Jems 3:18 - Nobonob Baibel

¹⁸ Danab ag maɗoɗ ikki daatteb amu, ag am danab ee eppowa meu aotte, amubia meu laa, amuam genab tutukku hak kobol, meu amu aotteb.

Jems 3:18 Iomraidhean Croise

Sam 92:14

Am ad, ag aben laa enappa eppaeg ba dayaya, meu otte, amubia genab tutukku hak danab ag ena daaglag. Ao, ad nug ba, hokkua mette, me enaib dayaya, meu wawaib daatte, amubia genab tutukku hak danab ah ag ena hekkulag.

Prowerb 11:18

Nau hak danab nug keeke aotte me, nug keeke diig genab ele ii aotte; amge danab nug genab tutukku hak kobol hette amu, nug meu ena genab aotte.

Prowerb 11:28

Aun laa nug enubnu ooppa genab dootte, nug ad uɗug qaɗaiettak bia na qekku; amge genab tutukku hak danab, ag am ad uɗug bau daatteb bia bau daaglag.

Prowerb 11:30

Danab ag genab tutukku hak kobol dim lamidtteb amu, amuppa ag heeg, danab laa ag bau daatteb; amu danab doyak dabmak ena ele, nug kobol attem attem, laa ag aon bau oiglagnu ippunadtte.

Hosea 10:12

Ag Israel, ag genab tutukku hak kobol ag oolagppa ebappeg, Yawenu oo mauhaknab ag tonadkku. Ag oolag ɠagattag eppak daamanu, ag heppeg, ag oolag gai-iitta dayaɗ! Aɗinu? Gemu am ag Yawe anidna, Nug dim lamidkkulagnu mattiglagnu haen aakku daatte. Ag amu hekkulagnu diig am, ag amu heppeg, Nug gu digittig bia he ne, dattan keeke ena bette, amubia Nug heeb, ag genab tutukku hak danab ah bena daaglag.

Amos 6:12

Hos ag qauko igippa menppa qaiettan ii oitteb. Ao, appa danab ag dad hekkulagnu makau okkai ebehi eleppa wan ii buutteb amunu, aɗinu ag Israel danab ⌊laa,⌋ nai doya mala hettoɗia epeɗia elele mettak kobol aon kabolin heeg, uud tiig mua nau ele bette. Ao, ag Israel danab ⌊laa⌋, aɗinu ag heeg, genab tutukku hak kobol am uud ad tiig mua ele, danab lawowa, ena iinab dootte, am amubia daatte?

Matyu 5:9

Danab aun aɗi ag maɗoɗ ikki daatteb ele amu, ag itittak ena aoppig daatteb. Aɗinu? Kayak Nug ahilagnu, ‘Ag am da bekkalad,’ awa akku.

Jon 4:36

Am laa nug meu aotte amu, nug nuhig uɗat nob awawa, nug danab laala bauklel hanhannu aoglagnu ehanadtte. Ehanadtte amunu, ee eppak danab, amu meu awak danab ele aa oh oolah gamag ahakku.

Galesia 6:8

Amubia danab laa nug beɗunu kobol haaha oitte amu, nug beɗu kobolnu meu nau, padal mak aokku. Amge danab nug Kayak Ouɗinu ehanittak awa aɗa, amuppa oiyaya, Ouɗi kobol amu dim lamitta oitte, Ouɗi Nug danab amu bauklel hanhannu metteb daakku.

Pilipai 1:11

Oo mauhak kobol ahilag am okkai dayebeb, haen ag wan imuppa oitteb ele, genab tutukku hak kobolppan meu, Jesus Kristus he betteb ele amu, meu amu oh ahilagppa naɗi daaglag. Amuppa ag Kayak Nug binag amahlak oppiaawak ele okkai medappeg, Nug binag naɗi ele daakku.

Hibru 12:11

Danab nug ena bekkunu tolitta, bu qak aotte ele amu, haen nug aotte danab amu nug maɗoɗppan gamag ahak ii dootte. Iitta. Nug ooppa guittak dootte, amge Kayak Nug danab amu nug ena bekkunu uɗat amu ha male, danab aun nug tolitta bu qak amu pehettak aotte ele amu, nug genab tutukku hak kobol dim lamitta oiyaya maɗoɗ ele daatte.

Jems 1:20

Aɗinu? Danabnu oo nauhak am genab tutukku hak kobol, Kayak Nug ig amu dim lamidkkunignu oo hette amu, am kobol amu he ii bette.