Jems 3:13 - Nobonob Baibel

¹³ Danab laa nug ag oolagppanu nug doyak dabmak ena ele, amu diignu doyak tutukku ele daattete? Anam dayeb amu, danab laa ag amu anidkkulagnu, nug nuhig oiyak enanag baɗ! Yo, laa ag amu anidkkulagnu amu, nug ele nukka nukka binag mak kobol iittappa, kobol doyak dabmak enappanu bette amu, nug kobol amuppa danab ehanattaɗ!

Jems 3:13 Iomraidhean Croise

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Sam 107:43

Amu danab doyak dabmak ena ele ag keeke amu oh Yawe hettenu dabmetteb. Ao, ag Yawenu oo mauhaknab kobolnu ele dabmettaglag!

Sam 122:8

Da baeladppa, da lailad ele Jerusalem ippa ina daatteb amu, da ahilagnu dabmak anuqak awen, da, “Jerusalem ippa maɗoɗ daakkunu ool daatte,” attem.

Sam 149:4

Ag amu hekkulagnu diig am Yawe Nug nuhikkud danab ah dilagnu enanagnab dootte. Ao, Nug danab ah ag akka ag onilag qeeg nette amu, Nug ag padal memananu ehanadtte.

Sam 25:9

Nug danab ag akka ag onilag qeeg ne oitteb ele, am ib tutukku ippunadtte. Ao, Nug danab ah amu, nuhig kobol ena tutukkunab ele ippunadtte.

Sam 45:4

Na king, na dagom onig ɠagattag ele amunu, doyak diig genabib, onig qe nak kobol, amu genab tutukku hak kobol ele, keeke amu oh ɠagattag daaglagnu na ahan gona, ban hena, na amunu kekeɗ eɗadkkutnu ool daatte! Ao, na gona, nahip ɠagattagppa ban kobol naɗinab, danab nug nahip hak amu amegppa antta, o daugppa doya, nug ebehi oh bodoetta le mekku amu, na hak amu hekkutnu oɗ medattem.

Eklisiastis 8:1

Aun nug danab doyak dabmak ena ele bia daatte? Ge, aun nug keeke ohnu diig ab doognignu elele? Danab nug doyak dabmak ena ele, nug iɗuppa amahlak bia daatte. Ao, doyak dabmak ena ele he, danab iɗu am danab ɠagattag neegtte bia ii daatte.

Eklisiastis 8:5

Aun nug kingnu haknunab anak dim lamidtte amu, nug guittak laa ii aoma; amu danab nug doyak dabmak ena ele, nug aɗi keeke hekkunu, nug amu haknu haen, amu haknu ippu ena ele dootte.

Aisaia 29:19

Haen amu uɗieb amu, danab ag akka ag onilag qeeg nette ele, ag Yawe, nuhig ehanittaknu oolag gamag ahakku. Ao, danab ag keeke iitta ele, ag Yawe, Nug Israel dilag Kayak Oppiaawak Ele, ag nuhig ehanittaknu oolag gamag ahakku.

Aisaia 60:6

Wan laappan danab ag en mawadna uɗiglagnu ag kamel bau kuɗumnab qaɗelagppa maadna uɗippeg, ahilag kamel am ag Juda, ahilag wan tonaglag. Danab amu ag Midian wanppanu, Epa wanppanu ele uɗiglag. Seba danab ag gol, prankinsens ele aon uɗinna, ag Yawe binag mekkulag.

Aisaia 61:1

Yawenu maɗi nid nug inam atte. “Yawe Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi Yawe Nug nuhig Ouɗi dahilppa daatte. Nug da laa ag oolagppa uug okkai ele dootteb ehanadppi, ag oolag uug iitta ele dooglagnu, Laa, ag laa aɗalatteg, ag eppelagppa daatteb amu, da appi, ag uhuqak aoglagnu, Da appi, laa ag maniguittak nau gatatu eleppa daatteb, ag uhuqak aoglagnu, Nug danab ah, ahilagnu ii helo bia me, Nug ag ehanatta, oo mak haen madakku amu, Nug da ag amelagppa amunu akkulnu, Nug danab ah eheɗ hetteb ele, ahilagnu eheɗ haknu nob tutukku madakku haennu akkulnu, Nug danab ah ag oolagppa uug dootteb amu heeb, ag oolag mekkunu madikkulnu, Nug da laa ag Sion appa oolagppa uug doon gaatteb amu, da ag ehanadkkulnu, Nug da heppi, laa ag uug anam doon, ikkilkadppa uhuɗ metteb amu, ag eɗun, ena daan, uhuɗ amu ihappeg ukkeb, igippan haɗ neekkak enanag ele ag anen anen ag ikkilkadppa daaglagnu, da heppi, laa ag oolagppa mahiak dootteb ele amu, ag eɗun, enaib daan, danab nug king daakkunu laa nug igippa goɗen gokkaɗe, gamag ahak dootte, amubia danab ah imu ag gamag ahak dooglagnu, da heppi, laa ag oolagppa uug dootteb, ag ouɗilag na qekkunu hette bia doon, lamen ena ii tagatteb, ag oolagppa oo gamag ahak doona, ag Kayak binag mena, ag lamen ena takkaglagnu meiɗe uɗimi. Ehanittak dahil amuppa ag ad ok Yawe Nug eppom bia bena, genab tutukku hak danab ah daaglag. Ag anam bia daappeg, danab ah laa ag, ag anadna, ag Yawenu binag amahlak oppiaawak ele anidna, ag Nug humidkkulag.

Jeremaia 9:12

⌊Amu qinob laa nug oɗmak inam hekku.⌋ “Yawe Nug he, wan imu nauhakib daatte. Nug he, wan imuam nauhaknab, atu taɗak nau, danab appa oikkunu elele iitta daatte. Nug anam heum, amge diig aɗinu Nug anam heum? Danab laa nug amunu diig dookkunu doyak dabmak ena ele elele aɗattete? Yawe Nug laa ippunittom, amu nug amunu diig doya, ab doot, oonig maidkkunu elete?” ⌊Nug oɗmak anam hekku.⌋

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Daniel 2:21

Kayak Nug wanppa aɗi keeke bekkulag, aria haen adekkuppa bekkulag ele gumatte. Nug he, danab laa king abenabppa tette. Nug he, danab amu king abenabppa ii daatte. Nug he, danab doyak dabmak ena ele nug doyak dabmak ena amu tuɗid ele aotte. Nug he, danab diignu doyak tutukku ele, nug diignu doyak tutukku tuɗid ele daatte.

Sepanaia 2:3

Ag Juda danab ah laa ag akka ag onilag qeeg ne, ag Yawenu haknunab anak dim lamidtteb ele amu, ag Yawe ehanadkkunu ii daye daye Nug oɗ metteg! Ag genab tutukku hak kobolnu ippu, laa nukka onig qeeb nak kobolnu ippu ele anidkkulagnu mattieg! Ag amu hekkulag dayeb amu, deɗ Yawe Nug danab ah bu madakku, deɗ amuppa Nug ag guppiɗ qalakppa maatteb, ena daaglagtai.

Namba 12:3

Aa anam apiɗ, amge Moses nug nukka nug onig qe nettom. Nug, nukka onig nakok laa ii humattom. Danab ah laala ag onilag qeeg neum, amge Moses nug onig qe na auta autanab awom.

Matyu 11:29

Ag gugappan tuqai dahil aon gukkalagppa mewona, ag dahilppa dabmak aweg! Aɗinu? Da am wagai mak danab iitta, amu da am oo doyak ele. Ag anam henana, ag oolagppa uug iitta oiglag.

Matyu 21:5

Nai amuam inam. “Ag danab ah Sion daatteb amelagppa appeg doyeg! ‘Antteg! King ahilag Nug ahilagppa aakku uɗitte. Nug nukka nug onig qe ne, ⌊Nug danab onig iitta bia,⌋ Nug donki laa attan dayaya, aakku uɗitte. Yo, Nug donki nag laa ⌊nakok okkai meum⌋ attan dayaya, aakku uɗitte’ ”

Matyu 5:5

Danab aun aɗi ag akka, ag onig qe nak kobol hetteb ele amu, ag itittak ena aoppig daatteb. Aɗinu? Ag wan imu oh aoglag.

Matyu 7:24

Amunu danab nug nai dahil imu doya dim lamidtte amu, nug danab laa doyak dabmak ena ele, nug danab laa men qaɗeppa lag ukku aɗe, men aɗa dayeye, aria dimppa nug amu attan lag heum bia daatte.

1 Korint 6:5

Da nai imu attem amu, ag uɗalag neeb kobol tutukku hekkulagnu attem. Ag oolagppa danab laa, nug danab aɗit dilah nai epeɗikkunu doyak dabmak ena ele laa iittate?

2 Korint 10:1

Da am Pol. Am danab laala ag nai da beɗulppa yaan, inam aon maditteb. “Nug ig ele daattem haenppa amu, nug nukka onig qe ne, ig ele daattem, amge haen nug piɗe dayaya amu, nug nai ɠagattag ig megatte,” aon atteb. Amge da Pol, da am Kristusnu kobol, Nug nukka Nug binagnu ii dabmaama, Nug dagom kobol, oo bodoettak kobol ele danab dilagppa heum, amubia da ahilagppa hein, nai madippi, ag dahil nai dooglagnu unuqadttem.

2 Korint 8:24

Aria, ag oo mauhak ahilag amu ag ippunadppeg, Kristen tamaniak oh ag ahilag oo mauhak genabnab dooppeg amu ag dooglag, ig ag Korint hamu binalag ii mettem.

Galesia 5:23

oo bodoetta wagai mak iitta kobol, laa nug nukka nug nuhig oiyak pehettak atognoak kobol ele. Kobol amunu oh, amu haknu ɗo laa ii daatte.

Galesia 6:1

O lailad, danab laa nug hipunin laa heeb, ag anidna amu ag danab ag Kayak Ouɗi ele, ag danab amu eɗun aoglagnu nai bodoettak eleppa oo babaitteg! Ag aib nuhignu guhuɗittak kobol heppig. Ag oh anen anen ahilagnu dabmeig! Satan nug ag ele eheɗ hekkulagnu oolag eeɗkkunu daatte.

Galesia 6:4

Danab oh ag anen anen ahilag uɗat melemel mettan epeɗieg! Ag anam hena amu, ag ena hettebte o eheɗte hetteb dooglag. Danab nug anam hette amu, nug nukka nuhig kobolnu gamag ahakku. Nug danab laanu kobol amu nuhig kobol ele melemel ma aib epeɗiom.

Epesus 4:2

Ag onig qe nak kobol dim lamidna, oolag bodoettak ele daana, ag oolag maɗoɗ ele dayeg! Ag oo mauhak kobol dim lamidna, ag nug ehanidnana dayeg!

Pilipai 1:27

Anam, amge aɗi kobol bekku amu, ahilagnu keeke anuqak daatte am, ag oiyak ahilagppa, ag Kristusnu Nai Ena ag amu attem oiglagnu ippunadtte amu, ag anam dim lamidnana tutukku eleleppa oiyeg! Ag anam heppeg amu, da ag anadkkulnu gokkultai, iitta da naippulagib dookkultai am keeke okkai iitta, amge da ag oolag laippu ele daanna, ag dabmak laippu tamanin, ag nug ehanidnana, Jesusnu ooppa genab doyak ahilag aɗan daatteb dookkul.

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

1 Timoti 4:12

Na am nid bau amunu, danab laa nug nahipnu ena iinab doomanu na enaib oiye! Na mauhnoak aib oime. Iitta! Na nahip nai mattiak, oiyak, oo mauhak, ooppa genab doyak, amu kobol oppiak nahip eleppa, danab ag Jesusnu oolagppa genab dooppig ele, ag nahip kobol amu oh anidna dim lamidkkulagnu elele daaglagnu oiye!

1 Timoti 6:11

Amge na Kayaknu danab, na keeke amu oh dimettan, awaidna daye! Na genab tutukku hak kobol, kobol Kayak Nug amunu oo hette, ooppa genab doyak kobol, nug oo mauhak kobol, ɠagattag dayaya uug oh mawaknu kobol, oo bodoettak kobol ele aɗan oiye!

2 Timoti 2:25

Nug laa ag nai nuhig tappaeg nette ele oo bodoettak kobolppa ag ib tutukku ippuanattaɗ! Kayak Nug ag oo eɗuak madakkunu, ⌊ag oolag eɗueb,⌋ ag doyak diig genabib tutukku dooglagnu nug anam hekku.

Taitus 3:2

ag danab laa baeg ii qemananu, ag maɗoɗ kobol, laa dilag dabmettak kobol ele hekkulagnu, ag danab ah oh noolagppa ag akka ag onilkad qeppeg nekkunu appe doyeg!

Hibru 13:5

Ag oolag men doɗonu aib mauhom. Keeke ag aɗatteb ele, ag amunu elele doyeg! Aɗinu? Kayak Nug aum aakku daatte. Amuam, “Da na ii uuidpa, da na ii paɗaidpa,” awa aum.

Jems 1:21

Amunu kobol nau oh, kobol dubuttid oh ele, wan ohppa daatteb amu, ag amu oh maoppeg ukkeb, ag akka ag onilag qeppeg neeb, ag nai Kayak Nug ag oolagppa eppom daatte amu aweg! Nai amu nug ag eɗua diikkunu elele.

Jems 2:18

Anam, amge danab laa nug, “Na amu ootppa genab doottem, da amu da kobol ena hettem,” awa akkutai. Amge anam iitta. Na ooppa genab doyakppanu uɗat ii hekkut dayeb, na attem hena, nahip ooppa genab doyak ippuniɗkkut? Da amu, da dahil ooppa genab doyakppanu uɗat, da amuppa dahil ooppa genab doyak na ippunidkkul.

Jems 3:1

O lailad, danab kuɗum laa ele ag oolagppanu ippunittak danab bekkulagnu aib dabmeppig. Aɗinu? Ag dootteb, dimppa Kayak Nug epeɗiak ɠagattag ippunittak danab ihinigppa haaha, Nug epeɗiak nakok bodoettak Nug baekkudppa laala dilagppa hekku.

Jems 3:17

Amge Kayaknu doyak dabmak ena ele amu, doyak dabmak ena ele amuam Kristen danab ag inam oiglagnu ippunigtte. Anuqak amu, ag oppiak ele daan oiglag. Amu dim lamittak ag maɗoɗ ikki daan, ag lailkad dilagnu oo bodoettak doon, dagom danab daan, lailkad dilagnu oolag gai-iitta doon oolag mattan ehanadna autnanab aona, ag ena hak kobol ambak hena, ag danab oh dilagppa kobol laippuib dim lamidna, ag aɗi hetteb amu, ag kobol genabppaib hekkulagnu daatteb.

1 Pita 1:15

Iitta. Kayak Nug ag onilagppa eum, Nug oppiaawak daatte, amubia ag keeke aɗi hetteb, ag oppiaawak daanna heig!

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

1 Pita 3:4

Iitta. Ag oolag unuqagppa bala mettaglag am ena. Bala mettak amuam nauhkkunu elele iitta. Bala amuam oo bodoettak kobol, amu dagom kobol ele. Kobol amu Kayak noobppa amu enanag.