Jems 3:6 - Nobonob Baibel

⁶ Amu ig lemaɗunig nug am aab aɗu bia. Nug beɗunig laih laala oh gamagppa Satan eppeg bia daatte. Danab lemaɗu nug danab beɗu oh dubuttid medatte, amu nug danab beɗuppa kobol aab gakkaɗak bia hette amunu, oiyak oh nuhig am ena ii bette. Danab lemaɗu, ⌊nug anam hette ele amu,⌋ nuhig diig am Satan.

Jems 3:6 Iomraidhean Croise

2 Samuel 16:20

Husai nug anam a, Apsalom nug eɗua, Ahitopel oɗ mettom. “Nahip dabmakppa, ig attem hekkunig? Ig gemu aɗi ib dim lamidkkunig?” awa oɗ mettom.

2 Samuel 19:43

Ag anam aeg, Israel danab ag nob mena appig. “Ig Israel, ig am huu okkai eblaih laih ele, ag Juda, ag am laippuib amunu, nug ihinig king daakkunu am diig okkai ele, ahilag eɗittak. Anam daatte amunu, aɗinu ag ihinignu keeke hamunab dootteb. Ig tatam ig omalpput, Dawit uɗikkunu iite mattimut?” aon appig. Ag anam appig, amge Juda danab ag nai ɠagattagnab, Israel dilag nai eɗittak, Israel danab amelagppa madippig.

2 Stori 13:17

Abaiya nuhikkud daup ele ag Israel dilag daup huanaknab aqappig. Ag Israel dilag daup 500,000 aqaeg mauhppig. Daup mauhppig ele amu, ag am ban haknu elelenab daappig.

Sam 140:3

Nai ag atteb am mat nau danab emalatte guadtte bia, nai amuam he, danab ah ag guittak dootteb. Ao, ag mat nau, danab emalatteg mauhtteb ele, amubia ag oɗelagppa nai maditteb. Sila.

Sam 64:3

Ag lemaɗulag am qep elab biappa nai maditteb. Ao, ag nai mattin, aɗi atteb amu, nai amuam lat aeg hawaɗ kekeɗ dilagppa etteb bia maditteb.

Prowerb 15:1

Laa nug laanu oppoɗi bak doyaya, nai ɠagattag amegppa ab, layag nug eɗua awa, nai bodoettak metteb amu, oppoɗi bak amuam iitta mekku; amge layag nug nai ɠagattag eɗua nob ma mattieb amu, laa nug oo huana nauhkku.

Prowerb 16:27

Am danab naunab nug eheɗ hekkunu maittak awawa oitte; nuhig nai amu aab aɗu huana ewawa, keeke he nauhtte, amubia bette.

Prowerb 6:19

hettoɗiakppa aɗi heehe anttomnu mattiak danab dayaya, nai hambuppua, ii daye daye mattiak kobol, amu laa nug he, awag amag ag nug qetteb, kobol amu ele.

Prowerb 7:5

Doyak dabmak ena ele, amu diignu doyak tutukku ele aa hepeɗ, na ah ewau pakkua gappai hette ele ii oimya; na ah nug gamu uuitta, eheɗ oiyaya, nug na ele niiglahnu nai ittag ele maditte amu, na nug ele ii oimya.

Aisaia 30:27

Yawe Nug umanunab uɗitte. Nug oo nauhak huanak aab ewewe, aab kah tette, amubia dootte. Yawe Nug nai uug naunab, oppoɗi bak ele maditte. Ao, Nug lemaɗu am aab aɗu, keeke oh ewadtte, amubia daatte.

Aisaia 50:11

Amge ag laa ag akka ag aab ilatteb, ag amahlak amuppa ahan oiyeg! Ao, ag laa ag akka ag hul amot-tteb ele amu, ag amunu amahlakppa oiyeg! Amge ag amu hebeppeg, ⌊Yawenu nai imu ahilagnu am anamib bekku. Nug atte.⌋ “Ag da eppelppa inam aoglag. Ag uug naunab, danab oɗe naɗinab awa, qaɗaqaɗppa niitte, ag uug amubia aoglag,” awa atte.

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Jeremaia 28:16

Na amu heme amunu, Yawe Nug inam atte. ‘Da heppi, na wanppa bau ii daamna. Na danab ah imu ag da, Yawe, ag dahil nai tabappeg nekkunu nai mehuqna ippunadme amunu, maɗ imu ooppaib na mauhkkut,’ awa atte.” Jeremaia nug Hanania amegppa anam aum.

Lewitikas 24:11

Nug qak ooppa, Israel ah, gamu Isip ted, nug bekka, nug Israel ted baeg qa, nug Yawe eheɗ laa awaknu anak waappa daakkunu aum. Yawenu nai aum, amuppa nug Yawenu dabittak nai mattiom. Nug anam heum amunu, ag danab amu Moses toppa ⌊hettoɗiak hekkunu⌋ aon goppig. Nug anig am onig Selomit. Nug am Dibri aɗeg, Israel dilag huu okkai laa Dan, amuppanu.

Namba 25:2

Moap ah ag Israel danab ele niiona amu, ag danab amu gona, ag kayak hambuppuak ahilkadnu mana mettak hekkulagppa oh daaglagnu appig. Moap ah ag anam aeg, Israel danab ah kuɗum ag ele oh gona, ag appa ee lanana, kayak hambuppuak amu noolagppa dup nona binalag meppig.

Namba 31:16

Ah amu ag aakku, ag Balamnu ulum nai dim lamidna, ag Peor appa ⌊Israel kobol nau hekkulagnu oolag eeɗna⌋ heeg, Israel danab ah Yawenu oo metta ii uuak kobol ii dim lamidna, hipunin heppig. Ag anam heppig amu, ag amu iite dootteb? Ah amu ag anam heeg amu, oɗe nau danab kuɗum aqe mauhtteb ele, oɗe amu Yawenu danab ah dilagppa beum.

Matyu 12:24

Amge haen ɗo gumak danab-Parasia ag amu doon, ag inam appig. “Umu Nug ouɗi nau ikkilag Belsebub, Nug nuhig ɠagattagppa aakkuib ouɗi nau lamadtte,” aon appig.

Matyu 5:22

Amge da ag amelagppa attem. Danab laa nug layagnu oo nauhkku dayeb, nug hettoɗiakppa daakku. Danab laa nug layag amegppa, ‘Na am genabnab danab kaaka,’ akku amu, nug hettoɗiak okkai onig Sanhidren, appa daakku. Amge laa nug layag amegppa, ‘Na am genabnab genab danab nau,’ akku amu, nug mua laa oh eɗattak, padal mak abenppa gokkunu hette.

Mak 7:15

Keeke dimittimnu danab ooppa notte ele, keeke amu danab oo dubuttid ii medatte. Iitta! Keeke nau danabnu dabmakppa lokkumak dayaya, nai oɗeppanu dimittim bette, amuam he, danab oo am dubuttid ele daatte.

Luk 16:24

Anata amu enub danab nug ewa aum. ‘Mame Abraham, na dahilnu oot gai-iitta doon oot meɗan ehaniɗna heppe, Lasarus nug uɗia, nug eppeg hiqal nob nakok leppa ma, lemaɗulppa meeb, oug nakok maɗ! Aɗinu? Da aab gakkaɗak imuppa guittak naunab doottemde,’ awa aum.

Aposel 20:30

Am ag akka ahilkad danab laala ag ahan, ag doyak diig genabib baolinna, ag Kristen eeɗadppeg, ahan dim lamadkkulagnu hekkulag.

Aposel 5:3

Nug anam a amu Pita nug aum. “Ananias, aɗinu Satan na ootppa ambe, na Kayak Ouɗi amegppa hambuppuak nai mattinna, ‘Da wan mei, laa nug daden me, men doɗo aomi amu oh iikku,’ ame, amge na laih nahip daakkunu piɗe mee dayeye, laihib aon uɗime?

Aposel 6:13

ag qagmak amuppa heeg, aɗi heehe anttomnu mattiak danab hambuppuak laala ag ahan, Stivennu nai hambuppuak inam aon appig. “Danab imu nug hanhan Kayaknu lag imu, ɗo nai elenu nai eheɗ maditte.

Duteronomi 13:6

Na awante, amapte, bekkatte, aɗente, waatte, o na layapnabte, nug lokkumakppa na gumitta uɗia, na amenppa, “Doppe goɗa, kayak laa noolagppa dup noɗa binalag meɗu,” awa akkutai. Amuam kayak ag, amu ag mamelkad aɗi ele ii doyadppig.

Taitus 1:11

Danab amu ag hambuppuna, men doɗo aoglagnu ippunittak nau heegeg, laa ag ahilag nai dootteb ele amu, ag amunu ena anana, nob laa, men doɗo, madatteb. Danab ag ippunittak nau amu hetteb amu ag amu henana, ag laa nai ahilag dootteb ele kobol ig hekkunignu elele iitta ele amu ippunadna, kobol amuppa ag danab laala, ag waalkad bekkalkad ele oh amu ahilag dabmak kabolitteb amunu, na appe, danab amu ag oɗelag qamuteg!

Jems 2:7

Am Kayak Nug Kristus onig ag mattom amu, danab amu ag aakku onig amu dappidna maditteb.

Jems 3:7

Danab ag doɗ digdig, ai iɗu iɗu, mat keeke iɗu iɗu, aria doɗ oh yuppa daatteb ele, ag amu oh diin heppeg, manan mekkulagnu elele. Ag matu heppig, gemu haen imu ele hetteb.

2 Pita 3:3

Amu ag tatam inam dooglagnu, daulagppa dokkunu ele amelagppa attem. Gog tak haenppa eheɗ hak danab laa ag bekkulag. Amu ag beɗu kobol eheɗ ahilag dim lamidna, kobol ena genab amu aon aon qettana imidkkulag.

3 Jon 1:10

Amunu da ukke, appa tekkul dayeb amu, da nuhig hak miag appi dooglag. Nug ihinignu dimug nai nau maditte, ge nug nai amuib ii maditte. Iitta. Nug ig lainkad ele laippu dayaknu ooppa eleleib ii dootte, am danab ag ehanadkkulagnu hetteb amu, nug aib awa atte. Nug anam haaha, laa ag ig lainkad ehanadkkulagnu oolag daatte amu, nug ag Kristen tamaniakppanu ele lamadtte.

Revelesen 12:9

Amunu ⌊Maikel, nuhikkud engel ele⌋ ag nug maoeg wanppa noum. Mat naɗinab amu nug anukkanu, nug onig laa am Satan, onig laa am Dewel. Nug wanppanu danab ah oh hambuppualadtte ele. Ag nug maoeg wanppa noum, nuhikkud daup oh ele buɗiatteg wanppa noppig.

Revelesen 13:14

Kayak nug doɗ dakkuɗ geha ahom ele amu, Nug nuhig ib oo ii neum amunu, nug uɗat digdig amu, amuppa doɗ dakkuɗ tatamnu amu ehanitta heum. Amu kobol amuppa wanppanu danab ah hambuppualattom. Nug danab amelagppa inam aum. “Ag doɗ dakkuɗ anukka qep elabppa yaak awom, amge ii mauhom, nug bau dayom, ag nug dottog hoina, binag meig!” awa aum.

Revelesen 18:23

Lamnu amahlak ag baula nahip-ppa ii amahalmana, danab ah aokkunu, ah nug danab aokkunu ele, aa baalah oqotti ele nahip-ppa baula ii daama,” awa aum. Awowa amu, nug nai tuɗitta aum. “Anukka nahipad keeke laihnu awa dadennu mak danab ag wanppanu danab okkai daappig, amu na onig awak kobol nahip-ppa na atu atu danab amelag aonna, ham-ele-buppualadme.” Engel ebehi ele nug anam aum.

Revelesen 19:20

Anam amge, laa ⌊hos hakkab attan dayom⌋ nug doɗ dakkuɗ aɗa, propet hambuppuak ele aɗom. Propet amu nug doɗ dakkuɗ ehanidkkunu epponak keeke kuɗum danab haknu elele iitta heum. Kobol amuppa nug danab oh, ag doɗ dakkuɗnu epponak keeke aoppig, ag ele doɗ dakkuɗ dottog noobppa dup nona binag meppig amu, nug ag hambuppualattom. Amunu doɗ dakkuɗ nug propet hambuppuak ele aa bau daaeheh, laa ⌊hos hakkab attan dayom ele,⌋ nug aa aɗalata, aab ameg kalu laa huana eotte onig salpa eotteppa buɗiate nopiɗ.