Jems 1:15 - Nobonob Baibel

¹⁵ Amu danab nug aɗi keekenu oo huana hette ele amu, oo hak amu nug okkai me, danab nug hipunin hette. Hipunin nug okkai ma male amu, meu nuhig am mauhak.

Jems 1:15 Iomraidhean Croise

Genesis 2:17

amge na keeke ena, keeke nau ele doyaknu ad, nuhig meu amu, na aib lame. Aɗinu? Deɗ laa na lawona, na mauhkkut,” awa aum.

Genesis 3:6

Aria, haen ah nug ad meu amuam anttaknu ena antta, lanaknu ele ena antta, doyak dabmak ena ele medakkunu elele, ele antta, amu nug meu awa lawowa, gamu nug ele daapiɗ ele mette, nug ele laum.

2 Samuel 11:4

Nug anam a, Dawit doyowa, nug nuhig ehanittak laala ag gona, ah amu omalna uɗilagnu he goppig. Nug he ukkaeg, ah ele oh uɗieg, Dawit nug ah amu ele niipiɗ. Ah amu nug ii uɗiom haenppa kalam qak nuhig male, nug Kayak ele ouqeya daaglahnu elele iitta daamanu, nug ahilag ɗo bia nug Kayak ele ouqa dayaknu elele daaglahnu babaittak oh ha malom. Dawit nug ah amu ele niioya, ah amu nug aha, eɗua nug laugppa ukkom.

Job 15:35

Nau hak danab ag kobol nau hekkulagnu dabmak aon oitteb. Ag eheɗ hetteb. Ge, hambuppuak kobol ag oolagppa daatte.” Elipas nug Job amegppa mattia, anam aum.

Sam 7:14

Nau hak danab ag am kobol nau hekkulagnu dabmetteb. Ao, ag kobol nau hekkulagnu maittak aonna, hambuppuak nai maditteb.

Sam 9:17

Am nau hak danab ag Kayak ele ii daamna. Iitta! Ag mamak abenppa daaglag. Ao, wan imuppan wan ohppan danab ah ag Kayaknu daulag atitte ele amu, ag ahilagppa anam bekku.

Prowerb 11:19

Genab tutukku hak danab nug bau daakku; amge aun laa nug kobol eheɗ haaha oitte, nug mauhkku.

Aisaia 33:11

⌊Ag kekeɗ dahilad amu,⌋ ag am keeke hamu, wit qaɗu qaɗaiettak bia. Aab ewawa, wit qaɗu qaɗaiettak amota eotte, amubia ag akka akka anam henana nauhkkulag.

Aisaia 59:4

Hettoɗiakppa ag oolagppan laa nug nai tutukku ii maditte. Ge, hettoɗiakppa ag oolagppan laa nug nai genabib ii maditte. Juda danab ah ag oh nai meu iitta, nai hamu, ag nai amu hambuppuna mattinna, ag nai amu ehanadkkunu dabmetteb. Danab wau ele aa oiyya, ah nug nid ele daya, nid menutte, amubia ag uug bekkulagnu heeg beeg, kobol eheɗ ele betteb.

Matyu 26:14

Aria, haen amuppa ippunittak awak danab 12 ag oolagppan laa onig Judas Iskariot, nug mana mettak danab okkai gumatta ukkom.

Matyu 5:28

amge da ag amelagppa inam attem. Danab laa nug amegppaib ah laa antta, nug ele oiglahnu dabmette amu, danab amu nug ewau pakkua gappai hak kobol aakku heum.

Jems 1:14

Amge danab nug hipunin hekkunu eeɗak dootte amu, aɗi keeke nug amunu oo okkai hette ele, keeke amu nug he, danab amu nug hipunin hekkunu eeɗak dootte. Nug doɗ, ee laanu oo huana hette ele amu, nug ee amu muttuɗig doya ukka, pelemppa notte, amubia danab nug aɗi keeke amunu oo huana hette ele amu, amuppa nug eheɗ hekkunu eeɗak aotte.

Jems 1:18

Iitta! Nug nukka dabmak nuhig dim lamitta, Nug nai nuhig doyak diig genabibppanu, Nug amuppa ha, ig Nug danab ag attem daaglagnu dabmeum ele amu, ig amubia daagnignu Nug bauklel ig mekkom.