Jems 2:14 - Nobonob Baibel

¹⁴ O lailad, danab laa nug “Da Kristusnu oolppa genab doottem,” awa akkutai, amge nug kobol ena ii hette ele dayeb, danab amu nuhig ooppa genab doyak am keeke hamu. Ooppa genab doyak anam am eɗua diikkute? Iitta.

Jems 2:14 Iomraidhean Croise

Jeremaia 7:8

Amge antteg! Ag nai hambuppuak, nai meu iitta elenu oolagppa genab dootteb.

Matyu 5:20

Da tutukku ag amelagppa attem. Ahilag genab tutukku hak am ɗo mehuqak danab, ɗo gumak danab-Parasia ele dilag ii eɗadkku dayeb, ag Kayaknu ɗo maɗoɗppa nokkulagnu elele iittanab.

Luk 3:11

Aon aeg amu nug eɗua ag amelagppa aum. “Danab aun laa nug lamen nakok elab aɗit ele daatte, nug lamen laa amu awa, danab lamen iitta ele medakku. Danab nug ee ele amu, nug ele anam hekku,” awa aum.

Luk 6:49

Amge danab nug nai dahil doya ii dim lamidtte ele, nug am danab laa lag hamu wanppaib he dayom bia. Nug wan ooppa men qaɗeppa lag ukku ii aɗom amunu, dimppa le ui na, lag amu duttune, pahanab na qa, loppaɗa iitta meum,” awa aum.

Aposel 15:9

Nug ihinigppa kobol laa haaha, ahilagppa kobol laa ii heum. Iitta. Ag oolagppa genab doyeg, ahilag ooppa genab doyak amuppa Nug he, ag oolag oppiak dayom.

Aposel 8:13

Ag layattak aoegeg, Saimon ele ooppa genab doya, layattak awe, Pilip ele daaya, Pilip nug Kayak dabmettaknu kobol danab haknu elele iitta digdig okkai hatte antta, nug ottaia dabmak kuɗum awom.

Aposel 8:21

Na uɗat imu, ig hettem ele amu, na amu ooppa daakkutnu elele iittanab. Aɗinu? Kayak anidtte; na oot am tutukku iitta.

Rom 2:25

Genab, ag ɗo tutukku dim lamidtteb dayeb amu, gaɗa otaɗak kobol am keeke ena, amge ag ɗo tippaltteb ele dayeb amu, gaɗa otaɗak am keeke hamu, ag danab gaɗa ii otaɗppig bia aakku daatteb.

1 Korint 15:2

Ag da Nai Ena ag amelagppa mehuqmi ele ɠagattag aɗatteb dayeb amu, Kayak Nug nai amuppa ag eɗua diitte. Ag ɠagattag ii aɗatteb dayeb amu, ag hamu oolagppa genab dooppig.

1 Korint 16:22

Am danab laa nug Naɗinu oo ii mauhtte dayeb, nug eheɗ laa awaknu anak waappa dayaɗ! Naɗi, na uɗie!

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

1 Timoti 1:5

Da danab oh ag Jesusnu oolagppa genab dootteb ele, da ag oolagppa oo mauhak amba dayeb oiglagnu, da diig amunu haknunab anak amu madattem. Oo mauhak amunu amu, am danab oolkad oppiak ele, ahilkad ooppan oiyak ippunittaknu ulum eheɗ laa heppig ii ippunadtte, amu ag Kayaknu ooppa genab doyak genab doonna oitteb, oo mauhak amuam danab ag oolkad amubia daatte, am ahilagppanu ba gotte.

1 Timoti 4:8

Aɗinu? Beɗunig ehanittaknu kobol hak amu nakok ehanigtte, amge genab tutukku hak danab dayaknu ehanittaknu kobol hak, am keeke ohnu ehanigtte. Amuam ig gemu bau daattem amunu ehanigtte, amu bauklel dimppa aognig, amunu ele ehanigtte.

Taitus 1:16

Ag oɗelagppa, “Ig Kayak doottem,” atteb, amge ahilag hakppa ag Kayak dimedatteb. Ag danab naunab, oɗe dim lamittak danab iitta. Kobol ena laa ahilagppa ii daatte amunu, ag ena hekkulagnu elele iitta.

Taitus 3:8

Nai amuam genabnab. Amu danab ag Kayaknu oolagppa genab dooppig ele, ag ena henan daaglagnu tutukku dabmekkulagnu, da na ippunittak nai da iikku medattem, na danab ah ippuanadkkutnunab ool daatte. Keeke amu oh am danab ah ele ehanadtte.

Hibru 11:17

Abraham nug Kayaknu ooppa genab doyom amunu, haen Kayak Nug Abraham ma anttak mettom, haen amuppa Abraham nug bekka mana, Kayak medakkunu keeke oh babaitta, ⌊Kayak medakkunu⌋ heum. Anam ha dayeye, Kayak he, nug bekka ii qeum, amge Kayak Nug Abraham amu oh helo bia doyom. Tatam Kayak Nug Abraham amegppa Aisaknu inam aum. “Na buɗunadnab am Aisak, nuhigppa bekkulag,” awa aum. Yo, Kayak anam nai qakka a, Abraham nuhig nai amu awom, amge dimppa nug Kayak oɗe dim lamidkkunu, Aisak mana, Kayak medakkunu keeke oh babaittom. Aɗinu? Abraham nug anam hekkunu haaha, nug Kayaknu inam dabmeum. “Da bekkal mauha, eɗua hippaidkkunu amu, Kayak Nug amu hekkunu elele.” Nug anam dabma, keeke oh Aisak mana, Kayak medakkunu babaitta mala dayom amunu, ig inam akkunignu elele. “Abraham nug bekka mauhak abenppanu eɗua awom,” aot akkunig.

Hibru 13:9

Ippunittak bau digdig, am Nai Ena bia iitta amu, ag doon aib dim lamidppig. Aɗinu? Ig Kayaknu ehanittak okkai hamu mettakppa, Nug dim lamidkkunignu ɠagattag aognig am ena. Ig eenu ɗo kuɗum dim lamidta, ɠagattag amu aognignu hekkunig am ena iitta. Danab laala ag anam henan oippig amge ii ehanattom.

Jems 1:16

O lailadnab, ag akka ag oolag buppuidna, “Kayak eheɗ hekkunignu eeɗak imu megatte,” amananu dabmeig!

Jems 2:16

ag oolagppan laa nug aha, laa tutu meum daatte ele amu, nug amegppa, “Na maɗoɗ daanna, na gona beɗun ulah doomanu na lamen laa aon, ee ele lappe oot dittiaɗ!” awa akku dayeb, amge nug layag lamen laa ii medakku, eeppa ele ii ehanidkku dayeb amu, nai amu layag ehanidkkute? Iitta.

Jems 2:18

Anam, amge danab laa nug, “Na amu ootppa genab doottem, da amu da kobol ena hettem,” awa akkutai. Amge anam iitta. Na ooppa genab doyakppanu uɗat ii hekkut dayeb, na attem hena, nahip ooppa genab doyak ippuniɗkkut? Da amu, da dahil ooppa genab doyakppanu uɗat, da amuppa dahil ooppa genab doyak na ippunidkkul.

Jems 2:26

Danab beɗu ouɗi iitta ele am mauhom. Anamnab aakku, danab nug kobol ena ii hette amu, ooppa genab doyak danab amunu am danab laa mauhom daatte, anam bia hamu daatte.

2 Pita 1:5

Diig amununab amu ag kobol ena hekkulagnu dabmenana, wagai mena, kobol ena amu ooppa genab doyak ahilag ele ouaqateg! Amu ag doyak aon ahilag kobol ena ele ouaqateg!