Jems 3:9 - Nobonob Baibel

⁹ Ig oɗenigppa amu ihinig Naɗi, ig Mamenig, Nug binag meta, amu ig danab Kayak Nug Nug bia hattom amu, ig oɗenigppa amu, ig danab laa eheɗ laa awaknu anak waappa daaglagnu madittem.

Jems 3:9 Iomraidhean Croise

Genesis 5:1

Adam buɗubppan danab onilag bukppa yaappig am inam. Tatam Kayak Nug Adam heum amu, Nug Nug bia heum.

Genesis 9:6

Da danab da bia hemi amunu, aun laa nug danab heeb mauhkku, nug ele danab laa eppegppa mauhkku.

2 Samuel 16:5

Siba, Dawit ele aa anam mattieh ukke, King Dawit nug ukka ukka, Bahurim guguitta ukke, danab laa, nug Saul ele aab ikki laippu, nug aab amu nakok uua ukka, Dawit eheɗ laa awaknu anak waappa daakkunu nai mattiom. Nug am Gera bekka Simei.

2 Samuel 19:21

Nug anam a, Seruia bekka Abisai nug aum. “Yawe Nug Dawit king daakkunu goɗen gokkaɗakppa tituanom, amge Simei nug King Dawit eheɗ laa awaknu anak waappa daakkunu aum. Amu diig amunu nug mauhaɗ!” awa aum.

1 Stori 29:10

Amu Dawit nug amu antta, nug danab qagmeppig noolagppa Yawe binag metta inam aum. “O Yawe, ig na binan humattem. Na ig memetanig Israelnu Kayak, na hanhan alet daattem.

1 Stori 29:20

Dawit nug anam unuqitta, nug eɗua danab qagmeppig ele amelagppa aum. “Ag Yawe, ahilag Kayak, ag Nug binag meig!” awa aum. Nug anam a, danab oh ag Yawe, ag mamelkad aɗi dilag Kayak, ag Nug binag meppig. Ag amu hewona, ag Nug noobppa, Dawit noobppa ele gatelag qaun ona, gomelna autna aona, ag iɗulag wanppa mena daappig.

Sam 10:7

Nau hak danab ag laa dilagnu eheɗ laa awaknu anak waappa dayaknu nai anana, ag laa hambuppualadna, amu laa ag nau hak danab atteb bia ii heppeg amu, geha ag guittak mattaglagnu atteb. Ao, ahilag mattiakppa ag heeg, danab ah laa uug aoegeg, kobol nau ele betteb.

Sam 108:1

O Kayak, da ool ⌊na binan mekkulnu⌋ ɠagattag daatte. Ge, da ool anam haknu ɠagattag daatte; Da ahi laala, ag na binan metteb ele da meul ohppa edakkul.

Sam 145:1

O Yawe, na am dahil Kayak, na king. Da geha na binan okkai, attannab humakkul. Yo, da geha hanhan na onin attan humakkul.

Sam 145:21

Da geha Yawe binag medakkul. Keeke oh bauklel daatteb, ag ele Yawe hanhan binag metteg! Yawe Nug oppiaawak daatte.

Sam 16:9

Diig amunu da ool gamag ahehe, da oo gamag ahak ahi edattem. Ao, da dimppa ena daakkulnu doottem.

Sam 30:12

Na da humittak ahi nahipnu edette, bakkum ii daapanu oot heum amunu, na anam heme. O Yawe, dahil Kayak, da geha na amenppa, “Ena heme,” hanhan akkul!

Sam 34:1

Da Yawe haen oh binag mekkul. Ao, da hanhan Nug binag mekkul.

Sam 35:28

Na anam hekkut dayeb amu, da geha nahip genab tutukku hak kobolnu danab ah oh amelagppa ainne, deɗ oh amun tuqan ele am naib binan mekkul.

Sam 51:14

O Kayak, da padal mepanu ehanittak am naib. Da am eheɗ nau hemi amunu, na heppe, da mauhkkulnu elele, amge O Kayak na heppe, da ii mauhpa, da bau daakkulnu unuqidttem. Na anam hekkut amu, da gamag ahak okkai doyen, da nahip genab tutukku hak kobolnu ahi edakkul.

Sam 57:8

Da dakka dahilnu attem. “Na ahe!” Ao, harp, laia ele ⌊aa danab daaloplob, da ahilahnu; “Aa musik hekkulahnu⌋ aa ahai hibaitteɗ!” awe alom. Da buttuanab ahen, aam ii bak haenppa musik haknu keeke ahi laala hadappi ukkeb, aam bekku.

Sam 59:12

Dahil kekeɗ ag dada hena, ag nai nau atteb. Yo, ag oɗelagppa ag laa ag eheɗ laa awaknu anak waappa daaglagnu ana, ag hambubutteb. Anam amunu, nai nau ag atteb, amu dada hak kobol ahilag ele, keeke aɗit amuam ahilag pelem bia dayebeb, na heppe, ag amuppa nena qekkulagnu oɗ medattem.

Sam 62:4

Da am king amunu, ag heppeg, da nein qein, king ii daapanu hetteb. Ag nai hambuppuak mattiglagnu enanagnab dootteb. Ag da iɗul anidna amu, ag nai ena meɗatteb, amge ag mattiak henana, ag da eheɗ laa awaknu anak waappa daakkulnu ag oolag unuqagppa atteb. Sila.

Sam 63:4

Da bau daattem haen imuppa, na amenppa, “Ena heme,” awe akkul. Da eppel hume, na unuqidkkul.

Sam 71:24

Laa oh ag da guittak meɗaglag heppig amu, ag uɗa nak, ge uɗa nak nau guittak ele aoppig amunu, O Kayak, da deɗ oh amun tuqan ele nahip genab tutukku hak kobolnu akkul.

Eklisiastis 7:22

Aɗinu? Na oot unuqagppa na doottem; na deɗ laala haen kuɗum danab laa ag eheɗ laa awaknu anak waappa daaglagnu ame.

Aisaia 29:13

Am Naɗi Nug atte. “Danab ah imu ag oɗelagppan nai mattiakppa da gumiɗna uɗitteb. Ao, ag nai mattiak ahilagppa da binal meɗatteb, amge ag oolag da ii meɗatteb. Ag dup nona binal metteb, amge ag danab dilag dabmakppaib, amu ag danab dilag ɗoppaib amu hetteb.

Matyu 26:74

Ag anam aeg, Pita nug nai ɠagattag qeta inam aum. “Da nai genab ii appi amu Kayak Nug da nob nau meɗaɗ! Da genab iikku attem, da danab umu ii doottem!” Nug anam a amu, matuk paha gayom.

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

Aposel 2:26

Diig amunu da ool gamag ahehe, da oo gamag ahak ahi edattem. Ao, da dimppa eɗuen hippaidkkulnu dabmak aɗe oikkul.

Rom 3:14

“Haen oh ag laa dilagnu eheɗ laa awaknu anak waappa dayaknu nai anana, ag nai nautud danab uug madakkunu amu maditteb.”

1 Korint 11:7

Aria, danab nug ikki aib hautom. Aɗinu? Kayak Nug danab Nug bia heum daatte, amu lettod amahlak awa he, amimia gotte, amubia danab nug Kayak binag amahlak oppiaawak awa he, laa anidtteb. Aria, lettod amahlak awa he, amia gotte amu, ah nug gamu binag amahalak oppiaawak ele awa, anam hette amunu, ah ag ikkilag hauteg!

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Jems 1:27

Danab nug Kayak, ig Mamenig, Nug binag tutukku mekkunu amu, Kayak Nug kobol imunu elele anidtte. Danab amu nug nid naunau laa ag mamelkad anilkad mauhppig, o iitta danab nug mauhe, wau qab ma daatte ele amu, nug amu ehanatta, uug ahilag maokku. Keeke laa ele, nug nuhig oiyak, dayak elenu dabmak awa, nug wanppan kobol, nug oo dubuttid mettamanu, amu ele nug dabma auta aokku.

Jems 3:10

Kayak binag mak nai, amu nai nau ele aa oh ig oɗenig laippuppa bettep. O lailad, ig kobol anam laa ii helom am ena.

1 Pita 1:3

Ig Kayak, Nug am ihinig Naɗi Jesus Kristus Mameg amu, ig Nug binag metu! Aɗinu? Nug ihinignu oo gai-iitta doya oo mekka ehanikkom. Jesus Kristus mauha, eɗua hibaittom, amuppa ig bau menuak mekkom. Nug ig amu mekkom amunu, ig Kayak noobppa bauklel ele daagnignu genab dootta, amunu dabmak aɗat oittem.

Ikki Danab 9:27

Amu Sekem appa ag maɗ maɗppa ee meu awaknu hobul hedappig, amu gemu haen imuppa, danab ah ag oh grep meu dattanu aon, wain hena, ag kayak appanu laugppa qagmak gamag ahak ele hena, ag ee, le ele lanan daanna, ag digmena, Abimelek nug eheɗ laa awaknu anak waappa daakkunu appig.