Jems 4:10 - Nobonob Baibel

¹⁰ Ag akka ag Naɗi noobppa ag onilag qeppeg neeb oiyeg! Ag anam daanna oiglag amu, Naɗi Nug ag humatta attan maadkku.

Jems 4:10 Iomraidhean Croise

2 Stori 7:14

haen amuppa danab ah dahilad, da onil ahilagppa daatte amu, danab ah amu ag onilag qeppeg neeb, ag unuqiɗnana, ag da aniɗna dim lamiɗna mattiɗkkulag dayeb, ag ahilag nau hak dimettan, ii hekkulag dayeb amu, ahilag hak amu dimppa da hab aabppa dayeye, ahilag unuqittak doyen, da hipunin ahilag uhuqe matten, da heppi, ahilag wan am eɗua ena daakku.

Job 22:29

Aɗinu? Danab laa uugppa tena, uɗa nak dooppeg, na Kayak amegppa, ‘Ehanadppe, ag eɗun, uɗa nak iitta ele daaglagnu oɗ medattem!’ unuqidppe, Nug danab uɗa nak aoppig ele ehanatteb, ag eɗun, enaib daaglag.

Job 5:11

Danab ag onilag iitta amu, Nug he, ag danab okkai daatteb. Ao, laa ag uugppa daatteb amu, Nug ehanatte, ag laa eppelagppa ii daatteb.

Sam 113:7

Nug neekke uɗie, Nug wanppan danab ah daɗek daatteb anatta, Nug ag ehanatte, ag gappudppa, nau ii daatteb. Ao, Nug ehanatte, ag eheɗ, aab uhuɗppa ii daatteb.

Sam 147:6

Yawe Nug danab ah ag akka ag onilag qeeg nette ele ehanadtte, amge Nug nau hak danab diia he, gappudppa notteb.

Sam 27:6

Amunu da kekeɗ ag da taliliɗppig daatteb, da ag eɗatten, ool gamag huana ahebeb, mettid haknu peh lagppa mana mettak hekkul. Da ahi edette, musik heinne, Yawe binag humakkul.

Sam 28:9

O Yawe, da na nahipadnab danab ah ehanadppe, ag ii padal memananu, na Israel danab ah, na tituanatte, ag nahipadnab daatteb amu, na ag ele itadkkutnu oɗ medattem! Ao, na sipsip gumak danab laa nug hanhan sipsip dabmadatta, eppegppa aɗualatta ehanatta oitte bia nahipad danab ah dilagppa anam hekkutnu unuqidttem.

Sam 30:1

O Yawe, na da ehaniɗe, da qagaiettakppa ii daattem amunu, da na humidkkul. Ao, na dahil kekeɗ uuatte da ii eɗilppig.

Eksodas 10:3

Yawe Nug anam a, Moses, Aron ele aa Paro gumidya goya, aa nug amegppa inam apiɗ. “Yawe, Nug ig Hibru, ihinig Kayak, Nug atte. ‘Na nai dahil tappae neene, da waalppa ele ii daanna, anam henan daattem; amu na haen gane laa ele ukkeb, na kobol amu uukkut? Da attem! Na danab ah dahilad amu paɗadppe, ag gona, da noolppa dup nona binal meig!’ ” awa aum.

Prowerb 29:23

Danab nug dada hette, nuhig hak amu he, nug na qette; amge danab nug oo bodoettakppa daatte amu, nug binag aotte.

Esekiel 21:26

Amu Naɗi Yawe Nug atte. “Keeke oh gemu daatte am anamib ii daama amunu, na nahip igippan lamen, king haɗ ele awe! Danab ag gemu onilag iitta, ag danab okkai daaglag, am danab ag gemu onilag ele daatteb amu, ag danab onilag iitta daaglag.

Matyu 23:12

Am danab aun nug onig humatte amu Kayak Nug heeb, danab amu nug onig nekku. Ge danab aun nug onig qe nette amu, Nug danab amu onig am humakku.

Luk 1:52

Nug king ebehilag ele tabatte noeg, danab onilag iitta amu humattom.

Luk 14:11

Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

Luk 18:14

Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

1 Pita 5:6

Amunu Kayak Nug geha nuhig deɗppa ag humadkkunu, ag akka ag onilag qeppeg neeb, ag Kayak eppeg ɠagattag waappa dayeg!

1 Samuel 2:7

Yawe Nug he, danab laa ag keeke iitta ele daatteb; Nug he, danab laa ag keeke kuɗum ele daatteb. Ao, Nug he, danab laa ag onilag iitta ele daatteb; Nug he, danab laa ag onilag ele daatteb.

1 Samuel 2:9

Yawe Nug nuhikkud danab ah ag nuhignu oo metta ii uuak kobol dim lamidtteb ele am atognoadtte. Ao, Nug he, nau hak danab ag gatatu ooppa daanna mauhtteb. Aɗinu? Danab ag akka, ag ahilag ɠagattagppa ena ii daatteb.