Jems 2:12 - Nobonob Baibel

¹² Oo mauhak kobol nug ag aɗi hekkulagnu ippunadtte ele amu, ag amu hettebte oo iittate. Kayak Nug amuppa epeɗiadkku amunu ag aɗi atteb, aɗi hetteb ele amu ag amu dabmenan oiyeg!

Jems 2:12 Iomraidhean Croise

Luk 4:18

“Naɗi Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi, Nug nuhig Ouɗi dahilppa daatte. Nug da appi, laa ag maniguittakppa daatteb, ag uhuqak aoglagnu, da heppi, laa ag ameg gaɗuak ele daatteb, ag eɗun neegkkulagnu, da appi, laa ag laa aɗalatteg ag eppelagppa daatteb amu, ag uhuqak aoglagnu,

Jon 8:32

Ag geha doyak diig genabib dooglag, amu doyak diig genabib amu heeb, ag uhuqak enappa daaglag,” awa aum.

Galesia 6:2

Ag nug ehanittak henana, uug ahilkad maweg! Ag kobol amu henana, ag Kristusnu ɗo elele dim lamidkkulag.

Pilipai 4:8

O lailad, da nai laa ele ag amelagppa attem. Ag kobol doyak diig genabibppanu bette, kobol anuqak, kobol tutukku, kobol oppiak ele, kobol neekkak enanag ele, kobol elelenab, kobol enanagnab, kobol binag ele amu, ag kobol amu oh aon dabmenana oinna, oolagppa meig!

Kolosi 3:17

Ag nai madittebtai, o iitta ag uɗat hettebtai, o iitta ag aɗi keeke hetteb amu, ag Jesus onigppa Mame Kayak amegppa, “Ena heme,” anana, ag keeke amu oh Naɗi Jesus onigppaib heig!

Jems 1:25

Amge ɗo elelenab, ɗo amuam ig hipuninppanu uhuqigtte amu, danab laa nug ɗo amu diig neekka aut autanab awa, tutukku dim lamitta, nug ɗo amu ele daug ii atitte, nug dim lamidtte amu, Kayak nug danab amu itittak ena medakku.

Jems 2:8

Kayaknu ɗo maɗoɗ ooppa dayaknu ɗo anuqak laa Kayak naippa daatte am inam. “Na nakka nahipnu oot mauhtte, amubia na laipad dilagnu ele oot mauhaɗ!” Anam amunu ag ɗo amu genab dim lamidkkulag dayeb, ag aakku kobol ena hekkulag.