Jems 3:10 - Nobonob Baibel

¹⁰ Kayak binag mak nai, amu nai nau ele aa oh ig oɗenig laippuppa bettep. O lailad, ig kobol anam laa ii helom am ena.

Jems 3:10 Iomraidhean Croise

Genesis 20:9

Baɗanna amu, Abimelek nug Abraham onigppa e uɗie, amegppa aum. “Na ihinignu aɗi heme? Da nahipnu eheɗ aɗi hemi amunu, na kobol imu he, da, dahilad daup ele, ig oh beɗunigppa aab okkai ele iikku daattem? Na keeke ii helom aakku heme.

2 Samuel 13:12

Nug anam a amu, Tamar nug nob ma aum. “O awai, na kobol Kayaknu doyak iittappa inam aib heme! Na wagai mena heppe, i aib niimuɗ! Aɗinu? Israel ooppa kobol imu bekkunu am ena iittanab iitta! Na kobol nau, eheɗ inam bia aib heme!

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Rom 12:14

Danab laa ag ahilagppa eheɗ heppeg amu, ag itittak ena ag matteg! Ao, ag itittak ena mattana, ag aib amu dilag, ag eheɗ laa awaknu anak waappa daaglagnu appig.

1 Korint 3:3

Aɗinu? Ag dabmak alagppa daatteb. Kristen kobol amu ag beɗulagppa ii beum. Ag lailkad dilagnu, ihinigppa anam daalon dabmak aɗan daatteb, ag nug mehqak henan daatteb ele amunu, ig ag kobol alagppa, Kristen kobol iittappa daatteb anidkkunignu elele. Kobol amuam dabmak alagnu, wanppan danab dilag kobol.

1 Timoti 5:13

Laa ele, ag uɗat ii hak kobol aona, lag lag tena nenana oitteb. Amu uɗat ii hak kobolib iitta, ag laa dilagnu dimug nai mattinna, ag laa dilag dabmak, maittak keeke baolikkulagnu henana, ag nai eheɗ ig akkunignu elele iitta ele maditteb.

Jems 1:16

O lailadnab, ag akka ag oolag buppuidna, “Kayak eheɗ hekkunignu eeɗak imu megatte,” amananu dabmeig!

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.

Jems 3:1

O lailad, danab kuɗum laa ele ag oolagppanu ippunittak danab bekkulagnu aib dabmeppig. Aɗinu? Ag dootteb, dimppa Kayak Nug epeɗiak ɠagattag ippunittak danab ihinigppa haaha, Nug epeɗiak nakok bodoettak Nug baekkudppa laala dilagppa hekku.

Jems 3:11

Wan oɗe laippuppa le aɗit, laa am le ena, laa am yu ele, aa oɗe laippuppa ii tulai dottep. Iitta!

Jems 3:9

Ig oɗenigppa amu ihinig Naɗi, ig Mamenig, Nug binag meta, amu ig danab Kayak Nug Nug bia hattom amu, ig oɗenigppa amu, ig danab laa eheɗ laa awaknu anak waappa daaglagnu madittem.

1 Pita 3:9

Amu na layap nug nahip-ppa laa eheɗ heeb amu, na aib nob mena nuhigppa eheɗ heme. O iitta nug nai eheɗ laa nahipnu ab amu, na aib nob mena nai eheɗ nuhignu ame. Iitta. Na Kayak Nug itittak ena medakkunu unuqitte! Aɗinu? Ag itittak ena aoglagnu Kayak Nug ag anam hekkulagnu onilagppa eum.