Genesis 8:1 - Nobonob Baibel

¹ Le hiɗ naɗi anam ba daye ukke, Kayak Nug Noa, nug baekkudppa ele, doɗ dakkuɗ, doɗ aabppanu ele, ag Noa ele uubppa daappig amu, Nug amu oh dilag dabmak awa he, ulah uɗia le iwale, digma hiɗa noum.

Genesis 8:1 Iomraidhean Croise

Genesis 19:29

Haen Kayak Nug aab okkai uɗem amuppa daappig ele he, padal meppig, haen amuppa Kayak Nug Abrahamnu dabmaama, Nug Lot omala, aab okkai nug daattomppa, aab amu dimittim ukke, padal ii meum.

Genesis 30:22

Aria dimppa, Kayak Nug Rahelnu dabmak awa, unuqittak nuhig ele doya, Nug he, Rahel nug nid menukkunu elele dayom.

Genesis 9:10

Da ag ele nug tituana nai qakkak hettem, amu da doɗ oh, ag ele uubppa daappig; amuam ai, aabppan doɗ, doɗ dakkuɗ ele, doɗ amu oh ag ele uub uun neppig, keeke oh wanppa bau daan oitteb amu, da ag oh ele nug tituana nai qakkak hettem.

Nehemaia 13:14

O Kayak dahil, da uɗat amu aakku anam hemi amunu, na dahilnu dabmekkutnu oɗ medattem. Da na laut ena daakkunu, appa uɗat na haknu ɗo meme amu, laa ag uɗat nahip amu pehettak, elele hekkulagnu elele daaglagnu ele uɗat heinne daami amu, na amu obippe, ii hemibia daamanu oɗ medattem.

Nehemaia 13:22

Da amu hewoya, da Lewi buɗubppan mana mettak danab iitta, ag Kayak ele ouqa dayaknu elele daaglagnu beɗulag, oolag ele bappaidna gona, od gumak uɗat hekkulagnunab ag amelagppa ami. Ag amu heppeg, Sabat deɗ, deɗ amuam Kayaknu tituanak daatte, deɗ amu anam daakkunu anam hemi. O Kayak dahil, uɗat dahil amunu ele na dahilnu dabmekkutnu oɗ medattem. Na oo mauhaknab kobol nahip dim lamidna, dahilnu oot gai-iitta doon oot meɗan ehaniɗkkutnu oɗ medattem.

Nehemaia 13:29

O dahil Kayak, danab ag amu heppig ele, amuppa ag mana mettak danab ag attem attem daaglagnu ii dabmena heeg, dayak amu nahip neekkakppa dubuttid teum daatte. Na he, mana mettak danab, aria Lewi buɗubppan mana mettak danab iitta, na ag ele, ag nug tituanna nai qagappig, amge ag nug tituanak amu oppatppig; amu na ahilag hak amunu daut atikkunu ool ii daatte.

Nehemaia 13:31

Laa ele amu, da danab ah ag deɗ deɗppa aab aon meppeg, mana mettak danab ag aab amuppa qaɗabppa doɗ manadna, Kayak mettaglagnu ib bappaidmi. Laa amu, da danab ah ag dattanu ee tatam oɗutte ele aon uɗin, Kayaknu mettid lakka mekkulagnu ele ib bappaidmi. O Kayak dahil, na dahilnu dabmena, ehaniɗkkutnu oɗ medattem.

Job 12:15

Kayak Nug gu nemanu a, gu ii ne, wan qaɗaietta auta autanab aotte. Kayak Nug he, gu huanaknab ne, le ui eheɗ o, wan aakku nauhtte.

Job 14:13

O Kayak, na mauhak abenppa lokkumiɗppe, nahip oo nauhak iitta meeb, na eɗun maɗeɗilomnu ool daatte. Ao, na haen adekkunab eɗun ehaniɗppe, da ena daakkulnu haen tituanna, haen amuppa na dabmeɗan ehaniɗlomnu ool daatte.

Sam 105:42

Nug amu heumnu diig am, Nug nuhig maɗi nid Abraham amegppa keeke laa hekkunu nai anan qakkom, nai amuam qa oppiaawak ele, Nug amu dabmaama, Nug amu heum.

Sam 106:4

O Yawe, na nahipad danab ah dilagnu na ii helom bia me, na ehanadnana, dahilnu dabmekkutnu oɗ medattem. Na ag padal ii memananu ehanadnana, da ele ehaniɗppe padal ii mepanu unuqidttem.

Sam 115:12

Yawe Nug ig Israel buɗub, ihinignu dabmette; Nug genab ig itigkku. Ao, Nug Israel danab ah itadkku. Nug Aron baekkudppa ele itadkku.

Sam 132:1

O Yawe, Na Dawit dabmettan, nug uug kuɗum mawomnu ele dabmekkutnu oɗ medattem.

Sam 136:23

⌊Ig Yawe,⌋ Nug danab ag ihinignu dabmak atognoak ii aon, eheɗ dooikkegeg, ig Nug daugppa doum amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Sam 137:7

O Yawe, Edom ag deɗ Babilon dilag ban danab ag Jerusalem eɗittegeg, ag aɗi henan daappig na dautppa dob, ⌊bu madakkutnu⌋ oɗ medattem. Deɗ amuppa amu, Edom danab ah ag, “Loppaɗppeg naɗ! Loppaɗna autnanab aoppeg naɗ!” eppig.

Sam 29:10

Yawe Nug yu okkai gumatte. Ao, Nug king okkai hanhannu daatte.

Sam 36:6

Nahip genab tutukku hak kobol amu naɗinab, qauko attannab hume tak, amubia daatte. Ao, nahip nai doya mala hettoɗia epeɗia elele mettak kobol am naɗinab, am yu gamag unuqagnab noa ukkak bia daatte. O Yawe, na danab ah atognoadnana, doɗ ele atognoadttem.

Eksodas 14:21

Anam daye, Moses nug eppeg attan huma, yu epponitte, tuqan amuppa Yawe Nug he, laih aam bedeppanu ulah ɠagattag uɗia, ulah nug heehe ukke, wagɗom. Ulah amu yu duttune, yu gamagppa oppata, aɗit laih laih ɠagattag gilil bia dayeye, wanppa ib qaɗaiettak dayom.

Eksodas 15:10

Ag anam appig, amge Yawe, na haen laippuib ouɗi iwale, yu nug Isip tonom. Ao, ag am yu naɗi ooppa unuqagnab men bia noppig.

Eksodas 2:24

Israel ag anam heeg, Kayak Nug ahilag gayak amu doya, Nug hei, Nug Abraham, Aisak, Jakop ele nug tituanna nai qagappig ele amu, Nug tituana nai qakkak nuhig amu dabmeum.

Prowerb 25:23

Gu haenppa gu genab nettebia; laa nug layagnu nai nau maditte amu, layag nug genab oo nauhtte.

Aisaia 44:27

Da le yuppa gotteb, yu ele qaɗaiettaglagnu ai ag qaɗaiedatteb.

Jeremaia 50:38

Laa heeb, Babilon dilag le qaɗaietteg! Anam heeb, le am qaɗaiettaglag. Aɗinu uug amu oh Babilon wanppa bekku? Ag kayak hambuppuak dottolkad noolagppa dup nona binalag metteb. Amu Babilon danab ah ag dottolkad amu dabmenana, ag kaaka danab hette bia hetteb.

Amos 8:7

Ag anam hetteb, amge Yawe, Israel dilag Kayak, Nug Nug onigppa nai imu ɠagattag qetta, inam atte. “Da ahilag kobol nau ohnu amu, da daul iinab atima,” awa atte.

Jona 4:11

Anam amge, da ele Niniwe dilagnu dabmein, ool dootte. Aab okkai amuppa nid naunau eheɗ laa ii heppig ele kuɗum daatteb; ahilag ebqak 120,000 eɗittak. Doɗ kuɗum ele daatteb,” awa aum.

Nahum 1:4

Yawe Nug a, yu qaɗaiedatte. Ao, Nug a, le oh ele qaɗaiedatteb. Nug a, keeke oh Basan wanppa, Karmel wanppa ele mauɗna netteb. Ao, Lebanon wanppa haɗag oh nauhtteb.

Habakuk 3:2

O Yawe, da na onin, binan okkai elenu nai doomi. Ao, O Yawe, nahip haknu amu, da dabmein, da ebehil oh bodoetta le mette. Da na nahip hak okkai baula gemu hekkutnu oɗ medattem. Ao, na ihinig haenppa nahip ɠagattag hak baula ippunigkkutnu oɗ medattem. O Yawe, na ihinignu oppoɗin beum daatte, amge na oppoɗin anam dayeye, na oo gai-iitta doya oo metta ehanittak kobol ele dabmekkutnu oɗ medattem.

Sekaraia 10:11

Da ehanadppi, ag danab nug yu naɗi, duban huanak ele mataɗa gokkunu hette, amubia dayebeb uug eɗadkkulag Ao, da heppi, yu duban am iitta mekkulag, Nil le ele qaɗaiedakku. Da heppi, Asiria danab, ag am dada danab amu, ag uɗalag nekku. Ao, da heppi, Isip nauhkku.

Namba 10:9

Haen kekeɗ ag uɗippeg, ag ele ag wanelagppa ban hekkulagnu heppeg amu, ag kekeɗ amu ele ban hekkulagnu henana, ag trampet amu huana iwalppeg, da Yawe, ahilag Kayak, da amu doyen, da ag kekeɗ eppelagppanu eɗuen diikkul.

Namba 22:32

Balam nug engel antte, Yawenu engel nug Balam oɗ mettom. “Na aɗi diignu nahip donki haen ewam imu bu qeme? Na doonna, eheɗ hekkutnu hettem, da anidttem amunu, da heppi, nahip ib keldoak daakkunu uɗimi daattem.

Revelesen 16:19

Mim ne amu, aab okkai amu nug obate, maha ewam bate, aria atu atu dilag aab okkai ag nena qeppig. Haen amuppa ele amu aab okkai Babilon onig, ɠagattag ele nug Kayak daugppa do, Nug nuhig oppoɗi bak okkainab kap-ppa wain bia mette, Babilon laum.

Revelesen 18:5

Aɗinu? Nuhig hipunin am ameg naɗi habppa teppig bia daatteb. Ao, kobol eheɗ nuhig am Kayak daugppa doum.

1 Samuel 1:19

Aria, Hana nug anam daye, wagkkaɗe buttuanab ag ahan, Yawe noobppa dup nona binag mewona, ag eɗun, Rama goppig. Rama am ag appalag diig aakku. Ag gona daanna, Elkana nug Hana ele oieheh, Yawe Nug Hananu dabmaama he, Hana nug oo ele dayom. Nug oo ele daye ukke, nuhig haen uɗie, nug nid danab menuom. Nug menua, nug “Da Yawe nid imunu oɗ mettami,” awa aum amunu, nug onig Samuel ataɗom.