Jems 1:26 - Nobonob Baibel

²⁶ Am danab laa nug, “Da amu Kayaknu danab ena, da hanhan genab Kayak binag mettem,” awa akkutai, amge nug oɗe ii atognotte dayeb amu, nug nukka oo buppuidtte amunu, Kayak binag mak nuhig am keeke hamu.

Jems 1:26 Iomraidhean Croise

Job 15:13

Na amu hettem amunu, na nai nau mattinna, Kayak yaattem; na nai nau huanak na oɗenppa madittem.

Job 30:11

Gemu da Kayak Nug he, da gai-iitta, beɗul ele nauhak daattem amunu, ag dagattolppa daan, aɗi aɗi kobol hekkulagnu dabmak ahilagppa be, ag aakku hetteb.

Sam 141:3

O Yawe, na da ehaniɗppe, na oot daatte biaib nai madikkulnu oɗ medattem. Am da bakkum daakkulnu daatte haenppa da nai madipanu ehaniɗppe, da ii madipanu unuqidttem.

Sam 32:9

Na hos, miul ele ag diignu doyak tutukku iitta ele, ag mamelagnu nai dooglagnu, ag muɗippa qakkaladna gokkulagnu ulum mattaegeg gotteb amu, na amubia aib heme.” Yawe Nug anam awa atte.

Sam 34:13

na aɗi attem amu, na amunu pehettak dabmena, nai eheɗ aib mattime! Ao, nai hambuppuak laa aibnab aib mattime!

Prowerb 10:19

Nai huana mattiakppa amu, hipunin ele appa ana daatte; amge laa nug nai huana ii maditte, nug am doyak dabmak ena ele.

Prowerb 10:31

Genab tutukku hak danab ag oɗelagppa doyak dabmak ena ele nai maditteb; amge danab nug nai eheɗ tutukku iitta maditte amu, laa heeb, nug oɗe qamutak daakku.

Prowerb 14:12

Danab laa ib laa andatta, ib amunu nug nukka nuhig dabmakppa, “Ib imuam ib tutukku,” atte; amge ib amunu gog tak am mauhak.

Prowerb 15:2

Danab doyak dabmak ena ele ag nai doyak ena ele maditteb; amge danab ag Kayak dab-ii-menan ii dim lamidna oitteb, ag Kayak dab-ii-maama haknu nai huana maditteb.

Prowerb 16:10

Nai Kayak oɗeppa daatte, king nug nai amu maditte; nug aɗi nai madikku amu, nai amuam nai doya mala hettoɗia epeɗia elele mettak kobolnu nai ele laippu daaglahoitte.

Prowerb 16:25

Am danab laa ib laa andatta, nug nukka nuhig dabmakppa, “Ib imuam ib tutukku,” atte; amge ib amunu gog tak am mauhak.

Prowerb 19:1

Danab nug Kayaknu neekkakppa danab ooppa kaliak laa iitta ele daatte, me nug daɗek daatte dayeb, nug Kayaknu neekkakppa am danab ena amunu, nuhignu am nau iitta; amge danab nug Kayak dab-ii-maama ii dim lamidtte, nug nai eheɗ, tutukku iitta maditte dayeb, nug Kayaknu neekkakppa nau hette amunu, nuhignu am nau.

Prowerb 21:26

Danab bahi iittanab nug hanhan keeke baubaunu oo huana hette; amge genab tutukku hak danab ag oo qak iittappa laa keeke madatteb.

Aisaia 1:13

Ag mana mettak hamu haen oh aon uɗitteb amu, da mana mettak amunu, da ool ii daatte. Ag amu baula aib heppig! Ag uueg! Ag kalu danab ile, muttuɗig enanag bette amu, ag kalu amu amotna, da meɗatteb, amge da noolppa danab uɗig naunab doya, baula dookkunu ooppa uuaknab dootte, amubia da doottem. Ag kalam bau deɗppa, Sabat deɗppa, amu Kayak dabmekkulagnu deɗ laala eleppa ag qagmenana, ⌊oɗelagppaib da binal menana,⌋ nau ele hetteb. Da qagmak eheɗ ahilag amu baula anidkkulnu ool iinab daatte.

Aisaia 44:20

Danab nug kayak hambuppuak dottog hoiya, binag mette ele, nug am dabmak iittanab iitta. Nuhig doyak am kaliak dayaya he, danab amu nug ib tutukku apiɗitta malom. Nug nukka, nug padal memanu nugakka ehanidkkunu elele iitta dayaya, nug dabmak nau nuhig uua, “Kayak hambuppuaknu dottog imu da eppelppa aɗattem ele, keeke amuam keeke genab iitta, am keeke hambuppuaknab,” akkunu ele, elele iitta.

Malakai 3:14

Ag anam aeg, Yawe Nug ag oɗelagppa awa atte. “Ag inam appig. Ig Kayak waappa daata, Nug oɗe dim lamidkkunig amu, ig meu ena laa ii anidmata. Aɗinu? Ig nuhig ɗo dim lamidmut amu, amuppa ig aɗi keeke ena aomut? O laa amu, ig Yawe Nukka Ɠagattag Oh Ele noobppa danab nug hipunin qa, ooppa guittak okkai amunu doya, lamen heɗiag ele takka, Yawe noobppa anam oitte bia oimut amu, amuppa ig aɗi keeke ena aomut?

Matyu 15:9

Ag dup nona binal metteb, amge ag kobol genab dim lamidna ii hetteb. Iitta. Ag danab dilag dabmakppaib, amu ag danab dilag ɗoppaib amu hetteb,’ awa yom.” Jesus Nug anam aum.

Mak 7:7

Ag dup nona binal metteb, amge ag kobol genab dim lamidna ii hetteb. Iitta. Ag danab dilag dabmakppaib, amu ag danab dilag ɗoppaib amu hetteb.’

Luk 8:18

Ag nai dahil dootteb ele, ag nai amu dabmenan dayeg! Danab nug Kayaknu keeke awa, uɗat pehettak medatte amu, Kayak Nug amu laa ele medakku. Metteb, nug happiak ele daakku, amge danab nug Kayaknu keeke awa, uɗat pehettak ii medatte, nug ‘Da iikku aomi, dahilib daakku,’ atte amu, Kayak nug nuhig keeke awom amu eɗua aɗidkku,” awa aum.

1 Korint 15:15

Eɗua hibaittak nai am nai genab iitta daatte daalo, aria ig hambuppuak danab daatta, Kayak nai amu mehuqttem. Aɗinu? Ig Kayak he, Kristus eɗua hibaittom, ig nai amu miag atiak mehuqttem. Amge Kayaknu ɠagattagppa mauhak danab ag eɗun ii hippaidmana, nai amuam genab daalo, aria Kristus ele Kayaknu ɠagattagppa eɗua ii hippaidlo.

1 Korint 15:2

Ag da Nai Ena ag amelagppa mehuqmi ele ɠagattag aɗatteb dayeb amu, Kayak Nug nai amuppa ag eɗua diitte. Ag ɠagattag ii aɗatteb dayeb amu, ag hamu oolagppa genab dooppig.

1 Korint 3:18

Amge laa nug nugakka buppuidmanu dabmaɗ! Ag oolagppanu danab laa nug wannu haen imuppanu doyak dabmak ena okkai awom amunu nug, “Da am doyak dabmak ena ele danab,” dabmette dayeb, nug genab doyak dabmak ena ele danab ba daakkunu, nug wannu haen imuppan doyak dabmak ena ele oh qeeb naɗ!

Galesia 2:6

Aria danab da ele nai mattimut, ag da nai mehuqttem ele amu, ag nai amu ii tuɗidppig. Eleleib dooppig. Danab laa ag amu dilagnu, “Danab okkai,” atteb, amge amuam genab o genab iitta, da amunu dab-ii-mettem. Aɗinu? Kayak Nug danab dilag neekkakppa danab laanu, “danab onig ele,” laanu, “danab onig iitta,” Nug dabmak amu dab-ii-mette.

Galesia 2:9

Jems, Pita, Jon ele, laa ag ahilagnu, “Ag am ikki danab,” aon atteb amu, ag Kayak Nug ehanittak okkai hamu megatte amuppa Nug da uɗat imu hekkulnu meiɗom dooppig. Ag anam dooppig, amunu ag da Barnabas ele i eppenih aɗaeg, ig oonig laippu meta, da Barnabas ele i am iitta aɗi oolagppa uɗat hebupuɗ, ag am Juda danab oolagppa uɗat hekkulagnu amut.

Galesia 3:4

Anukka ag keeke ena aoppignu amu, gemu ag amu daulag atie, paɗaeg ne, meu ii ottete? Genab o genab iitta ag keeke ena amunu hamu doona paɗappigte?

Galesia 6:3

Danab laa nug nukka nug, “Da onil ele,” dabmette, amge nug onig iitta, danab amu nug nukka nug oo buppuidtte.

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

Epesus 5:4

Ag nai oppiaawak iitta, nai dabmak tutukku iittappanu, amu qiɗ hak nai nau ele amu, ag amu mattiglagnu elele iitta. Ag amu aib madippig. Iitta. Ag amu uuna, Kayak amegppa, “Ena heme,” anan dayeg!

Duteronomi 11:16

Amge ag dabmak eheɗ aomnanu dabmeig! Ag amu hekkulag dayeb amu, ag Yawe dimettaglag; ag kayak hambuppuak waappa daan, ag noolagppa dup nona binalag mekkulag.

Kolosi 4:6

Ag nai mattinna, ag hanhan oo bodoettak kobol dim lamidna, ag danab oh dilag oɗmak oolagppa daatte nob mekkulagnu elele daaglagnu, ag dabmak tutukku tatam aowona, nai mattieg!

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.

Jems 1:22

Ag akka ag oolag buppuidna, Kayak nai am keeke hamu bia aib dooppig. Ag nai amu doon, genab dim lamitteg!

Jems 2:20

Na danab dabmak tutukku iitta! Kobol ena hak ooppa genab doyakppa ii betteb dayeb, ooppa genab doyak amuam keeke hamu daatte. Da amu nai imuppa ippunidkkul.

1 Pita 3:10

Amuam Kayak naippa, nai daatte amubia. Nai amuam inam. “Aun laa nug bau daakkunu oo daatte; ao, aun laa nug haen elab dayaya, nug dayak ena dayaya, maɗoɗppan gamag ahak dookkunu oo daatte ele, nug aɗi atte amu, nug amunu pehettak dabmaama, nai eheɗ aib mattiom! Ao, nai hambuppuak laa aibnab aib mattiom!