau dayak am iitta mekkun hette. Danab nug lamen otala hamu agakkunu masinppanu otaɗa aɗe, appa ii daatte amu, dahil bau dayak am anambia iitta mekkun hette.’ Da anam ainne, da, ‘Yawe Nug he, da mauhkkulnu hettem,’ ami.

Jems 1:10

Amge ig Kristen lainig laa nug enub ele amu, nug anukka, “Da am enul okkai ele amunu da am danab okkai ɠagattag ele daattem,” anam dabmak awom, gemu ⌊nug Jesusnu ooppa genab dootte, nuhigppaib ehanittak hanhannu aotte amunu,⌋ dabmak alag, amuam iitta meum, diig amunu nug ele maɗoɗppan gamag ahak dookku am ena. Aɗinu? Bala haɗag paha qaɗaiedatteb, amubia enubnu keeke am anam aakku iitta mekku.

1 Pita 1:24

Kayak naippa nai amunu inam daatte. “Danab oh ag gikkiɗah bia daatteb, binag amahlak oppiaawak ele ahilkad am bala haɗag bia daatte. Gikkiɗah qaɗaiedatte, haɗag oh mauɗna, nena qetteb,

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!

1 Jon 2:17

Wan amu wanppanu keeke, danab ag aoglagnu amelag qette ele amu, keeke amu oh ag iitta mekkulag, amge aun laa nug Kayak oɗe dim lamidtte amu, nug hanhan bau daakku.