Genesis 6:8 - Nobonob Baibel

⁸ Amge Noa nug Yawe noobppa ena dayom.

Genesis 6:8 Iomraidhean Croise

Genesis 19:19

Na da, maɗi nid nahip, na dahilnu ii helom bia me, na ehaniɗme. Na dahilnu oot bodoetta auta awe ehaniɗme, da ii mauhmi. Aakku, amge da doottem, aab imunu padal mak am paha bekku amunu, da qaukoppa gokkulnu am haen elele iitta. Da mauhkkul.

Sam 145:20

Yawe Nug aun aɗi ag nuhignu oolag mauhehe daatteb ele amu, Nug ag dabmadatte, amge aun aɗi ag nau hak danab daatteb ele amu, Nug ag hatte nauhtteb.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Prowerb 12:2

Yawe Nug danab ena dilagnu oo ena dootte; amge danab lokkumakppa kobol kobol hekkulagnu doon autna aotteb ele amu, Nug ag naippa maadtte.

Prowerb 3:4

Na anam hekkut dayeb, na Kayaknu neekkakppa, danab ah dilag neekkakppa ele, na danab diignu doyak tutukku ele daakkut.

Prowerb 8:35

Aɗinu? Aun laa nug da mattiɗa aniɗtte amu, nug aakku bau dayak andette, Yawe Nug nuhignu ena dootte.

Jeremaia 31:2

Amu Yawe Nug imu ele atte. “Danab ah ag qep elabppa ii mauhkkulag amu, ag atu taɗakppa daappeg, da ahilagnu ii helom bia me, da ehanadkkul. Da uɗien, Israel ehanadppi, ag maɗoɗ ele daaglag,” awa atte.

Esekiel 14:14

danab ewam imu, Noa, Daniel, Job ele, danab ewam amu wan amuppa daaloblob, ag genab tutukku hak danab amunu, ag ii mauhmana, amge ag danab ah laa oh ehanadppeg, ag bau daaglagnu elele iitta.” Naɗi Yawe Nug anam awa atte.

Matyu 24:37

Noanu haenppa danab ag kobol aɗi aɗi heppig, amubia Danab Bekkalag da, da eɗue uɗikkulnu haenppa amu, danab ag kobol anamib hekkulag.

Luk 1:30

Anam a amu engel nug amegppa aum. “Maria, na aib baɗame. Kayak nahipnu oo ena daatte.

Luk 17:26

Nug anam ana amu Nug baula aum. “Noanu haenppa danab ag kobol aɗi aɗi heppig, amubianab Danab Bekkalag da, da eɗue uɗikkulnu haenppa amu, danab ag kobol anamib hekkulag.

Aposel 7:46

Amu Kayak, Nug Dawitnu enanag doye, Dawit nug Kayak, Nug am Israel dilag Kayak, nug Nug laug hekkunu unuqittom.

Rom 11:6

Amu Kayak Nug danab amu ehanittak okkai hamu madatta tituanattom dayeb amu, Nug ag uɗat heppig amuppa ii diiattom. Ag uɗat heppig amunu Kayak Nug diiattom daalo amu, Kayak Nug ehanittak okkai hamu mettakppa danab diittenu kobol amu keeke hamu daalo, ehanittak okkai hamu mettak kobol amuam meu iitta daalo.

Rom 4:4

Ig doottem, haen danab nug uɗat ha, daden nob aotte amu, nob amunu ig ɗo hamu mettak ii attem. Iitta. Keeke amuam ig uɗat haknu nob aakku aotte attem.

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

Galesia 1:15

Amge Kayak, Nug anai da ii menuiɗom haenppa da tituaniɗa, nuhig ehanittak okkai hamu megatte, amuppa Nug da onilppa eum amu, haen amuppa Nug nukka dahilnu dabma,

2 Timoti 1:18

amunu, da keeke amu ohnu amu da gogtak haenppa, Naɗi Nug nuhignu oo gai-iitta doya oo metta ehanidkkunu unuqidttem. Nug Epesus appa keeke kuɗumppa ehaniɗom ele amu, na amu doon malame.

Taitus 2:11

Kayaknu ehanittak okkai hamu mettak amu, ehanittak amuam eɗua awikkaknu diig, amuam danab oh amelagppa aakku miag atiom.

Hibru 4:16

Amunu uug haenppa Kayak Nug ihinignu oo gai-iitta doya oo mekka ehanikkunu, Nug ig ehanittak okkai hamu megakkunu amu, ig ii baɗatta, Kayak gumitta gotu!

1 Pita 3:20

Ouɗi amu ag am danab anukka Noanu haenppa Kayak oɗe dim ii lamitteg, Kayak Nug pahanab ahilag nob nau madakkunu ii dabmeum. Iitta. Nug oo bodoettak dayeye, Noa nug uub itom. Uub amuppa amu danab ah eblaih ewam ele ag akka ooppa nona daanna, ag danab ah nau ele ouqena, ag ele padal memananu ag leppa ehanittak aoppig.

2 Pita 2:5

Amu Kayak Nug he, Noanu haenppan danab laa ohnab iite padal meppig? Yo, Noa, nug am genab tutukku hak kobolnu mehuqak danab amu, Kayak Nug nug, amu eblaih aɗit ele laa ag akka aakkuib atognoattom; danab laa oh, ag am Kayaknu nuhig haknu ele uuak danab amu, le hiɗ naɗippa padal meppig.