Genesis 9:3 - Nobonob Baibel

³ Anukka da keh oh wanppanu bette ag lakkulagnu mattami. Amu geha imu da doɗ oh ag eppelagppa mettem amunu, ag doɗ ele lattaglagnu elele,

Genesis 9:3 Iomraidhean Croise

Genesis 9:2

Aria, keeke laa ele, da heppi, doɗ, ai, kakai, doɗ laa ag oolag wan qeeqe oitteb ele oh, ag ahilagnu baɗak okkai doon, ag waalagpa daanna oiglag.

Lewitikas 22:8

Mana mettak danab ag doɗ akka mauhppigte, o doɗ laa, doɗ dakkuɗ laa ag aqadna tuqatteg neppig amu, ag amu iinab lamana. Ag lakkulag amu, ag am Kayak ele ouqa dayaknu elele iitta daaglag. Da am Yawe.

Rom 14:14

Amu da am Naɗi Jesusnu danab, amu Nug da ippuniɗa auta awe, da ee laippu laa nug nukka ii lanaknu epeɗiak ii daatte doottem. Amge danab nug nukka keeke atten laa nug amunu eheɗ dootte, nuhigppa am eheɗ daatte ele doottem.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Rom 14:20

Ag aib ee lanaknuib dabmena, Kayaknu uɗat heppeg nauhom. Am genab, ee oh am lanaknu epeɗiak daatte, amge na keeke laa lae, amu he, danab laa nug oo eeɗak doya na qette dayeb amu, na aakku kobol eheɗ hettem.

Rom 14:3

Danab nug ee oh latte, nug danab doɗ teppu ii latte ele, nug nuhignu aib dabmak nau awom. Amu danab doɗ teppu ii latte, nug danab ee oh latte ele nuhignu, “Am hipunin hette,” anam aib dabmeum. Iitta. Kayak Nug danab amu nuhig daakkunu awom daatte.

1 Korint 10:23

Da keeke oh hekkulnu ib daatte, amge keeke oh da ii ehaniɗtteb. Ge, da keeke oh hekkulnu ib daatte, amge keeke oh amu heppeg, da ɠagattag ii daapa.

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

Duteronomi 12:15

Amge ag aab naunau attenppa doɗ teppu awaknu doɗ baalag otaɗadppeg mauhppeg tuqaglagnu am nai iitta. Ag gemu gasel, amu dia eleppa hetteb bianab hekkulag. Yawe, ahilag Kayak, Nug ag doɗ lanaknu gane madatte amu, ag am oh lakkulagnu elele. Kayak ele ouqa dayaknu elele, o ouqa dayaknu elele iitta, me ag aakku lakkulag.

Kolosi 2:16

Kayak Nug anam heum amunu, ag uuppeg, danab laa nug nuhig dabmakppanu ee lanaknu, le lanaknu amu deɗ okkai mettidnu, kalam baunu mettidnu amu Sabatnu ele ɗo laala, ag dim lamidkkulagnu ii mema.