Jems 1:8 - Nobonob Baibel

⁸ Iitta. Dabmak nuhig amu laippu iitta. Nug kobol oh hette ele amu, nug ib laippu ii dim lamidtte.

Jems 1:8 Iomraidhean Croise

1 King 18:21

Am Elaiya nug aha, Israel danab ah gumatta wana, nug amelagppa aum. “Ag danab ah, ag ahilag dabmak am ib piɗe piɗenu. Ag ib aɗitnu dabmak ele. Haen gane laa ele ukkeb, ag geha ahilag dabmak ib laippu ele daaglag? Amu Yawe, Nug Kayak genab daatte dayeb amu, ag nugib dim lamidkkulag. Amu Bal nug Kayak genab daatte dayeb amu, ag Bal nugib dim lamidkkulag,” awa aum. Amge danab ah ag nai amu nob laa ii meppig. Iitta.

2 King 17:41

Wan laappanu danab ah amu, ag uɗippig, Israel wanppa daatteb amu, ag Yawe noobppa dup nona binag menana, kayak hambuppuak ahilag, amu ele noolagppa dup nona binalag metteb. Danab ah amu, ag bekkalkad, aɗelkad, alalkad ele amu, ag gemu ⌊nai imu yaak haenppa⌋ ele, ag kobol amuib dim lamidna henan daatteb.

Sam 119:113

Danab ag na dim lamidkkulagnu dabmak laippu iitta amu, da amu dilagnu nau ninig ele doottem, amge nahip ɗonu da ool mauhtte.

Aisaia 29:13

Am Naɗi Nug atte. “Danab ah imu ag oɗelagppan nai mattiakppa da gumiɗna uɗitteb. Ao, ag nai mattiak ahilagppa da binal meɗatteb, amge ag oolag da ii meɗatteb. Ag dup nona binal metteb, amge ag danab dilag dabmakppaib, amu ag danab dilag ɗoppaib amu hetteb.

Hosea 10:2

Israel danab ah ag hambuppuak danab ah daatteb; ag eheɗ hetteb amunu, ag bu aoglagoitte; Yawe Nug geha kayak hambuppuak dilag qaɗab loppaɗatta; Nug men gappi ahilag ele maduduɗeb nekkulag.

Matyu 6:22

Na amen am, na beɗun laih laih oh amahlak madatte. Na amen ena dayeb amu, na beɗun laih laih oh am amahlak ele daaglag,

Matyu 6:24

Danab laippu nug gumak danab aɗit dilahnu uɗat hekkunu elele iitta. Am nug laanu oo mauhebeb, laanu amu nug ooppa nau ninig ele dookku. Doyaya, laaib amu nug dim lamittatta, laa amu dimedakku. Ag danab ah, ag Kayaknu uɗat, amu enub uɗat ele oh hekkulagnu elele iitta.

Jems 1:7

Danab anam amu, nug Naɗi Nug keeke laa nug medakkunu ii dabmema.

Jems 4:8

Ag Kayak gumidna wappeg amu, Nug ele ag gumatta dokku. Danab nug eppeg leppa ihe, dubuttid iitta daatte bia amu, ag hipunin danab ag heppeg, ag ahilag oiyak am dubuttid iitta ele dayaɗ! Ag danab ag dabmak laippu iitta, ag heppeg, ag oolag oppiak dayaɗ!

2 Pita 2:14

Hambuppuak ippunittak danab amu ag ewau pakkua gappai hak kobol hekkulagnu ah oh neekkadnana daatteb, ag hipunin hekkulagnu oolag ahakib daatte. Ag kobol amu henana, laa ag kobol tutukku dim lamittaknu bodoettak amu eeɗatteh, ag hipunin hetteb. Ag baubau awaknu hik aqeeqe men doɗo awaknu kobol amu, ag amu doon autna aotteb. Ag eheɗ laa awaknu anak waappa daanna oitteb.

2 Pita 3:16

Pol nug uɗug laala ele yaalattom, amu amuppa nug keeke oh da yaami, nug amunu ele yom. Nuhig yaakppa keeke laala doya oo maittaknu am uug ele, amu danab laala, ag am danab doyak elele ii awak, ag ooppa genab doyaknu mehuqak oh pehettak ele ii dootteb amu, ag Polnu nai amu ebqena, mehuqak augigiak, ag Kayaknu nai laala mehuqak augigiak hetteb bia hena, ag akka ag nob nau aoglagnu aakku ib bappaidtteb.