Jems 2:13 - Nobonob Baibel

¹³ Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

Jems 2:13 Iomraidhean Croise

Genesis 42:21

Ag Josep amegppa anam appig, amge ag akka akka inam madippig. “Ig amanignu anukka eheɗ heut, ig beɗunigppa aab daatte amunu, gemu ig eheɗ hak amunu nob iikku aottem. Haen amuppa nug mauhak uua heehe, ig oo uug naunab doyak nuhig anidmut, amge ig nuhignu oonig ii doye, nuhig nai oo doyak ele ig amenigppa aum elenu dab-ii-memut. Keeke amunu nob gemu ig anidttem,” aon appig.

2 Stori 28:11

Amunu ag dahil nai doyeg! Ag ahilkad tiilag laippu imu, ag aɗualatteg daatteb amu, ag heppeg, ag eɗun, laulkadppa ukkeg! Yawe Nug ag Israel, Nug ahilag oo nauhak huanaknab dootte, ag bu madakkunu daatte amunu, ag amu heig!” awa aum.

Sam 18:25

O Yawe, danab ag oo metta ii uuak kobol dim lamidtteb amu, na amu dilag, na oo metta ii uuak kobol dim lamidttem ag ippunadttem. Ao, danab ag oolagppa nahip neekkakppa kaliak laa iitta ele daatteb amu, na amu dilag, na ootppa kaliak laa iitta ele daattem ag ippunadttem.

Sam 85:10

⌊Qinob, Kayak Nug heeb,⌋ oo mauhaknab kobol, amu oo metta ii uuak kobol ele aa ouqak miagib daaglah. Ge, genab tutukku hak kobol, amu maɗoɗ kobol ele am tamaniya daaglah.

Prowerb 21:13

Daɗek danab ag laa ehanadkkunu oɗ medappeg, nug ahilag nai ii dookku dayeb amu; haen nug ehanittak aokkunu oɗmak heeb, auntai laa nuhig unuqittak ele ii dooma.

Prowerb 22:16

Laa nug en okkai aokkunu daɗek danab duttunatte, ag nuhig uɗat o hamu bia hetteb, o laa nug enub danab ag nuhignu oolag hekkunu keeke ahilag daakkunu madatte amu; aɗit amu oh aa goya, daɗek daaglah.

Aisaia 27:11

eppeg qaɗaiedappeg, ah ag uɗin, qiin aon gona, aab ilaglag. Aɗinu ⌊uug amu Israel dilagppa bekku⌋? Israel danab ah ag diignu doyak tutukku am iitta ele. ⌊Ag Yawe uun oitteb.⌋ Anam amunu, laa Nug ag hattom ele, Nug ahilagnu oo ii mattama. Ao, laa Nug ag daaglagnu hattom amu, Nug ahilagnu ena ii doya, keeke ena ii mattama. Iitta.

Jeremaia 9:24

Nug keeke amunu dabmaama, nug nukka nug onig aib humom. Iitta! Laa nug da dooiɗa, nug dahil hak, amuam da Yawe, da danab ah dilagnu oo mauhaknab kobol, nai doya mala hettoɗia epeɗia elele mettak kobol, amu genab tutukku hak kobol ele dim lamidttem amu, nug amunu diignu doyak tutukku ele, nug keeke aɗit amu dabmaama, da onil humaɗ! Da hak amu dim lamidttemnu diig am, kobol amunu da enanagnab doottem.” Yawe Nug anam atte.

Esekiel 33:11

Ag anam atteb amunu, na ag amelagppa inam appe doyeg! Naɗi Yawe Nug inam atte. ‘Da genab bau daattem, genab amubia da nau hak danab laa mauhkkunu ool iinab daatte. Iitta. Da nau hak danab ag oolag eɗueb, ag hak nau hetteb amu dimattan, da dim lamiɗnana, bau daaglagnu ool daatte. O Israel danab ah, ag oolag eɗueb, ahilag hak nau uueg! Ag Israel buɗub, ag aɗinu mauhkkulag?’ ” Yawe Nug anam aum.

Maika 7:18

O Yawe, aun am Kayak na bia laa daatte? Kayak aun laa nug nuhikkudnab oɗo yaak danab ah dilag hipunin uhuqa madatte; eheɗ hak ahilkad ele uhuqa madatte? Na haen oh oo nauhak nahip ii aɗattem. Iitta. Na oot gai-iitta doon oot mattan ehanadkkutnu enanagnab doottem.

Matyu 5:7

Danab aun aɗi ag danab laa dilagnu oo gai-iitta doon oolag mattan ehanadtteb ele amu, ag itittak ena aoppig daatteb. Aɗinu? Dimppa ag eheɗppa daaglag amu, Kayak Nug oo gai-iitta doya oo matta ehanadkku.

Matyu 6:15

Amge ag laa dilag hipunin ahilagppa hetteb uhuqna ii madappeg amu, ag Mamelag Nug ele ahilag hipunin uhuqa ii mattama.

Luk 16:25

Awa a amu Abraham nug aum. ‘Nagppi, keeke laippu imu na dautppa dokku. Anukka haen na wanppa bau daanna, na keeke ena oh aome, amu Lasarus nug am keeke oh nau awom. Amge gemu aben imuppa nug am oo ena dayeye, ge na amu guittak nau doottem.

Luk 6:37

Jesus Nug anam ana, Nug baula aum. “Ag laa dilag ⌊oo ɠagattagppa⌋ aib epeɗiadppig. Ag anam epeɗiadkkulag dayeb amu, ag ele epeɗiak amubia aoglag. Ag nai laa beɗulkadppa aib yaappig. Ag anam hekkulag dayeb, laa ag nai ag beɗulkadppa ii yaamna. Ag laa dilag hipunin uhuqna matteg! Ag anam hekkulag dayeb amu, laa ag ahilag hipunin uhuqna mattaglag.

Jems 3:17

Amge Kayaknu doyak dabmak ena ele amu, doyak dabmak ena ele amuam Kristen danab ag inam oiglagnu ippunigtte. Anuqak amu, ag oppiak ele daan oiglag. Amu dim lamittak ag maɗoɗ ikki daan, ag lailkad dilagnu oo bodoettak doon, dagom danab daan, lailkad dilagnu oolag gai-iitta doon oolag mattan ehanadna autnanab aona, ag ena hak kobol ambak hena, ag danab oh dilagppa kobol laippuib dim lamidna, ag aɗi hetteb amu, ag kobol genabppaib hekkulagnu daatteb.

Jems 5:4

Antteg! Uɗat nid ag ahilag uɗat heppig, me ag enub danab ag uɗat nid amu buppualadnana, uɗat heppignu daden nob ii madappig amu, men doɗo amu eɗua danab baag bia, “Ag eheɗ heppig,” awa maditte. Uɗat nid amu dilag ewak, nai amuam Naɗi Ɠagattag Oh Ele, Nug daugppa noum daatte.

Ikki Danab 1:7

Ag amu heeg, dimppa Adoni Besek nug aum. “Da king 70 ele ban heta eɗatte, ag eppelkad tanig, amu baelkad tanig ele otaɗadmi. Da amu hein malai amu, ag ee huppu dahil balal waappanu amu lappig. Gemu Kayak Nug da ahilagppa heminu noob meɗom,” awa aum. Am Juda, Simeon danab ele ag nug aon Jerusalem ukkaeg, nug appa mauhom.

Ikki Danab 5:27

Jael baegppa Sisera na qa, padal ma, aguppa niiom. Ge, Jael baegppa Sisera na qa, padal meum. Sisera nug na qa, padal meum, amuppaib nug aakku mauhak niiom.