Jems 1:1 - Nobonob Baibel

¹ Da Jems, da Kayak, Naɗi Jesus Kristus ele dilah maɗi nid. Da Juda danab ag Juda wanppa ii daatteb, ag wan atu laappa daanna oitteb ele amu, da ahilagnu ehanattak nai iikku yaattem. Da ag humadttem.

Jems 1:1 Iomraidhean Croise

1 King 18:31

Nug amu hekkunu amu, nug men 12 qaɗab hekkunu diiom. Jakop buɗub Israel dilag huu okkai 12 daappig, ebqak amubia nug men awom. Anukka Yawe nug Jakop amegppa aum. “Na onin amu Israel daakku,” awa aum.

Esra 6:17

Ag Kayak laug qeapinna Kayaknu tituanna mettaglagnu amu, ag makau dawai 100, sipsip dawai 200, sipsip gaiɗ 400 manadna, Kayak mettan, ag meeme dawai 12 ele, ag anen anen am Israel dilag huu okkai anen anen dilagnu, ag Israel oh dilag ib etta hipunin haknu ofa daaglagnu ele manadna Kayak medappig.

Esta 3:8

Anam daye amu, Haman nug King Ekserksis gumitta ukka aum. “Danab ah diig laa ag nahip ɗo waappa prowins ohppa daatteb. Ag ahilag ɗo am aabaab laa ele laippu iitta. Ag king nug ɗo mette, amge ag dim lamittaknu uutteb amunu, king nug ag uuatteb daaglagnu am ena iitta.

Eksodas 24:4

Am Moses nug Yawenu nai amu oh yom. Nug amu he, deɗ amu uue, nug buttuanab aha, qauko amu diigppa qaɗab laa qewowa, qaɗab amu guguitta, nug men 12, Israel dilag huu okkai 12 amu oulag daaglagnu, nug anam diia qappalattom.

Eksodas 28:21

Aria, men 12 amu laib laib ohppa ag Israel bekkod onilag, laa onig am men laappa, laa onig am men laappa, ag anam otaɗadppeg ukkeb, ag Jakop bekkod nid danab 12, ag amu onilag otaɗadna malappeg, ag anen anen Israel dilag huu okkai 12 dilag at dayeg!

Eksodas 39:14

Aria, men 12 amu laib laib ohppa ag Israel bekkod onilag, laa onig am men laappa, laa onig am men laappa, ag anam otaɗatteg ukke, ag Jakop bekkod nid danab 12 amu onilag otaɗadna malaeg, ag anen anen Israel dilag huu okkai 12 dilag at daappig.

Esekiel 12:15

Da heppi, Israel danab ah ag wanppan wan laalappa daaglag. Ao, da heppi, ag atu digdigppa matatun gona daaglag. Ag anam daan, ag dooglag, da am Yawe.

Lewitikas 26:33

Da heppi, ag tamtam gona, wanppan wan anen anen, amu oolagppa ag daappeg, da heppi, danab ag banelag uɗin, ban heppeg ukkeb ukkeb aqaglag. Ahilag wan am nauhaknab dayeb, aab okkai ahilkad loppaɗe nak daaglag.

Matyu 10:3

⌊Laa oh am,⌋ Pilip, Bartolomyu, Tomas, Matyu ele; Matyu nug am takis awak danab. Aria, Alpius bekka Jems, Tadius,

Matyu 13:55

Nug am lag hak danab bekka! Ig doottem, Maria amu nug anig. Nug amakkud am Jems, Josep, Judas, Saimon ele.

Matyu 19:28

Nug anam a amu Jesus Nug eɗua, ag oh amelagppa aum. “Da genab ag amelagppa attem, keeke oh bau bak haenppa, Danab Bekkalag da, da sia king binag amahlak oppiaawak ele dahilppa daabppi, ag da dim lamiɗtteb ele ag sia king 12ppa daanna, Israel dilag huu okkai 12 amu gumadkkulag.

Mak 3:18

⌊Laa oh am⌋ Andru, Pilip, Bartolomyu, Matyu, Tomas, Alpius bekka Jems, Tadius, Saimon, nug am Selot,

Luk 6:15

Matyu, Tomas ele, amu Jems laa nug Alpius bekka. Amu Saimon laa, nug am Selot.

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Jon 7:35

Anam a amu Juda ag akka akka nai mattinna appig. “Nug adeppa ukkeb, ig Nug ii anidmata? Nug Juda laala Grik wanppa daatteb, ahilagppa ukka Grik danab ippunadkkutai.

Aposel 1:13

Haen ag aab okkaippa tena amu ag gona, ag lag oo attan, ag daappig ele amuppa teppig. Ag onilag amu Pita, Jon, Jems, Andru, Pilip, Tomas, Bartolomyu, Matyu, Alpius bekka Jems, Saimon, nug am Selot, amu Jems bekka Judas aakku.

Aposel 12:17

Ottaina dabmak kuɗum aoeg, nug eppegppaib toettaglagnu awowa, Naɗi attem he nug maniguittak ooppanu dimittim doumnu amelagppa mattiom. Nug amunu mattia mala, nug, “Ag Jems amu ig lainkad laala ele imunu appeg doyeg!” awa aum. Anam awowa, nug laih ukkom.

Aposel 15:13

Pol, Barnabas ele aa nai amu mattiya malaeh amu Jems nug aum. “O lailad, da nai imu appi ag doyeg!

Aposel 15:21

Aɗinu? Ig doottem, anukkan uɗie gemu ele, aab okkai ohppa danab ag Mosesnu ɗo nai mehuqna, ag ele Sabat deɗppa Juda dilag nai doyak lag ohppa nai amu ebqetteb,” awa aum.

Aposel 15:23

ag uɗug yaak ele aoya gokkulahnu eppelahppa meppig. Uɗugppa yaappig am inam. “O iitta aɗi lainkad Antiok, Siria amu Silisia ele daatteb, ig Kristen tamaniaknu totol danab, ikki danab ele, ig ag lailkad daattem amu, ig pas imu ag ebqena dooglagnu iikku yaattem. O lainkad ig ag humadttem.

Aposel 2:5

Haen amuppa wan ohppanu Juda danab ag Kayaknu ebehilkad oh bodoetta le meum ele, ag gona, wanppan wan ohppa daappig amu, ag appanu uɗin Jerusalem daappig.

Aposel 21:18

Oolag mekke, wagɗe deɗ amuppa Pol nug ig ele oh Jems anidkkunignu ukkaut, Kristen tamaniak ikki danab oh ag Jems ele daaegeg,

Aposel 23:26

“Da Klodias Lisias, da ad uɗug imu danab naɗi, gawana Peliksnu iikku yaattem. Da na humidttem.

Aposel 26:7

Israel dilag huu okkai 12nu danab ah, da ele ag oolagppanu laa aakku, ag oolag unuqagppanu Kayak noobppa dup nona binag amun tuqan ele menana, ag Kayaknu nai qakkak amu gogppa tekkunu dabmak aɗan ameg mena daatteb. O king, dabmak aɗa ameg ma dayak amunu, Juda ag da eheɗ heminu atteb.

Aposel 8:1

Stiven menppa makkuɗeg mauhehe, Saul nug amunu oo ena dayom. Amu genab tutukku hak danab laala ag nug gaɗa aon gona boumna, mahiak okkai heppig. Aria, haen amuppa Juda dilag okkai ag ahan digmena, Kristen tamaniak Jerusalem dayom amu heeg nauha auta awom amunu, Kristen ag ahan, matatun gona, Judanu wan atu, Samarianu wan atu eleppa daappig. Kristen ag ahan goppig, amge totol danab 12 ag Jerusalem ii uuppig; ag daappig.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

Galesia 1:19

amge da Jesusnu totol danab laa ag ii anadmi. Da Jems, Naɗi amag, nugib da anidmi.

Galesia 2:12

Nug Jems laikkud laala Antiok ii beppig haenppa amu, nug iitta aɗi danab ele daanna, oh ee lappig, amge danab amu ag beeg amu, aria nug danab amu, ag am gaɗa otaɗak kobolnu ɠagattag dabmetteb ele amu, nug ag baɗatta, iitta aɗi ele daappig amu eɗua uuatta, laikkudib ele daappig.

Galesia 2:9

Jems, Pita, Jon ele, laa ag ahilagnu, “Ag am ikki danab,” aon atteb amu, ag Kayak Nug ehanittak okkai hamu megatte amuppa Nug da uɗat imu hekkulnu meiɗom dooppig. Ag anam dooppig, amunu ag da Barnabas ele i eppenih aɗaeg, ig oonig laippu meta, da Barnabas ele i am iitta aɗi oolagppa uɗat hebupuɗ, ag am Juda danab oolagppa uɗat hekkulagnu amut.

Duteronomi 28:64

Yawe Nug ag wan imuppanu maatteb gona, tamtam wanppan wan ohppa daaglag amunu, ag baula wan imuppa ii daamna. Appa ag danab laihnu dilag kayak menppa, adppa ele hadappig amu; ag amu, ag mamelkad aɗi ele ii dooppig ele amu, ag amu noolagppa dup noa binag mak kobol hekkulag.

Duteronomi 30:3

Yawe, ahilag Kayak, Nug ag diia, ahilag wanppanab eɗua maadkku. Nug ahilagnu oo gai-iitta doya oo metta ehanittak ha, Nug ag matatuatta, wan laalappa mattom, Nug amuppan eɗua diia, qagmaadkku.

Duteronomi 32:26

Da ag matatuadppi, ag tamtam gona daalob. Ao, da heppi, ag iitta mena autna aoppeg, hab waappa amu, danab laa nug ahilagnu baula dab-ii-melo.

Duteronomi 4:27

Yawe Nug lamatteb, ag matatun gona, wanppan wan laala oolagppa daan mauhkkulag; laib laib aakkuib ag bau daaglag.

Pilipai 1:1

Da Pol, amu Timoti ele, i oh am Kristus Jesusnu maɗi nid, i uɗug imu Kayaknu danab ah oppiaawak ele oh Jesus Kristusnu daan Pilipai daatteb, amu ahilkad gumak ikki danab, amu ahilkad toliak danab oh ele, ahilagnu yaattep.

2 Timoti 4:21

Na haen gamag imuppa, oug haen iitta imuppa wagai mena, paha gumiɗna uɗie! Yubulus, Pudens, Linus, Klodia, amu ig lainkad laa oh ele na humidtteb.

Taitus 1:1

Da Pol, da Kayaknu maɗi nid, amu Jesus Kristusnu totol danab ele daattem. Kayak Nug da laa Nug ag tituanattom ele, da ahilag ooppa genab doyak ehanidkkulnu, da ele doyak diig genabib, doyak amuam ag Kayaknu neekkakppa genab tutukku hak danab daaglagnu ippunadtte amu, da ag doyak amu ele ippunadkkulnu meiɗe uɗimi.

1 Pita 1:1

Da Pita, da am Jesus Kristusnu totol danab. Da nai imu ag Kayaknu danab, Nug tituanattom ele, ag prowins onilkad Pontus, Galesia, Kapadosia, Asia, amu Bitinia ele, ag aab diig danab iitta goppig daatteb amu, da ahilagnu yaattem.

2 Pita 1:1

Da Saimon Pita, da am Jesus Kristusnu maɗi nid, amu totol danab ele, da pas imu yaattem. Da ag laa, ag ihinig Kayak, Jesus Kristus, Nug Padal ii maknu ehanittak ihinig daatte amu, Nug genab tutukku hak kobolib dim lamitta he, ag ooppa genab doyak enanag, ihinig bia, ag amu aoppig, da ahilagnu yaattem.

Jut 1:1

Da Jut, da Jesus Kristusnu maɗi nid laa iikku. Da Jems ele i am eamag. Nai imu amu Kayak, ig Mamenig, Nug baekkudppan danab, Nug ag onilagppa eum, ag nuhig oo mauhak ooppa daatteb, Jesus Kristus Nug ag atognoadtte ele amu, da ahilagnu yaattem.

Revelesen 7:4

Nug anam a amu, da Israel dilag huu okkai ohppanu danab ah ag Kayaknu epponak keeke aoppig ele, da ahilag ebqak doomi. Ebqak amuam kuɗumnab (144,000).