Jems 2:25 - Nobonob Baibel

²⁵ Amubianab amu ib imuag ah onig Rahap, nug danab Josua he gopiɗ ele amu, nug aa diiata, laugppa atognoata, aab amuppan danab anatmananu ib laih maate goya, aben laappa dayoya, eɗuya, aa abenlahppa gopiɗ, diig amunu Kayak Nug Rahapnu, “Genab tutukku hak ah,” awa aum.

Jems 2:25 Iomraidhean Croise

Matyu 1:5

Salmon wau Rahap ele, aa bekkalah am Boas. Aria, Boas wau Rut ele, aa bekkalah am Obet. Obet bekka am Jesi.

Matyu 21:31

Am nid aɗit amu oolahppa aun nug mameg oɗe dim lamittom?” awa aum. A amu ag appig, “Nid tatamnu,” aon appig. Ag anam aeg, am Jesus amelagppa aum. “Da genab ag amelagppa attem. Takis awak danab, amu ib baag ah ele ag Kayaknu ɗo maɗoɗ ooppa noaknu ib nakok paha neegna anidtteb; ag mana mettak danab okkai, Juda dilag ikki danab ele, ahilag neekka anttak eɗittak.

Aposel 17:7

Aa uɗieh, Jeson nug aa ele laippu dayaknu ooppa eleleib doya, nug laugppa diiata ukkom. Ele amu, danab amu oh ag, ‘King laa daatte, nug onig Jesus,’ aon atteb, amu amuppa ag Sisarnu ɗo tappaeg nette.” Ag anam eppig.

Hibru 11:31

Rahap, nug am ib baag ah, nug Kayak aɗi hekkunu aum doya amu, nug Kayaknu ooppa genab doyom amunu, nug lokkumakppa atu italak danab aɗit laa, aab italaknu uɗipiɗ ele, nug aa ele laippu dayaknu ooppa eleleib doya ehanatom amunu, nug padal mak eheɗ hak danab ag aoppig ele amu, nug amuppa padal ii meum.

Jems 2:18

Anam, amge danab laa nug, “Na amu ootppa genab doottem, da amu da kobol ena hettem,” awa akkutai. Amge anam iitta. Na ooppa genab doyakppanu uɗat ii hekkut dayeb, na attem hena, nahip ooppa genab doyak ippuniɗkkut? Da amu, da dahil ooppa genab doyakppanu uɗat, da amuppa dahil ooppa genab doyak na ippunidkkul.

Jems 2:22

Aria, O na danab dabmak tutukku iitta ele, Abraham heum, amuam inam ippunidtte. Nuhig ooppa genab doyak am nuhig kobol ena ele aa nug ehanittak heyaya, aa oh uɗat laippu heeheh, kobol amuppa nuhig ooppa genab doyak elelenab meum.

Jems 2:24

Amunu gemu ag dootteb, nuhig ooppa genab doyakppaib Kayak Nug danabnu, “Genab tutukku hak danab,” ii atte. Iitta. Nug danab ooppa genab doyaya, kobol ena hette ele amu, danab amunu Kayak Nug “Genab tutukku hak danab,” awa atte.

Josua 2:1

Israel danab ah ag aben onig Sitim appa daappig. Haen ag appa daanna, Nan bekka Josua nug lokkumakppa atu italak danab aɗit maate, Kanan wan lokkumya italkkulahnu gopiɗ. Nug aa Jeriko aab okkai italya autyanab aoglahnu aum. ⌊Jeriko am aab okkai, aɗ ele.⌋ Josua maate goya, Jeriko gopiɗ. Aa tuqan appa daaya, niiglahnu amu, aa ah laa, nug am ib baag ah onig Rahap, aa nug laugppa gopiɗ.

Josua 2:15

Amu Rahap laugnu gilil laa am, aab okkai amunu aɗ laih laa dayom amunu, lokkumakppa atu italak danab aɗit aa anam aeh, Rahap nug aa gililppa ulah ibuppanu muɗi aɗeɗe, wanppa aab dimittim nopiɗ.

Josua 2:16

Haen aa ii nopiɗppa nug aa amelahppa aum. “Laa ag aɗalatkkulagnu oitteb ele amu, ag aa ii anatmananu, aa qauko nakokppa goya, lokkumya daapeɗ, deɗ ewam uueb, ag eɗun aab okkaippa uɗippeg amu, aa danab ah ahilti eɗuya gumadya ukkeɗ!” awa aum.

Josua 2:4

Kingnu danab ag uɗin, Rahap amegppa anam appig, amge Rahap nug matunab danab aɗit diiata lokkumatom amunu, nug aum. “Genab, danab ippa uɗipiɗ, amge da aa adeppanunab ippa uɗipiɗ amu, da ii doomi.

Josua 2:6

Danab king he uɗippig amu, Rahap nug amelagppa anam aum, amge nug matu lokkumakppa atu italak danab aɗit amu diiata, lag koɗokko, uɗem ukkak amuppa lokkumatom. Nug plaks gumu lag koɗokkoppa duqak niitte, amuppa tonata lokkumatom.

Josua 6:17

⌊Am tatam nug ag amelagppa inam aum.⌋ “Aab okkai ooppa amu, danab ah, keeke ele oh am Yawenuib nuhig pelemppa daatteb. Ib baag ah Rahap, nug ihinkad lokkumakppa atu italak danab diia atognoatom amunu, nug, nug laugppan laala ele ag aakkuib anam ii daamana.