Jems 2:5 - Nobonob Baibel

⁵ O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Jems 2:5 Iomraidhean Croise

1 King 22:28

King nug anam a amu, Mikaia nug eɗua Ahap amegppa aum. “Na maɗoɗ ele eɗun uɗikkut dayeb amu, Yawe Nug da oɗelppa nai ii aum,” awa aum. Nug anam ana, amu nug tuɗitta aum. “Ag danab ah oh, ag dahil nai doyeg!” awa aum.

Job 34:10

Anam amunu, ag danab diignu doyak tutukku ele ag dahil nai doyeg! Kayak Nug eheɗ hekkunu elele iitta. Ao, Laa Nukka Ɠagattag Oh Ele Nug kobol nau laa ii hette.

Job 34:19

Kayak Nug king tiigppan danab, enub danab, daɗek ele oh hattom amunu, Nug laa nug king tiigppanu amunu, nuhignu diig iittappa ena doya, laanu diig iittappa eheɗ ii dootte. Ao, Nug laa am enub danab amunu, diig iittappa nuhignu ena doya, laa am daɗek amunu diig iittappa nuhignu eheɗ ii dootte.

Job 38:14

Wakkaɗebeb, danab nug wan iɗu attem daatte anidtte. Ao, wakkaɗebeb, lamenppa kobol kobol daya miag atitte, amubia wan iɗu miag atitte

Eksodas 20:6

amge danab ah ag oolag da meɗan, dahilnu oolag mauhtte, dahil ɗo ele dim lamidtteb amu, da ahilagnu oo mauhaknab doyeye, da ag buɗulkad menuattak huu laippu bia 1,000 dimppa bekkulag amu, dahil oo mauhak amu, ahilagppa ele daakku.

Prowerb 13:7

Danab laa nug enub okkai ele bia ippu hak hette, me nug keeke ele ii daatte; amge danab laa nug daɗek daatte bia ippu hak hette, me nug am keeke kuɗum ele daatte.

Prowerb 7:24

Anam aakku amunu, o bekkalad, ag daulag human, da aɗi nai attem imu ag doon, elele metteg!

Prowerb 8:32

Anam amu, aria, O da bekkalad, ag dahil nai doyeg; laa ag da ippul tappan oitteb amu, ag itittak ena aon malappig daatteb.

Aisaia 14:32

Amu haen Pilistia dilag nai awa ukkak danab ag uɗin, amunu ig oɗ megappeg, ig aɗi amelagppa akkunig? Ig geha ahilag oɗmak inam nob mekkunig, “Yawe Nug he, Sion nug eɗua ɠagattag daatte amunu, danab o ah nuhig aun nug uug maokku, nug ukka, Sion ta, nug padal mak eɗitteb ena dayaknu aben amuppa ena daakku.” Ig anam akkunig.

Aisaia 29:19

Haen amu uɗieb amu, danab ag akka ag onilag qeeg nette ele, ag Yawe, nuhig ehanittaknu oolag gamag ahakku. Ao, danab ag keeke iitta ele, ag Yawe, Nug Israel dilag Kayak Oppiaawak Ele, ag nuhig ehanittaknu oolag gamag ahakku.

Sepanaia 3:12

Da laa ag dagom danab, ag agakka ag onilag qeeg nette ele, da ag Jerusalem appa uuadppi daaglag. Laa amu ag da Yawe, ag dahilnu oolagppa genab dootteb. Da am Yawe.

Sekaraia 11:11

Amuppa da nug tituana nai qakkak ag ele hemut amu deɗ amuppa aakku hei, iitta meum. Amu laa ag laa eppelagppa eheɗ nau aoppig, amge ag dahilnu, “Nug ehanikkeb, ena daagnignu hette,” oolagppa genab dooppig ele amu, ag da heminu, “Yawe Nug danab amunu hakppa keeke ippunigtte,” dooppig.

Sekaraia 11:7

Yawe Nug anam aum amunu, da Sekaraia, da sipsip ameg laa, danab ag baalag otaɗadna meppeg, laa daden mena lakkulagnu tituanak daappig amu, da sipsip amu dilag gumak danab daami. Da sipsip laa ag eheɗ nau aoppig ele atognoatte aute aomi. Da dudqak hokkat aɗit awen, da laa onig Ehanidkkulnu Ool Daatte ataɗen, laa da onig Laippu Dayak ataɗmi.

Matyu 11:5

Amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu oɗe amu iitta mette, daulag ituak amu ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.

Matyu 25:34

Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.

Matyu 5:3

“Danab aun aɗi ag oolagppa, ag am elele iitta dootteb ele amu, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Mak 7:14

Aria, Jesus Nug baula danab ah kuɗum appa daappig gumidna gokkulagnu e, ag ukkaeg, Nug ag amelagppa aum. “Ag nai dahil daulagppa doon, nai diig tutukku doyeg!

Luk 12:21

Jesus Nug nai amu ana, Nug nai gog ta aum. “Danab ag keeke kuɗum ahilagnu qagmetteb, amge Kayak noobppa amu ag danab ena iitta daatteb, ag am amubia anidkkulag,” awa aum.

Luk 12:32

O lailad, ag aib baɗappig. Da Mamel Nug nuhig ɗo maɗoɗ ag madakkunu oo daatte.

Luk 16:22

Am dimppa daɗek danab amu nug mauhom. Mauhe am engel ag nug aon meeg, Abraham ele daapiɗ. Daaeheh amu enub danab nug ele mauhe, ag nug boumppig.

Luk 16:25

Awa a amu Abraham nug aum. ‘Nagppi, keeke laippu imu na dautppa dokku. Anukka haen na wanppa bau daanna, na keeke ena oh aome, amu Lasarus nug am keeke oh nau awom. Amge gemu aben imuppa nug am oo ena dayeye, ge na amu guittak nau doottem.

Luk 22:29

Da Mamel, Nug ɗo maɗoɗ da meɗom, amu anamib da ag ɗo maɗoɗ dahil, amuppa ag dahil balalppa ee le ele lanan daaglagnu, ag sia king 12ppa daanna, Israel dilag huu okkai 12 amu gumadkkulag ɠagattag madattem,” awa aum.

Luk 6:20

Ag anam heeg amu Jesus Nug ameg huma, nuhikkud ippunittak awak danab amu neekkattatta, Nug aum. “Ag gemu enulag iitta, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Jon 7:48

Ig ikki danab, ig oonigppanu o iitta ɗo gumak danab-Parasia ag oolagppanu laippu laa Jesusnu ooppa genab doottete? Iittanab!

Aposel 7:2

A amu, Stiven nug mehuqa amelagppa aum. “O da lailad, da mamelad ele ag doyeg! Anukka ig alanig Abraham nug Mesopotemia dayaya, nug Haran ii ukkom, haen amuppa Kayak, nug binag amahlak oppiaawak ele, nug Abraham gumitta noa, amegppa aum.

Rom 8:17

Amu ig Kayak bekkod daattem dayeb, ig geha keeke Nug megakkunu dabmette ele aognig. Laa ele amu, Kayak Nug keeke Kristus medakkunu dabmette amu, ig Nug ele oh amu aognig. Yo, ig Kristus uug mawom, uug amu genab tuɗidta maognig dayeb, dimppa ig Nug hab aabppa dayak enanag awom ele, ig amu ele aognig.

1 Korint 2:9

Kayak naippa, nai inam daatte. “Kayak Nug keeke ena ena, danab ag nuhignu oolag mauhtte ele madakkunu babaittom amu, keeke amuam danab laa nug amegppa ii anttom, daugppa ele ii doyom, dabmakppa ele ii beum. Keeke enanagnab.”

2 Korint 4:15

Kayaknu ehanittak okkai hamu megatte amu gemu danab kuɗum laala ahilagppa ambeebeb, ag Kayaknu, “Ena heme,” okkainab anana, ag Nug binag attan humaglagnu, keeke imu oh beum amu, ag ehanadkkunu beum.

2 Korint 6:10

Ig am oonigppa uug elenab, amge haen oh ig maɗoɗppan gamag ahak doottem. Ig daɗek danab bia daattem, amge ig am danab kuɗum keeke kuɗum madattem. Ig am eppenigppa keeke laa ii daatte bia, amge keeke oh am ig aɗattem.

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.

Epesus 1:18

Da Nug heeb, ahilag dabmak amahleb, butti aɗi ag aɗi keekenu Nug ag onilagppa eum ele amu, ag amunu dabmak ɠagattag aona, ag maɗoɗppan gamag doon, itittak enanagnab oh Nug nuhikkud danab ah oppiaawak ele oh aoglagnu nai qakka tituanom ele amu, ag amu oh dooglagnu ele unuqidttem.

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.

1 Tesalonaika 2:12

ig oo ɠagattag qaknu nai ag amelagppa mattitta, ig oo maɗoɗ dayaknu nai ele mattitta, ig ag Kayak Nug oo niitte bia elele oiglagnu nai mattamut. Kayak Nug, Nug ag nuhig ɗo maɗoɗppa, binag amahlak oppiaawak nuhig ele aon daaglagnu ag onilagppa ette.

2 Tesalonaika 1:5

Kayak Nug ag ehanatte, ag ɠagattag daan, uug maon oitteb amunu, ig amuppa Kayak Nug danab ah tutukku epeɗiadtte anidttem. Nug anam hette amunu, Nug ag nuhig ɗo maɗoɗ ooppa daaglagnu, Nug amunu elele doyadkku. Ag Nug ele nuhig ɗo maɗoɗ ooppa daaglagnu hetteb amunu, ag aakku guittak aotteb.

1 Timoti 6:18

Laa amu, na danab ah enulag ele ag ena, ao ag kobol ena okkai hena, ag danab ah oo qak iitta ele ehanadna, ag enulag laih oppatna, danab laa ɗo mattaglagnu babaittak daaglagnu haknunab nai ag matteg!

2 Timoti 4:18

Ao, Naɗi Nug laa dilag eheɗ hak ohppanu eɗua awiɗa, da nuhig hab aabppan ɗo maɗoɗppa daakkulnu Nug ena omaiɗa, appa gokku. Binag amahlak oppiaawak ele hanhan alet ele nuhigppa dayaɗ! Genab.

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

Hibru 11:26

Nug nob ena, butti aɗi Kayak medakku amunuib dabmeum amunu, nug Kristus onigppa uɗa nak aokkunu ena doya, Isip enubnu amu, nug keeke hamu doyom.

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

Jems 1:16

O lailadnab, ag akka ag oolag buppuidna, “Kayak eheɗ hekkunignu eeɗak imu megatte,” amananu dabmeig!

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.

Jems 1:9

Ig Kristen lainig laa nug daɗek daatte amu, nug maɗoɗppan gamag ahak dookku am ena. Aɗinu? ⌊Nug Jesusnu ooppa genab dootte amunu,⌋ nug Kayak noobppa onig ele.

1 Pita 1:4

Amu ele ig Kayak Nug bekkod keeke madakkunu dabmette ele, keeke amuam hanhan daakku, ii nauhma, iitta ii mema amu, Nug hab aabppa ahilagnu babaittom daatte amu, ig amu ele dimppa anidkkunignu ameg mettem.

2 Pita 1:11

Aria, ag kobol amu hekkulag amu, Kayak Nug ag diia, ag Nug ele laippu dayaknu ooppa elele doya aut auta awa heeb, ag ihinig Naɗi, Nug am ihinig Padal ii maknu ehanittak, Jesus Kristus, ag nuhig ɗo maɗoɗ hanhannu ooppa daaglag.

Revelesen 2:9

Da guittak uug ele nahip-ppa beum, na keeke iitta, amuppa qagaiettaknab daame amu, da doottem, amge na keeke kuɗum ele! Da danab laa ag nahipnu baeg qak nai madippig amu, da doomi. Laa ag amu appig amu ag, ‘Ig am Juda,’ aon atteb, amge ag am Juda tutukku iitta; ag am Satannu daupib.

Revelesen 21:7

Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.

Revelesen 3:18

Anam amunu, da ulum mettak nai imu na medattem. Na enun ele daakkutnu, na gol babaitta epeɗia awak dahilppanu daden mena, na bam iittanu uɗa nak doomnanu, na lamen hakkab ele dahilppanu daden mena, aria, na neegna keeke anidkkutnu, na marasin na amenppa mekkutnu ele dahilppanu daden me!

Ikki Danab 9:7

Jotam nug ag amu heppig, nug amunu doyowa amu, nug qauko Gerisim igippa ta, ewa aum. “Sekem danab ah, Kayak Nug ahilag unuqittak dookkunu amu ag dahil nai doyeg!

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.

1 Samuel 2:8

Yawe Nug he, daɗek danab ag gappudppan ahan, ag nau ii daatteb. Ao! Nug he, ag uhuɗppa ii daatteb; ag aben enappa daatteb. Genab! Yawe Nug he, daɗek danab ag king tiigppan danab ele heɗep nena daatteb. Yo! Nug he, ag sia king, sia amu onig ele amu, ag sia amubiappa daatteb. Yawe Nug amu oh hekkunu elele. Aɗinu? Yawe Nug wan imu ohnab mameg daatte. Ao, Nug wan imu oh ma, babaittom daatte.