Jems 1:14 - Nobonob Baibel

¹⁴ Amge danab nug hipunin hekkunu eeɗak dootte amu, aɗi keeke nug amunu oo okkai hette ele, keeke amu nug he, danab amu nug hipunin hekkunu eeɗak dootte. Nug doɗ, ee laanu oo huana hette ele amu, nug ee amu muttuɗig doya ukka, pelemppa notte, amubia danab nug aɗi keeke amunu oo huana hette ele amu, amuppa nug eheɗ hekkunu eeɗak aotte.

Jems 1:14 Iomraidhean Croise

Genesis 3:6

Aria, haen ah nug ad meu amuam anttaknu ena antta, lanaknu ele ena antta, doyak dabmak ena ele medakkunu elele, ele antta, amu nug meu awa lawowa, gamu nug ele daapiɗ ele mette, nug ele laum.

Genesis 6:5

Amu Noanu haenppa Yawe nug danab dilag kobol, amu dabmak ele nauib daye anttom.

Genesis 8:21

Mana mettette, Yawe Nug mana mettak amu muttuɗignu ooppa ena doya, Nug nukka, Nug ooppa inam aum. “Da danab dilag eheɗ hak amunu wan eheɗ laa awaknu anak waappa daakkunu memi imubia baula iinab hepa. Aɗinu? Da doottem, danab nug menuak haenppa ukka ukka, mauhak nuhigppa amu, keeke laa nug danab ooppa hipuninppa eeɗkkunu daatte. Amu laa ele, da hemi bia, da keeke oh bau daatteb ele amu, baula heppi, ii mauhmana.

2 Samuel 11:4

Nug anam a, Dawit doyowa, nug nuhig ehanittak laala ag gona, ah amu omalna uɗilagnu he goppig. Nug he ukkaeg, ah ele oh uɗieg, Dawit nug ah amu ele niipiɗ. Ah amu nug ii uɗiom haenppa kalam qak nuhig male, nug Kayak ele ouqeya daaglahnu elele iitta daamanu, nug ahilag ɗo bia nug Kayak ele ouqa dayaknu elele daaglahnu babaittak oh ha malom. Dawit nug ah amu ele niioya, ah amu nug aha, eɗua nug laugppa ukkom.

Job 31:9

Da danab laa nug wau eeɗila heebeb, da nug ele oignihnu dabmein helomlob amu, ⌊da amunu mauhppi,⌋ dahil ah nug danab laa wau dayebeb oiglah am elele, am tutukku! Ao, da dahil mudippan layal laanu ah ele niignihnu ib babaittette, nug laug odppa daye helomlob amu, danab laa nug ah dahil awa, nuhig ah daalo am elele, am tutukku.

Prowerb 4:23

Nahip bau dayak attem gokku amu, na oot unuqagnabppanu bette amunu, na oot unuqagnab dabmettan, aut autnanab awe!

Aisaia 44:20

Danab nug kayak hambuppuak dottog hoiya, binag mette ele, nug am dabmak iittanab iitta. Nuhig doyak am kaliak dayaya he, danab amu nug ib tutukku apiɗitta malom. Nug nukka, nug padal memanu nugakka ehanidkkunu elele iitta dayaya, nug dabmak nau nuhig uua, “Kayak hambuppuaknu dottog imu da eppelppa aɗattem ele, keeke amuam keeke genab iitta, am keeke hambuppuaknab,” akkunu ele, elele iitta.

Hosea 13:9

O Israel, ag nauhkkulag. Aɗinu? Ehanittak ahilag am daib, ⌊amge ag uuiɗppig⌋.

Matyu 15:18

Amge keeke nau oh danabnu dabmakppa dayaya, oɗeppa dimittim bette ele amu, amuppa danab nug oo dubuttid ele daatte.

Matyu 15:20

keeke amu oh amu ag heeg, danab nug oo dubuttid ele daatte, amge danab laa nug eppeg ii ihowa ee latte amu, nug oo dubuttid ele ii daatte,” awa aum.

Matyu 4:1

Haen amuppa Kayak Ouɗi Nug Jesus omala, atu taɗakppa, amuppa Satan nug Jesus eheɗ hekkunu oo eeɗkkunu, nug appa ukkom.

Matyu 5:28

amge da ag amelagppa inam attem. Danab laa nug amegppaib ah laa antta, nug ele oiglahnu dabmette amu, danab amu nug ewau pakkua gappai hak kobol aakku heum.

Rom 7:11

Aɗinu? Ɗo uɗiom amuppa hipunin nug ib ele dayaya, nug da hipunin hekkulnu da buppuiɗa, ɗo he, da aakku hipunin hei amu, ɗo Nug dahilnu, “Na mauhkkut,” aum.

Rom 7:13

Aria, gemu amu attemu? Keeke ena, amuam ɗo, keeke amute da iwe mauhmi? Iittanab iitta! Hipunin da iwe mauhmi. Amuppa amu, hipunin miag atie, ig nug keeke naunab daatte doottem. Hipunin nug keeke ena amu awa, amuppa haaha, oiɗe mauhmi amunu, hipuninnu diig miag atitte; nug am keeke naunab.

Epesus 4:22

Anam amunu, ag nai aoppig bia, ag oolag alag, nug dabmak eheɗ awa, kobol nau digdig hekkunu dabmaama, mauhkkunu hette ele, nug he, ag matu nuhig dabmak dim lamidppig ele amu, ag oiyak amu uueg!

Hibru 3:13

Ag gemu haen imuppa Nug baag dooglagnu elele daatteb amunu, Nug haen imunu, “Gemu,” awa atte amunu, ag haen imuppa deɗ ohppa eheɗ hak kobol laa ag oolag bubuitteb, ag oolag ɠagattag eppamnanu amu, ag ag lailkad Nai Ena amelagppa mattinna, dabmak ahilag maɗatteg!

Jems 1:13

Am hipunin hekkunu eeɗak haenppa danab laa nug, “Kayak da eheɗ hekkulnu eeɗiltte,” aib aum. Aɗinu? Kayak Nug eheɗ hekkunu eeɗak ii dootte, amu Kayak Nug danab laa eheɗ hekkunu ele ii eeɗtte.

Jems 1:15

Amu danab nug aɗi keekenu oo huana hette ele amu, oo hak amu nug okkai me, danab nug hipunin hette. Hipunin nug okkai ma male amu, meu nuhig am mauhak.