Jems 2:8 - Nobonob Baibel

⁸ Kayaknu ɗo maɗoɗ ooppa dayaknu ɗo anuqak laa Kayak naippa daatte am inam. “Na nakka nahipnu oot mauhtte, amubia na laipad dilagnu ele oot mauhaɗ!” Anam amunu ag ɗo amu genab dim lamidkkulag dayeb, ag aakku kobol ena hekkulag.

Jems 2:8 Iomraidhean Croise

1 King 8:18

Nug anam dabmeum, amge Yawe Nug da mamel Dawit amegppa aum. ‘Na mettid lag laa, da onil amuppa daakkunu buukkutnu dabmeme amu, dabmak nahip amuam ena,

2 King 7:9

Dimppa amu ag akka akka nai inam madippig. “Ig hettem amu, ig tutukku ii hettem. Gemu am ig Israel, ihinigppa deɗ ena daye, ig gota, laa amelagppa mattignignu ii hettem. Ig keeke anidmut imu, ig gemu gota, ii awota, ig butti buttua aam beeb gota akkunignu ameg mak hekkunig dayeb amu, ig bu aognig amunu, ig gemu gota, king aɗi amelagppa apput doyeg!” akka akka anam aon appig. Ag anana, ag ahan goppig.

Lewitikas 19:18

Na aib laa nahipnu eheɗ heum amu, nug nob nau medakkutnu heme. O iitta, na nob nau laa mettaknu dabmak ootppa aɗa oiyak aib heme, amge na nakka nahipnu oot mauhtte, amubia na laipad dilagnu ele oot mauhaɗ! Da am Yawe.

Lewitikas 19:34

Ag amu dilagnu amu, ag akka ag ahilkad menuattak ena hadattebbia, ag anamib amu dilag hattan, ag akka ahilagnu oolag mauhtte bia, ahilagnu oolag mauhkkuoitte. Aɗinu? Ag ele am haen laa, Isip wanppa, wan laihnu danab ah daappig. Da am Yawe, ahilag Kayak.

Jona 4:9

Nug anam aum, amge Kayak Nug Jona amegppa inam aum. “Na muɗi bunaɗom, na amunu oot nauhtte am enate?” A amu Jona nug aum. “Da ool nauhtte am ena. Da ool nauhe, guittak bia doottem amunu, da mauhkkul am ena,” awa aum.

Matyu 22:39

Aria, ɗo laa ele amubia daatte am inam. ‘Na nakka nahipnu oot mauhtte, amubia na laipad dilagnu ele oot mauhaɗ!’

Matyu 25:21

Anam a amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Matyu 25:23

Amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu, da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Matyu 7:12

Anam amunu, ag dahilad ag danab ag kobol atten ahilagppa hekkulagnu oolag daatte, ag kobol amuib ahilagppa heig! Ɗo nai, amu propet nai ele amuib ippunigkkunu daatte.

Rom 13:10

Danab nug layagnu oo mauhtte dayeb amu, nug layagnu eheɗ laa ii hette amunu, danab laa nug layagnu oo mauhtte dayeb, nug ɗo laa oh ele aakku tutukku dim lamidtte.

Galesia 5:14

Aɗinu? Ɗo oh amu nai laippu imu ooppa daatteb. “Na nakka nahipnu oot mauhtte, amubia na laipad dilagnu ele oot mauhaɗ!”

Galesia 6:2

Ag nug ehanittak henana, uug ahilkad maweg! Ag kobol amu henana, ag Kristusnu ɗo elele dim lamidkkulag.

Pilipai 4:14

Amge ag da ou iun, dahil uug ag ele maoppig amu, amuam kobol ena.

1 Tesalonaika 4:9

Amge layagnu oo mauhak kobolnu amu, da nai laa yaakkulnu uɗat laa ii daatte. Keeke amunu amu, Kayak Nug ag ippuanatta malom.

Jems 1:25

Amge ɗo elelenab, ɗo amuam ig hipuninppanu uhuqigtte amu, danab laa nug ɗo amu diig neekka aut autanab awa, tutukku dim lamitta, nug ɗo amu ele daug ii atitte, nug dim lamidtte amu, Kayak nug danab amu itittak ena medakku.

Jems 2:12

Oo mauhak kobol nug ag aɗi hekkulagnu ippunadtte ele amu, ag amu hettebte oo iittate. Kayak Nug amuppa epeɗiadkku amunu ag aɗi atteb, aɗi hetteb ele amu ag amu dabmenan oiyeg!

Jems 2:19

Na am ootppa genab inam doottem, “Kayak laippuib daatte.” Amu ena, amge ouɗi nau ag ele anam oolagppa genab doon, ag eheɗ nau baɗan hahaɗtteb.

Jems 4:11

O lailad, ag lailkad dilagnu nai eheɗ aib appig. Danab laa nug layag laanu nai nau atte, o iitta nug layag epeɗitte ele amu, nug ɗonu ele nai nau ana, ɗo ele epeɗitte. Aria, na ɗo epeɗittem dayeb amu, na ɗo dim lamittak danab iitta; na ɗo epeɗittak danab daattem.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.