Genesis 5:2 - Nobonob Baibel

² Nug danab ah ele haata, Nug laa am danab, laa am ah haata itatowa, ahilahnu, “danab,” aum.

Genesis 5:2 Iomraidhean Croise

Genesis 1:27

Anam amunu, Kayak Nug danab ah, laa am danab, laa am ah, Nug bia haatom.

Genesis 1:28

Haatowa amu, Kayak Nug itatata aum. “Aa appatpeɗ, aa buɗulti atu oh tonan malan, daan oiyeg! Oinna, ag keeke oh, doɗ dakkuɗ, aabppanu doɗ, doɗ naunau, kakai, ai oh ele, ag amu oh gumatteg!” awa aum.

Genesis 2:15

Yawe Kayak Nug amu oh ha malowa, dimppa Nug danab awa, dad Iden wanppa dayom, appa nug dad uɗat hekkunu, keeke oh gumadkkunu ele meum.

Genesis 2:23

Omala ukke amu, Adam nug aum. “Imu amu, nug da ebehilppanu, nug da ganial. Ao, imu amu nug da teppulppanu, nug genab da ganial daatte. Yawe Kayak Nug ah danabppa heum; diig amunu amu, da nug onig, ‘ah,’ ataɗttem,” awa aum.

Genesis 5:3

Amu Adam nug maɗ 130 dayeye, nug bekka nug bia doum. Do amu nug onig Set ataɗom.

Malakai 2:15

Haen na ah aome amu, Yawe Nug he, na waat ele laippu iite daapiɗ? Gaɗalahppa, ouɗilahppa ele aa nuhig daattep. Kayak Nug diig aɗinu kobol amu daakkunu meum? Nug aa nid ag genab tutukku hak kobolib dim lamidkkulagnu menuadkkulahnu oo hette. Anam amunu na nakka dabmettan autna awe! Na bau daanna, na nai nahip loppaɗmananu, na waatnu dabmenan oiye!

Matyu 19:4

Aeg amu Jesus Nug nob ma aum. “Ag Kayak naippa nai iite ebqeppig? Nai amuam inam. ‘Tatam keeke oh heum haenppa Kayak Nug danab ah haatom amu, Nug laa am danab, laa am ah haatom.’

Mak 10:6

Amge tatam keeke oh heum haenppa am anam iitta. Haen amuppa Kayak Nug danab ah haatom amu, Nug laa am danab, laa am ah haatom, amu

Aposel 17:26

Amu danab ah buɗub oh amu, Nug ag alalag laippu heum, amu nuhigppanuib ag bena appatppig. Appateg, Nug he, ag gona wan ohppa daaegeg, Nug nukka haen ahilag matta, appalkad anen anen ele mattom.