Hosea 1:1 - Nobonob Baibel

¹ Yawe Nug Beri bekka Hosea amegppa nai imu, Usia, Jotam, Ahas, Hesekaia ele, ag Juda dilag king baadna daaeg ukkom, aria Jehoas bekka Jeroboam nug Israel dilag king ba dayeye, haen amuppa Hosea nug nai imu mattiom.

Hosea 1:1 Iomraidhean Croise

2 King 13:13

Dimppa Jehoas nug mauhe, ag Samaria appa Israel dilag king boumadppigppa boumppig. Nug mauhe amu, Jeroboam ⌊laa⌋ nug abenabppa king ba dayom.

2 King 14:16

Dimppa King Jehoas nug mauhe, ag nug Samaria appa Israel dilag king boumadppigppa boumppig. Nug mauhe amu, nug bekka Jeroboam nug abenabppa king ba dayom.

2 King 14:23

Joas bekka Amasaia nug Juda dilag king dayaya, nuhig king dayaknu maɗ 15ppa amu, Jehoas bekka Jeroboam nug Israel dilag king ba dayom. Nug king ba, nug maɗ 41 Samaria appa king dayom.

2 King 15:32

Remalia bekka Peka nug Israel dilag king dayaya, nuhig king dayaknu maɗ aɗitppa amu, Usia bekka Jotam nug Juda dilag king beum.

2 King 15:5

Amu Yawe Nug he, gaɗa oɗe nau ele Usia qa, ii uuitte ukke, nug mauhom batak am anam dayom. Amunu Usia nug kingnu lag enanagnab amu uua, lag laappa ukka dayaya, nug king dayom, amge nug bekka Jotam nug kingnu uɗat amu haaha, king laug am wan ele gumeeme ukke, mameg Usia mauhom batak.

2 King 15:7

Usia mauhe, ag nug gaɗa Dawitnu Aab, appa nug mamekkud aɗi boumadppigppa, aben amu guguittak nug boumppig. Nug mauhe amu, nug bekka Jotam nug mameg abenabppa king ba dayom.

2 Stori 27:1

Jotam nug maɗ 25 dayaya, nug king ba dayom. Nug king ba, nug Jerusalem appa maɗ 16 king dayom. Nug anig am Sadok aɗeg Jerusa.

2 Stori 28:1

Ahas nug maɗ 20 dayaya, nug king ba dayom. Nug king ba, nug Jerusalem appa maɗ 16 king dayom. Amge nug Yawenu neekkakppa kobol genab tutukku ele ii dim lamittom; nug alag Dawit heum bia ii heum.

2 Stori 29:33

Amu ag doɗ laa manadna, Yawe mettaglagnu nuhignu tituana mettak daappig amu, amuam makau dawai 600, sipsip, meeme ele 3,000.

Aisaia 1:1

Juda dilag king Usia, Jotam, Ahas, Hesekaia ele ag haen anen anen king daaegeg, Yawe Nug Juda danab ah oh, laa Jerusalemnu, laa Juda wanppa laih laihnu amu, Nug amu dilagppa aɗi bekkunu Amos bekka Aisaia miagib ippunittom amu, amunu nai am iikku.

Aisaia 7:1

Haen Jotam bekka Ahas, nug am Usia alag, nug Juda dilag king dayeye, Resin, Aram dilag king, amu Remalia bekka Peka, Israel dilag king ele, aa Jerusalem teya, ban hepiɗ. Aa ban hepiɗ, amge aa aab okkai amu eɗidya aoglahnu elele iitta.

Jeremaia 1:2

Amu Juda dilag king onig Amon, Nug bekka Josaia, nug mameg abenab awa, Juda dilag king abenab awa, nuhig king dayaknu maɗ 13ppa, Yawe Nug digma, Nug nuhig nai Jeremaia mettom.

Jeremaia 1:4

Amu Yawe, Nug da, Jeremaia, Nug nuhig nai imu da meɗom.

Joel 1:1

Nai imuam Yawe Nug Petuel bekka Joel, nug Israel danab ah amelagppa ab dooglagnu ippunittom.

Amos 1:1

Nai imuam Amosnu nai. Amos nug sipsip gumak danab aab Tekoanu, nug ag oolagppanu sipsip gumak danab laa. Nug nai imu tuleglegppa anttom. Nug anttom, haen amuppa Usia nug Juda dilag king daye, Jehoas bekka Jeroboam nug Israel dilag king dayom. Nug tulegleg imu antte, maɗ aɗit uue, mim naɗi aakku neum. Nai imuam Israel dilagppa dimppa aɗi bekkunu nai.

Jona 1:1

Yawe Nug Amitai bekka Jona amegppa inam aum.

Maika 1:1

Juda wanppa, haen Jotam, Ahas, Hesekaia ele ag king daappig, haen ag king daappigppa Yawe Nug Maika, Moreset ted, Nug nug nai imu mettom. Maika nug Samaria, Jerusalem ele dilahnu tulegleg imu anttom.

Sekaraia 1:1

Darius nug Persia dilag king dayaya, nuhig king dayaknu maɗ aɗitnu kalam eblaih ewam eleppa Yawe Nug nuhig nai propet Sekaraia ⌊engel laa oɗeppa⌋ mettom. Sekaraia nug Berekia bekka. Berekia nug am Ido bekka. Nai Yawe Nug Sekaraia ⌊Israel amelagppa ab dooglagnu⌋ mettom am inam.

Jon 10:35

Anukka Kayak nai wan imuppan danab, amu dilagppa ukkom amu, amuppa Nug ahilagnu, ‘Ag am Kayak ganiappud,’ aum. Aria ig doottem, Kayaknu nai keeke laa hambuppuak ii ippunigtte. Iitta! Tutukkuib ippunigtte

Rom 9:25

Amuam Kayak naippa, nai laa Hosea yom, nai amu daatte amubia. Nai amuam inam. “Da laa ag danab ah dahilad iitta, da ahilagnu ‘Dahilad danab ah,’ akkul. Da laa ag danab da ahilagnu ool ii mauhom ele, da ahilagnu ‘Laa da ahilagnu ool mauhtte,’ akkul.”

2 Pita 1:21

Aɗinu? Danab laa nug nukka nuhig dabmakppa propet nai ii aum. Iitta. Kayak Ouɗi Nug propet dabmak madette, ag nai Kayak toppanu uɗiom amu, ag madippig.