Jems 1:19 - Nobonob Baibel

¹⁹ O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.

Jems 1:19 Iomraidhean Croise

Nehemaia 8:18

Ag Pehppa Dayaknu Hobul gamag ahak ele deɗ eblaih aɗit ele daappig, amu deɗ deɗppa Esra nug Kayaknu ɗo nai bukppa yaak niitte amu, nug buk amuppa ebqe dooppig. Ag deɗ eblaih aɗit anam hobul hewona, deɗ eblaih ewamppa, Kayak ɗo mattom bia, ag oh qagmeppig.

Nehemaia 9:17

Ag nahip nai dooglagnu uuppig. Ag hak kuɗum laa, danab hekkunu elele iitta, hak amu na ag noolagppa heme anidppig ele, ag hak amu daulag atiom. Ag na oɗen dim lamidmananu dabmak ahilag ɠagattag eppe henan, ag nahip nai tappaeg neene, ag danab laa nug ag noolag awa diieb, ag eɗun, Isip wanppa gona, eɗun ahilkad begbeg maɗi nid daaglagnu tituanppig. Ag amu oh heppig, amge na Kayak, ⌊na am kayak laa bia iitta. Iitta!⌋ Na danab hipunin hette ele, ⌊nug oo eɗueb,⌋ na hipunin amu uhuqna medattem. Na oo bodoette enanag maɗoɗ ele hak kobol dim lamidttem. Na danab ah dilagnu oot bodoetta, le mette. Na oot paha ii nauhtte. Nahip oo mauhaknab kobol am amba, leta nette. Na anam daattem amunu, na ig mamenkad aɗi amu, na ag ii uuadme.

Nehemaia 9:3

Ag qagmena, hippaidna daanna, tatam laa Yawenu ɗo nai bukppa yaak niitte ebqeeg doyegeg, haen aua ewam ukke, amu dimppa ag aua ewam laappa ag ahilag hipunin miagib mattina, Yawe amegppa anan, ag ele Yawe, ahilag Kayak, ag Nug noobppa dup nona binag meppig.

Job 32:16

Ag nai laa iitta, amge diig amunu da ele nai iite madipa? Ao, ag nai laa anana, Jobnu nai nob mekkulagnu elele iitta daatteb amunu, da tuɗid tuɗid, ag amelag mekkuloittete?

Prowerb 10:19

Nai huana mattiakppa amu, hipunin ele appa ana daatte; amge laa nug nai huana ii maditte, nug am doyak dabmak ena ele.

Prowerb 13:3

Aun laa nug aɗi attenu dabmetta auta aotte, nug am bau daakku; amge aun laa nug nai doyak iitta, diignu doyak tutukku iitta ele maditte amu, nug am nauhkku.

Prowerb 14:17

Laa nug oppoɗi paha paha bette ele nug keeke digdig dabmak tutukku iittappa hette; amge laa nug diignu doyak tutukku ele, nug oo bodoettak ele daatte.

Prowerb 14:29

Danab oo maɗoɗ ele dayak kobol dim lamidtte ele, nug am diignu doyak tutukku okkai ele daatte; amge danab nug oppoɗi bak paha dootte ele, nug am Kayak dab-ii-maama hak kobol dim lamitta oitte.

Prowerb 15:18

Danab nug oppoɗi paha bette ele, nug he, nug qak ahatte; amge danab nug oo maɗoɗ ele dayak kobol dim lamidtte, nug he, nai hak bodoedatte.

Prowerb 15:2

Danab doyak dabmak ena ele ag nai doyak ena ele maditteb; amge danab ag Kayak dab-ii-menan ii dim lamidna oitteb, ag Kayak dab-ii-maama haknu nai huana maditteb.

Prowerb 16:32

Danab nug oo maɗoɗ dayak ele kobol dim lamidtte, nug ban danab ɠagattag eɗidtte. Ao, danab nug oppoɗi bak nuhig aɗe ukke bodoedatte, nug ban danab nug aab okkai laappanu ban danab eɗatte, padal metteb, am nug eɗidtte.

Prowerb 17:14

Digma nug aittak haknu, amuam le ettakppa, le noa gokkunu oɗe hak daatte bia, nug aittak amu paha naɗi mekkunu daatte; diig amunu nug mehqak ukka naɗi memanu, paha heppeg iitta maɗ!

Prowerb 17:27

Danab nug doyak ena ele nug nai kuɗum ii maditte; danab nug diignu doyak tutukku ele, nug oppoɗi paha ii bette.

Prowerb 18:13

Danab nug dab-ii-mettowa, nai nob mette amu; danab amu nug Kayak dab-ii-maama hak hette, nug uɗa nak kobol hette.

Prowerb 18:21

Na aɗi nai madittem, amuppa na meu aottem. Na amuppa bau daakkut, o mauhkkut. O iitta, laa nai amuppa bau daakku, o mauhkku; danab ag nai dabmettanna maditteb, ag amuppa nob ena aoglag.

Prowerb 19:11

Danab nug doyak dabmak ena ele daatte amu, doyak dabmak ena amuppa nug oo maɗoɗ ele dayak danab daatte; haen danab laa nuhigppa eheɗ he, nug eheɗ hak amu uhuqa medatte, kobol amunu danab ah ag nug binag metteb.

Prowerb 19:19

Danab nug paha paha oppoɗi beebe, eheɗ hettenu amu, na uuppe bu awaɗ; amunu diig am, na nug bu aomanu ehanidkkut dayeb amu, na eɗun nug baubau ehanidkkutnu daakkut!

Prowerb 21:23

Danab nug aɗi nai madittenu dabmetta auta aotte; nug uug naunab nuhigppa bemanu aakku hette.

Prowerb 25:28

Danab nug nukka nug nuhig oiyak pehettak atognoak ii hette amu; amuam aab okkai laa aɗ loppaɗa, na qak daatte, amubia.

Prowerb 29:20

Danab nug Kayak dab-ii-maama ii dim lamidtte, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug tatam ii dabmewowa nai maditte amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Namba 22:27

Donki nug Yawenu engel haen imuppa antta amu, Balam gomeppa dayeye, nug ibppa nona niieye, Balam nug oo nauhe, donki amu dudqak hokkatppa makkuɗom.

Matyu 5:22

Amge da ag amelagppa attem. Danab laa nug layagnu oo nauhkku dayeb, nug hettoɗiakppa daakku. Danab laa nug layag amegppa, ‘Na am genabnab danab kaaka,’ akku amu, nug hettoɗiak okkai onig Sanhidren, appa daakku. Amge laa nug layag amegppa, ‘Na am genabnab genab danab nau,’ akku amu, nug mua laa oh eɗattak, padal mak abenppa gokkunu hette.

Mak 12:37

Ag iikkud antteg! Danab nug, nug bekkanu, ‘Naɗi’ ii atte, amge Dawit nug nukka, nug Kristusnu, ‘Naɗi,’ aum amunu, ig attemun Kristusnu, ‘Nug am Dawit bekka,’ akkunig?” awa aum. Awa a amu aabppan danab ag nuhig nainu enanagnab dooppig.

Mak 2:2

ag ahan, lag Nug dayom ele amuppa gona qagmeppig. Kuɗumnab goppig amunu, lag ooppa dimittim ele ag aben oh ituppig. Itun daaegeg, Nug Kayak nai mehuqom.

Luk 15:1

Amu takis awak danab, danab ag Juda dilag ɗo oh ii dim lamidppig ele, ag Jesus gumidna uɗina, nuhig nai dooppig.

Luk 19:48

Amge danab ah oh ag nuhig nai dooglagnu wagai mena heppig amunu, ikki danab ag Nug qeppeg mauhkkunu ib laa ii anidppig.

Aposel 1:15

Ag anam daanna, haen amuppa Pita nug danab ah ag Jesusnu oolagppa genab dooppig ele, ahilag ebqak 120 anam amu, nug ag oolagppa aha hibaitta Judasnu inam mattiom.

Aposel 10:33

Nug anam a amu da paha hei, danab laala na omaidkkulagnu ukkaeg, am na ena hena uɗime. Aria, ig oh Kayak noobppa inam daatta amu, Naɗi nuhig nai oh Nug na appe doognignu a doome ele amu, na appe doognignu daattem.” Kornilius nug Pita amegppa anam aum.

Aposel 13:48

Pol nug anam aum, aria haen iitta aɗi ag nai amu doona, ag oolag gamag ahehe, ag Naɗinu nai amu humidnana, danab ah ag Kayaknu bauklel hanhannu aoglagnu daappig ele amu, ag oolagppa genab dooppig.

Aposel 17:11

Am Juda danab Beria daappig amu, ena haknu, ag diilag am Juda danab Tesalonaika daappig eɗittak. Aɗinu? Ag nai Pol mattiom ele dooglagnu oolag ahe, ag doon autna aoppig. Ag doon aon, Pol nai attom am genabte, o iitta genab iittate amu, ag amu dooglagnu deɗ ohppa Kayak nai ebqeppig.

Aposel 2:42

ag totol danab 12 nai mehuqegeg doonna, nug ena doyaya dayak ele daanna, ee laippu lanan, Kayak unuqidppig.

Epesus 4:26

Ag oolag nauhkku dayeb amu, ag hipunin hemananu dabmeig! Ag oolag nauhkku dayeb, oo nauhak amu nug dayebeb ukkeb, aam aib noum. Aam ii noak haenppa ag oolag laippu meig!

Epesus 4:31

Ag laanu ninig doyak kobol, oppoɗi be ameg kokoɗ eppak kobol, oo nauhak kobol, muttub qak kobol, baeg qak kobol amu kobol laa oh ele oo aeg bak bia amu, ag amu ele uueg!

Kolosi 3:15

Kayak Nug ag tamaniak laippu maɗoɗ ele daaglagnu ag onilagppa eum amunu, Kristusnu maɗoɗ, Nug ig megatte ele, maɗoɗ amu nug hanhan ag oolag gumebeb oiyeg! Amu ag hanhan Kayak amegppa, “Ena hen megattem,” aon aig!

Kolosi 3:8

amge ag Jesus ele bau hippaidppig, ag kobol amu oh uuppig amunu, ag gemu oo nauhak kobol, oppoɗi be ameg kokoɗ eppak kobol, oo aeg bak kobol, baeg qak kobol, amu nai nau mattiak kobol ele, ag kobol amu oh ele agappeg ukkeg!

1 Tesalonaika 2:13

Ig ag amelagppa nai mehuqmut amu, ag wanppanu danab dilag nai bia ii aoppig. Iitta. Ag nai amunu, am Kayak nai, tutukku doonna aoppig amunu amu, ig haen oh Kayak amegppa keeke amunu ele, “Ena heme,” aot attem. Nai amunu amu ag oolagppa genab dootteb ele amu, nug ag oolagppa uɗat ɠagattag heehe, meu aakku bette.

Jems 1:16

O lailadnab, ag akka ag oolag buppuidna, “Kayak eheɗ hekkunignu eeɗak imu megatte,” amananu dabmeig!

Jems 1:2

O lailad, haen ag ma anttak digdigppa daatteb amu, ag amunu oolag aib ottaiom. Iitta. Ag maɗoɗppan gamag ahak doyeg!

Jems 1:26

Am danab laa nug, “Da amu Kayaknu danab ena, da hanhan genab Kayak binag mettem,” awa akkutai, amge nug oɗe ii atognotte dayeb amu, nug nukka oo buppuidtte amunu, Kayak binag mak nuhig am keeke hamu.

Jems 2:1

O lailad, ag Naɗi ihinig Jesus Kristus, Nug binag amahlak oppiaawak ele amu, ag nuhignu oolagppa genab dootteb amunu, ag danab onilag okkai ele amuib atognoadna, danab onilag iitta ele am keeke hamu bia anadkkulagnu aib heppig.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Jems 3:10

Kayak binag mak nai, amu nai nau ele aa oh ig oɗenig laippuppa bettep. O lailad, ig kobol anam laa ii helom am ena.

Jems 4:11

O lailad, ag lailkad dilagnu nai eheɗ aib appig. Danab laa nug layag laanu nai nau atte, o iitta nug layag epeɗitte ele amu, nug ɗonu ele nai nau ana, ɗo ele epeɗitte. Aria, na ɗo epeɗittem dayeb amu, na ɗo dim lamittak danab iitta; na ɗo epeɗittak danab daattem.

Jems 5:12

Amge O lailad, anuqak amu ag inam hekkulag. Ag aib hab onig o iitta wan onig, o iitta keeke laa onig diina, ahilag nai, nai amuppa ɠagattag qedappig. Iitta. Ag “Iitta,” akkulagnu dayeb am, “Iitta,” akkulag. Am aakku elele. Aria ag, “Yo,” akkulagnu dayeb amu, “Yo,” akkulag. Am aakku elele. Am ag keeke laa onig diin, ag ahilag nai ɠagattag qettan akkulag amu, Kayak Nug geha ag epeɗiatta, nob nau madakku.

Jems 5:19

O lailad, ag lailag laa ag oolagppanu nug doyak diig genabib dimetta oiyebeb, laa nug eɗua eeɗeb dokku dayeb, ⌊eɗua eeɗeb doaknu kobol, amuam enanag⌋.

1 Jon 2:21

Ag doyak diig genabib ii dooppig amunute da imu yaattem? Iitta! Ag doyak diig genabib amu dootteb amunu, da ahilagnu yaattem. Amu ag ele dootteb, nai hambuppuak laa doyak diig genabibppa ii daatte.