Jems 1:2 - Nobonob Baibel

² O lailad, haen ag ma anttak digdigppa daatteb amu, ag amunu oolag aib ottaiom. Iitta. Ag maɗoɗppan gamag ahak doyeg!

Jems 1:2 Iomraidhean Croise

Aposel 5:41

Ag anam heeg, totol danab 12 ag Juda dilag hettoɗiak okkai onig Sanhidren, amuppanu dimittim gona, ag maɗoɗppan gamag ahak doona, inam dabmeppig. “Kayak nug ig Jesus onignu uɗa nak, guittak ele aognignu elele anikkom amu, amuam ena.” Ag anam dabmeppig.

Rom 5:3

Ig amunuib maɗoɗppan gamag ahak ii doottem. Iitta. Uug laa beɗunigppa uɗitte, amuppa ele ig maɗoɗppan gamag ahak doottem. Aɗinu? Ig doottem, ig uug doopput, uug amu ag ig oonig ɠagattag qedappeg, ig uug doyaya eɗittaknuib dabmak awak danab bekkunig.

Pilipai 2:17

Ag Jesusnu oolagppa genab dootteb, diig amunu ag Kayak waappa daan, Nug oɗe dim lamidtteb. Anam amu, amuam ag doɗ manan Kayak medatteb bia. Aria, da am wain gokkaɗaknu ofa ahilag mana mettak amu qaɗeppa gokkaɗaknu bia daakkul dayeb amu, da maɗoɗppan gamag ahak doottem, amu da ag ele maɗoɗppan gamag ahak amu dooglagnu ool daatte.

Pilipai 2:18

Anam amunu ag ele maɗoɗppan gamag ahak doobppeg, ag da ele oh ig maɗoɗppan gamag ahak dootu!

Kolosi 1:24

Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.

Hibru 10:34

Amu ag danab maniguittakppa daappig, ag amu dilag oolag doyom. Amu haen laala dimittim danab ag uɗin, ahilkad keeke ena ena aɗadna diippig, amge ag amunu oolag ii nauhom. Iitta. Ag maɗoɗppan gamag ahak doon uueg aoppig. Aɗinu? Ag ahilag keeke ena hanhannu, dimppa aoglagnu appa ana daatte dooppig.

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

Jems 1:16

O lailadnab, ag akka ag oolag buppuidna, “Kayak eheɗ hekkunignu eeɗak imu megatte,” amananu dabmeig!

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.

Jems 5:11

Ag doyeg! Ig, “Danab ag uug doyaya eɗittaknuib dabmak awak kobol dim lamidppig amu, ig ag itittak ena aoppig daatteb,” aot attem amunu, ag amu anidkkulagnu ag Jobnu kaya dabmekkulag. Ag dootteb. Nug oo ɠagattag qetta, uug oh nuhigppa beppig am mawom. Anam he, dimppa Naɗi nuhignu kobol ena he beum. Aɗinu? Naɗi Nug ihinignu oo gai-iitta doya oo mekka ehanikka auta aotte; Nug ihinignu oo bodoetta le mak ele doya auta aotte.

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.