Jems 1:10 - Nobonob Baibel

¹⁰ Amge ig Kristen lainig laa nug enub ele amu, nug anukka, “Da am enul okkai ele amunu da am danab okkai ɠagattag ele daattem,” anam dabmak awom, gemu ⌊nug Jesusnu ooppa genab dootte, nuhigppaib ehanittak hanhannu aotte amunu,⌋ dabmak alag, amuam iitta meum, diig amunu nug ele maɗoɗppan gamag ahak dookku am ena. Aɗinu? Bala haɗag paha qaɗaiedatteb, amubia enubnu keeke am anam aakku iitta mekku.

Jems 1:10 Iomraidhean Croise

Job 14:2

Bala ag hamu paha bena, eɗun bunaɗna iitta metteb bia amu, danab oh ag anam hetteb; lombig itotog wanppa paha ukka qettoɗtte, amubia danab oh ag anamnab hetteb.

Sam 102:11

Da bau dayak dahil am tueb itotog paha iitta mette bia hette. Da gikkiɗah qaɗaiedatte bia hettem.

Sam 103:15

Ihinig deɗ wanppanu amu, amuam gikkiɗah bia; bala haɗag mappata mauhtte, amubia ig mauhttem.

Sam 37:2

Aɗinu? Gikkiɗah nug paha qaɗaiedatte, amubia nau hak danab ele ag paha iitta mekkulag. Yo, bala haɗag ag haen tutuib daatteb, amubia nau hak danab ag haen tutuib bau daaglag.

Sam 39:6

Danab ah ig am danab ah ittotolag bia daattem. Itotolag amu aɗitai laa ii hette. Ig paha paha keeke kuɗum hettem, amge amu oh am meu iitta. Ig en huana awota, ig mauhttem. Ig mauhota, ig en bakkalen qagmettem amu, ig aun men doɗo amu gumakku ii doottem.

Aisaia 40:6

Baag laa aum. “Na nai a!” A amu da ami. “Aɗi nai da madikkul?” Awe ai, amu baag amu da oɗelppa awa aum. “Danab oh ag gikkiɗah bia daatteb, binag amahalak oppiaawak ele ahilkad am bala haɗag bia daatte. Gikkiɗah qaɗaiedatte amu haɗag oh mauɗna, nena qetteb. Na anam aon appe doyeg!” awa aum.

Aisaia 40:7

Anana am tuɗitta aum. “Gikkiɗah bunaɗtte, bala mauɗna, nena qetteb. Aɗinu? Yawe Nug ulah iwale, ahilagppa gotte. Am genabnab genab, danab ah ag gikkiɗah bia paha mauhtteb.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Matyu 5:3

“Danab aun aɗi ag oolagppa, ag am elele iitta dootteb ele amu, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Matyu 6:30

Ag antteg! Gikkiɗah gemu hippaitta daatte amu, butti ag okkulna, aab aɗuppa maoppeg tekku. Gikkiɗah am keeke hamu bia, amge Kayak Nug bala medatte amunu, ag tutukku doyeg! Kayak Nug ag ele genabnab dabmadakku. Ag oolagppa genab nakokib dootteb.

1 Korint 7:31

Danab ag wannu keekeppa uɗat hetteb amu, ag am, “Ig wanppan keeke imu ɠagattag ii aɗattem. Ig keeke laa ii aɗat, hamu daattem,” amubia dabmenan daaglag am ena. Ig doottem, geha wan imuam baolieb, gemu daatte amubia ii daama.

Pilipai 3:8

Amu da keeke amunuib ii attem. Iitta. Da aɗi keeke laa awen, Jesus ele ouaqaten, laippu elele bia daattep dookkulnu elele iittanab iitta doottem. Jesus nukka am enanag. Keeke laa ohnu, da keeke amunu am keeke ena, keeke genab ele ii doottem. Laippuib am Kristus Jesus, Nug am dahil Naɗi, doyak amuam keeke genabnab doottem. Amu da Kristusnuib daakkulnu dabmein, keeke laa oh akkai goppig. Keeke amuam kinipan bia doottem. Amu da Kristusnuib daakkulnu, Nug ele laippu daagnihnu aakkuib ool daatte. Amu da ɗo dim lamittak kobolppa genab tutukku hak danab daakkulnu ool ii daatte. Iitta. Da genab tutukku hak danab daakkulnu amu, da Kristusnu oolppa genab doottem, amuppa Kayak Nug dahilnu, “Genab tutukku hak danab,” awa akkunu ool daatte. Genab tutukku dayak amunu diig am da iitta, am Kayak, amu danab nug ooppa genab doyakppa aotte.

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

Jems 4:14

Ag aɗi keeke butti bekku amu ag ii dootteb. Ahilag bau dayak haen imu attemnab daatte am ag doottebte? Ag am buttuɗai aha, nakoknab dayowa iitta mette bia. Ahilag bau dayak haen anam biaib daatte.

1 Pita 1:24

Kayak naippa nai amunu inam daatte. “Danab oh ag gikkiɗah bia daatteb, binag amahlak oppiaawak ele ahilkad am bala haɗag bia daatte. Gikkiɗah qaɗaiedatte, haɗag oh mauɗna, nena qetteb,

1 Jon 2:17

Wan amu wanppanu keeke, danab ag aoglagnu amelag qette ele amu, keeke amu oh ag iitta mekkulag, amge aun laa nug Kayak oɗe dim lamidtte amu, nug hanhan bau daakku.